A de San Xoán é a noite máis máxica do ano, e este ano celebrámola ao redor da cacharela no Pazo da Crega! 📅 Martes, 23 de xuño 🕤 21:30 horas Ven saltar as lapas, escoitar boa música e compartir unha noite inesquecible coa veciñanza. 🌙✨
🍖 CEA CON NÓS Podes apuntarte ao churrasco e pan por só 15€, ou se o prefires, traer a túa propia cea e disfrutar igualmente da festa. En calquera dos dous casos, é imprescindible reservar praza con antelación. 🍺 Haberá barra de bebidas para que non falte de nada durante toda a noite. 🎶 E para que a festa sexa completa, contaremos con música en directo!
📞 Reserva a túa praza: 👉 Esteban: 647 742 581 👉 Xabier: 687 182 439 Organizan: AC Barosa e Asociación Peñaflor de Barro Colabora: Concello de Barro 🔥 Non deixes pasar a noite de San Xoán sen celebrala como merece. Anótate!🔥
Barro, 20 de maio de 2026.- O grupo municipal do PP de Barro vén de acusar ao goberno local de poñer en risco aos veciños, as vivendas, o gando e o territorio fronte aos lumes forestais por non adherirse ao convenio de limpeza de franxas secundarias dos núcleos de poboación da Xunta de Galicia e da empresa pública Seaga e por non artellar ningunha medida especial de roza ás portas do verán máis alá de publicar bandos informativos. Os populares salientaron que esta iniciativa do Goberno galego é de gran importancia e, proba delo, é que 293 concellos xa se sumaron á mesma para facilitar e axilizar os traballos de prevención consistentes na limpeza dos radios de 50 metros dos núcleos rurais, polo que calificaron de “inadmisible” a actitude pasotismo e vagancia do alcalde, Xosé Manuel Fernández Abraldes Neste senso, lembraron que Barro é un municipio moi sensible a esta lacra por ser unha zona rural e cun gran peso forestal, xa que dispón de moitísimos bosques e zonas arboradas, polo que lamentaron a inacción do executivo municipal para recabar esta axuda da Xunta para rozar e limpar todas as contornas dos núcleo. O PP local lembrou que o prazo de adhesión ao convenio está aberto durante todo o ano, pero o Goberno galego fixou como primeira data inicial o pasado 21 de marzo para programar todas as actuacións necesarias, “polo que, aínda que Barro se incorpore agora, vai quedar loxicamente fóra destes traballos, xa que nin dá tempo antes da época de calor nin está estipulado pola firma Seaga”. Así, os populares criticaron que 59 días despois desta data límite siga sen pedirse a adhesión ao convenio de maneira inmediata, pero é que ademais elevou o seu malestar porque a práctica totalidade dos alcaldes consideran a proposta moi interesante e proba delo é que se sumaron masivamente. “Se todo o mundo quere este convenio para facilitar a limpeza das contornas dos núcleos, aínda non sabemos a que están agardando en Barro”, detallaron desde o PP, que cre que o rexedor estase trabucando absolutamente cos tempos neste asunto e esíxelle que rectifique para protexer a Barro nas mellores condicións ante a posible aparición de lumes forestais.
A política medioambiental iniciada esta lexislatura pola Concellería de Servizos de Barro está a demostrar unha tendencia positiva na xestión de biorresíduos e no aumento da recollida selectiva.
O balance ofrecido polo Tenente de Alcalde e responsable da área de Servizos, José Sanmartín, arroxa “datos excelentes” da xestión de resíduos durante o exercicio de 2025 en comparación co ano anterior.
Así, a cifra máis destacable son as 30 toneladas menos enviadas a Sogama durante o ano pasado,o que supuxo un aforro para as arcas municipais duns 5.000 euros.
Un dato vinculado moi estreitamente ao bo comportamento da veciñanza, con respecto á compostaxe comunitaria e individual.
En concreto, entre os 244 composteiros domésticos distribuidos no rural e o centro comunitario de San Antoniño foron tratadas un total de 31 toneladas.
No que respecta aos envases, tamén se rexistra un aumento notable de 27 toneladas recollidas, pasando de 64 en 2024 a 91 toneladas en 2025.
En canto ao reciclaxe de papel e cartón, o dato é igualmente positivo, sumando un total de 10 toneladas.
Nestes dous casos, con custe cero para o concello, os incrementos da recollida selectiva veñen provocados polo maior número de contenedores que a Concellería de Servizos foi instalando ao longo do ano e que seguirá ampliando nos vindeiros meses.
No que respecta a xestión de voluminosos, obsérvase un incremento de sete toneladas ata chegar ás 30 toneladas de enseres recollidos porta a porta.
A parte máis negativa é a recollida selectiva de vidro que baixou nun ano de 48 a 37 toneladas, polo que o tenente de alcalde anuncia que se implantarán en breve dez novos iglús en diferentes puntos das parroquias.
Como últimos datos, Sanmartín apunta o interese da veciñanza por reciclar tamén outros elementos como aceite, con unha tonelada recollida, e téxtil con nove toneladas depositadas.
Sanmartín agradece á veciñanza, hostelería e comerciantes a súa implicación na xestión dos resíduos na que estima un aforro global de arredor duns 15.000 euros nun ano.
De feito, a súa intención é dar continuidade ás accións para mellorar a xestión dos biorresíduos, para o que a Concellería de Servizos solicitará cen novos composteiros individuais e 240 caldeiros domésticos a través dunha subvención da Consellería de Medio Ambiente con fondos europeos.
O pleno da corporación municipal do Concello de Barro aprobou por unanimidade unha moción presentada polo grupo socialista para dotar a estrada PO 226 de medidas de calmado de tráfico e, especialmente, de mellora da seguridade viaria
A proposta, defendida polo tenente de alcalde José Sanmartín, inclúe os seguintes puntos:
-Instar á Xunta Galicia a rebaixar a velocidade de 70 a 50 no tramo con casas na zona de Mane.
-Repintar a sinalización de acceso a viais que quedou sen marcar tralas obras de renovación do firme.
-Crear unha senda peonil para dar seguridade ás persoas que transitan pola zona, especialmente nos días de peregrinaxe a Amil.
-Solcitar tamén á Xunta a mellora da saída no lugar de Bua , ben con espellos ou outras actuacións.
-Mellorar o servizo de transporte público e mudar as Marquesinas.
Asimesmo, os grupos do BNG e Xuntos aportaron á iniciativa a posibilidade de establecer unha rotonda en Mane ou buscar algún sistema de calmado de tráfico.
Asimesmo, o pleno aprobou tres convenios coa Xunta para a xestión de resíduos valorizables, en concreto pilas, raes e vidro.
Neste punto, o concelleiro socialista José Sanmartín deu algúns datos sobre o avance e mellora na separación de residuos que se está xestionando dende a súa area de Servizos.
A separación de caetón e envases aumentou o pasado ano unhas 30 toneladas, propiciando a baixada noutras 30 toneladas dos residuos que se depositan na bolsa negra que é a que mais custe supón para as arcas municipais.
Deste xeito, conseguiuse un aforro contable en gastos de xestión e recollida que ronda o 4000 euros.
“Non é moito, pero é un avance importante onde pon en valor o bo facer da veciñanza e tamén ampliación da compostaxe doméstica e mellora da participación na comunitaria”, apunta Sanmartín.
A Asociación UMIA VIVO convoca unha visita guiada o monte de Barro como un espazo que comparte usos forestais con patrimonio cultural e pisaxe singulares, e un evento no que se presentará unha guía didáctica sobre o monte veciñal como unha ferramenta para a concienciación sobre a importancia cultural y económica do modelo de propiedade xermanica elaborada polo INGATECO (Instituto Galego das Terras Comunitarias) que se completara con un relato sobre a defensa do monte comunal protagonizada na historia de Galicia por veciños de diferentes parroquias do país frente a proxectos de apropiación do monte ou de implantación de usos incumpatibles con un un uso histórico e sustentable.
Un caso de loita veciñal frente a forestación imposta polo Patrimonio Forestal do Estado aconteceu durante o franquismo na parroquia de Eiron concello de Mazaricos no ano 1963 co resultado de un veciño morto por disparos da garda civil, dous feridos graves e o encarcelamanto de varios veciños, feito que por acordo da Organización glega de Comunidades de Montes e posta en marcha polo INGATECO en 2022 se ven organizando anualmente no concello de Mazaricos e que chegará o 24 de xaneiro de 2026 a sua V edición.
ORGANIZACIÓN:
Organiza a asociación UMIA VIVO coa colaboración do INGATECO (Instituto Galego das Terras Comunitarias) e da Deputación Provincial de Pontevedra
PROGRAMACION:
27.12.2025 VISITA O PATRIMONIO CULTURAL DO MONTE DA PARROQUIA DE BARRO. Con saida as 11:00 h dende o aparcadoiro do Bar Breixo en Porrans.
29.12.2025 as 19:30 h no local da Xunta de Montes da parroquia da Portela PRESENTACION DA GUIA DIDACTICA SOBRE O MONTE E CONVOCATORIA DO DIA DA VECIÑANZA COMUNEIRA como feito histórico de loita veciñal incorporado o rexistro da Memoria Democrática
NOTICIAS DE BARRO 