O deputado de Innovación e Promoción Económica, Javier Dios, acudiu hoxe no polígono industrial de Barro, xunto ao presidente de AJE Pontevedra Pablo Fernández, ao acto de entrega da nave que lle corresponde a Carlos Conde como gañador do premio Novo Empresario do Ano 2017.O beneficiario desta nave durante un ano é Carlos Conde, propietario dunha cadea de barberías para homes que abriu o seu primeiro establecemento hai vinte anos. Actualmente conta cunha trintena de barberías en Galicia, Asturias, Castela e León, Madrid, Comunidade Valenciana, Castela A Mancha e Estremadura.

O premio que obtivo o empresario, que fora anunciado no mes de novembro, consistía nunha nave ou oficina no polígono industrial de Barro durante un ano, prorrogable a dous, ademais dun computador persoal, unha bolsa para cursar un MBA, un ano de afiliación a AJE Pontevedra e unha escultura conmemorativa.Pola súa banda, o propietario de Carlos Conde sinalou que “este espazo necesitabámolo porque tiñamos unha nave que xa nos quedaba pequena e virá moi ben para almacenar stock de mobiliario e produtos que empregamos diariamente nos nosos locais.”

O Premio “Xove empresario do Ano”, impulsado por AJE Pontevedra, ten por obxectivos promover a cultura emprendedora, a innovación empresarial, a creación de emprego e a internacionalización das pemes, galardoando a aquelas persoas emprendedoras mozas que contribúen a crear riqueza e emprego na nosa provincia.  Así, serán obxecto de galardón as ideas de negocio lideradas pola mocidade da nosa provincia e que sexan viables técnica e economicamente.

https://www.depo.gal/web/edepo/-/noticia-a-deputacion-fai-entrega-dunha-nave-no-poligono-de-barro-a-carlos-conde-ganador-do-premio-de-aje-Pontevedra

Das empresas que asinou este luns unha dedícase ao tratamento de auga para o hoteis, restaurantes e cafeterías; outra das empresas, de nome SCN Shop, dedícase ao comercio polo miúdo de artesanía de papel; Inoga, esta especializada en servizos integrais de enxeñeira civil, arquitectura e construción pública e privada; e finalmente a sociedade Unosiete Conecta e Aforra, traballa na intermediación de comercio e distribución de toda clase de artigos, produtos e servizos a través de internet, catálogo e presencial con axentes comerciais.

A día de hoxe o viveiro de Barro ten ocupadas once naves e outras dúas solicitudes están en tramitación están ocupadas 16 e tres novas solicitudes polo que chegaran ás 19 das 24  dispoñibles.

A Deputación de Pontevedra iniciará en breve o proxecto de coworking, co Ministerio de Industria, Enerxía e Turismo, a través da Escola de Organización Industrial (EOI). A iniciativa ten un importe de 800.000 euros e son catro edicións de formación. A primeira comezará o día quince de outubro

Outra das iniciativas que se poñerán en marcha no viveiro no último trimestre do ano, é o denominado Fab Lab, un laboratorio creativo de fabricación dixital e impresión. Trátase dun servizo moi demandado polos emprendedores e os propios viveristas instalados en Barro.

A empresa Distribuciones Froiz S.A. presentou este martes a documentación para a comunicación previa ao inicio das obras do peche da fachada da parcela principal no polígono de Barro, cuxo inicio estímase antes dun mes.

O Grupo Froiz adquiriu novas parcelas no polígono de Barro-Meis. A venda de 10.000 metros cadrados de terreo xa fora aprobada pola Deputación no mes de abril, por un importe 1.150.000 euros.  Nos últimos días asinouse a venda desta parcela xunto coas doutras sete para seis empresas que tamén adquiriron espazos no polígono cunha extensión de 16.613 metros cadrados e un importe que rolda os 1,8 millóns de euros.

Estas empresas son a firma de enerxías renovables EDF Solar S.L., o cocedero Mariscos Alumar, a empresa de transportes José Benito González Villaverde, o importador de froitas TC Grupo Atlántico SL, Frutas Moncho e a firma de transportes Bavalent SL (que comprou dúas parcelas).

A día de hoxe están vendidas un total de 34 parcelas que suman ao redor de 140.000 mmetros cudrados e están outras dúas pendentes de firma en próximas datas.  Quedan outras 40 parcelas á venda e que poden ser adquiridas ata abril do 2018.

FROIZ

Coa última adquisición de terreo o Grupo Froiz adquiriu un total de 16 parcelas en Barro Meis para a instalación do seu Centro Loxístico nesta localización estratéxica. Con esta compra Froiz é propietaria dunha superficie de 82.000 metros cadrados.

A presidenta da Deputación, Carmela Silva, expresou o seu agradecemento ao empresario “modelo” Magín Alfredo Froiz “pola súa aposta pola economía en Galicia” e polo seu “compromiso” coa provincia de Pontevedra.

Pola súa banda Magín Alfredo Froiz, recentemente recoñecido polo Goberno coa Medalla de Ouro ao Mérito no Traballo, agradeceu o compromiso das administracións co seu proxecto “parte del mérito es de la presidenta de la Diputación y del alcalde de Barro”.

Ademais explicou que a última parcela adquirida destinarase á plataforma de conxelados cuxa contrucción está previsto iniciar o próximo ano. “Espero que sea la primera de las fuertes” dixo respecto ao gran proxecto de Centro Loxístico do que a súa nave máis grande “nos queda un poquito más”.

O alcalde de Barro, Xosé Manuel Abraldes, mostrou a súa satisfacción polo “tipo de empresas que chegan ao polígono que non crean problemas e serven para atraer a outras”.

A  presidenta da Deputación de Pontevedra, Carmela Silva, asinou este luns os contratos de ocupación de tres novos espazos no viveiro de empresas do polígono de Barro-Meis. A  presidenta subliñou que en poucos meses “poderemos falar dunha ocupación do cento por cento das naves dispoñibles” no viveiro o que, ao seu xuízo, “demostra o seu acerto e boa localización”.

Carmela Silva recoñeceu que en breve “seguramente entre xullo ou setembro” estarán ocupadas todas as naves dispoñibles, aínda que quixo ser prudente coas datas que acompañan os procesos administrativos, pero as peticións xa están feitas.

Ademais anunciou a celebración dun evento para poñer en valor ás persoas que instalaron as súas empresas en Barro “porque en tempos difíciles arriscan. Porque de tempos de crises fixeron unha oportunidade e estas persoas son as que necesitamos na sociedade polo que quero desexarlles todos os éxitos”.

Carmela Silva asinou este luns os contratos das empresas “Loxística do Transporte”, “Papel en branco eventos” e “Inpekdrone”.

A primeira é unha firma dedicada ao transporte e distribución de mercadorías perecedoiras por estrada, que vai ocupar unha nova nave. O empresario Jorge Fontán de “Loxísticas do Transporte”, destacou as boas instalacións do viveiro e a súa localización o que lle fan pedir unha ampliación a outra nave “polo que son un exemplo do bo acerto do viveiro”.

“Papel en branco eventos” é unha empresa dedicada a servizos de asesoramento e organización de eventos para empresas e particulares, e vai ocupar unha oficina, a empresaria Isabel García agradeceu as facilidades para instalarse no viveiro “é unha axuda inestimable”, dixo.

E a terceira empresa é “Inpekdrone” dedicado a servizos técnicos de enxeñería, asesoramento e monitoraxe de cultivos mediante drons, que vai ocupar outra oficina. Alejandro Rodríguez de “Inpekdrone”, destacou que grazas ao viveiro de Barro “podemos montar esta empresas. É unha gran axuda”. Sobre esta firma, Carmela Silva, sinalou que se trataba dunha iniciativa pioneira en Galicia coa utilización das novas tecnoloxías na mellora dos viñedos.

http://pontevedraviva.com/xeral/37228/pocos-meses-vivero-empresas-barro-meis-ocupara-totalidad-naves-disponibles/

A presidenta da Deputación de Pontevedra, Carmela Silva, asinou este mércores no Pazo provincial a cesión de catro espazos no viveiro de empresas de Barro-Meis, propiedade da institución provincial, nas que tres emprendedores desenvolverán os seus novos proxectos empresariais en tres oficinas e unha nave. 

Deste xeito o viveiro, que foi construído no marco dun convenio de colaboración coa Fundación Instituto Cameral para a Creación e Desenvolvemento da Empresa (Fundación INCYDE), acollerá a empresa de construción “Casas Modulares de Madera S.L.”.

Tamén acollerá á empresa de fabricación de mollos e conservas vexetais e á elaboración de marmeladas artesanais “La Mariquita de Azúcar C.B.” e, por último, a empresa dedicada ao asesoramento a persoas con actividade no rural e ás mulleres emprendedoras e profesionais do rural “AF Negocios S.L.” (esta última ocupará dúas oficinas, unha para cada unha das dúas áreas de traballo sinaladas).

A cesión do espazo foi asinada por un período dun ano, con posibilidade de prórroga ata un máximo de tres.

http://pontevedraviva.com/xeral/32546/cuatro-nuevos-proyectos-empresarias-vivero-barro-meis/