Un motorista de 58 anos de idade, veciño de Perdecanai perdeu a vida este sábado en Barro nun accidente de tráfico tras colidir cun turismo.

Segundo a información recollida no 112 Galicia, o sinistro produciuse pouco antes das nove desta noite na PO-226, á altura co cruce da N-550, en Barro.

---

A vítima quedou encaixada baixo o coche, con todo, os Bombeiros de Ribadumia non tiveron que excarcerar.

O equipo de Urxencias Sanitarias de Galicia-061 nada puido facer por salvar a vida do motorista.

No operativo tamén participaron os axentes da Garda Civil de Tráfico.

Minutos antes das 10.30 horas deste xoves, unha muller que conducía un turismo pola estrada EP-0506, á altura da parroquia de Curro, sufría unha saída de vía, por causas aínda non especificadas. O vehículo quedaba envorcado na cuneta da estrada.

Un particular alertaba ao servizo de  emerxencias do 112 Galicia para informar do accidente sinalando que a condutora era incapaz de saír do turismo ao atoparse atrapada polo cinto de seguridade.

Segundo informa o servizo do 112 Galicia, trasladouse a información aos bombeiros do parque de Ribadumia e de Pontevedra, aos servizos sanitarios, á Garda Civil de Tráfico e aos integrantes de Protección Civil do municipio.

Finalmente, a muller foi liberada con axuda dos Bombeiros de Ribadumia, segundo as mesmas fontes. A vítima do accidente foi atendida no lugar do accidente polo persoal sanitario desprazado ata a zona.

https://pontevedraviva.com/xeral/79222/excarcerada-condutora-saida-de-via-curro-barro/