O Goberno central dálle as costas a Barro: rexeita potenciar a estación da Portela e mellorar a seguridade na N-550 O Ministerio de Transportes pecha a porta ás históricas demandas de Barro.
Nunha resposta parlamentaria no Congreso ao deputado do BNG, Néstor Rego, o departamento dirixido por Óscar Puente xustificou a súa negativa a recuperar e potenciar a estación de ferrocarril da Portela asegurando que «o volume de viaxeiros é moi reducido, reflectindo unha demanda pouco significativa».
Esta resposta chega meses despois de que, en abril de 2025, o Concello de Barro emprendese unha campaña institucional e plenaria para esixir a revitalización da terminal. O argumento do Goberno central de que “non hai demanda” ignora deliberadamente a realidade do servizo: unha estación que permaneceu pechada durante meses sen previo aviso e que conta cuns horarios totalmente inservibles para os veciños.
Uns horarios sen sentido que impiden usar o tren
Actualmente, a estación da Portela dispón unicamente de dous servizos con parada facultativa (baixo demanda), cuns horarios que fan imposible o seu uso para as necesidades diarias da veciñanza:
Cara a Vilagarcía: Pasa pola Portela ás 19:00h (saída de Pontevedra ás 18:48h).
Cara a Pontevedra: Pasa pola Portela ás 20:47h (saída de Vilagarcía ás 20:37h).
Cunha frecuencia que obriga a viaxar exclusivamente a última hora da tarde, resulta imposible que os veciños poidan empregar o tren para ir traballar, estudar, acudir a citas médicas ou facer xestións en Pontevedra ou Vilagarcía. O Ministerio xustifícase nun “seguimento continuo da demanda”, creando un círculo vicioso: non se melloran as frecuencias porque non hai viaxeiros, pero non hai viaxeiros porque os horarios obrigan a coller o coche privado. Unha estratexia que choca directamente cos discursos oficiais de fomento do transporte público e sostibilidade.
Tampouco haberá melloras na N-550 en San Antoniño
O rexeitamento de Madrid non se limita ás vías do tren. O Goberno central tampouco ten intención de executar as tres rotondas solicitadas nin de aumentar o número de semáforos e pasos de peóns na estrada N-550 ao seu paso polo núcleo urbano de San Antoniño.
Estas medidas de calmado de tráfico, demandadas reiteradamente polo tecido social e político de Barro para mellorar a seguridade viaria nun vial de alta sinistralidade, quedan varadas nos despachos do Ministerio, deixando ao municipio cun dobre déficit de conectividad e seguridade.
“Horarios históricos da liña de ferrocarril correspondentes ao ano da súa inauguración en 1899, onde se amosan servizos moito máis prácticos para Barro que os actuais.”
https://www.facebook.com/20531316728/posts/10154009990506729/
O polígono industrial de Outeda sufriu nos últimos días o roubo do cableado de cobre de parte da instalación da iluminación pública. As subtraccións afectaron de xeito directo aos sectores A e E do parque empresarial, situado na parroquia de Curro.
O alcalde, Xosé Manuel Fernández Abraldes, xa presentou a denuncia ante a Garda Civil e solicitou que se incremente a vixilancia na zona para evitar novos episodios. Este acto delituoso non só afecta ás empresas e traballadores, senón que supón un grave prexuízo económico para as arcas municipais, xa que o Concello terá que asumir o custo de repoñer todo o cableado público.
📞 Chamamento á colaboración cidadá:
Pídese aos veciños de Barro ou a calquera persoa que vise movementos sospeitosos nos arredores do polígono que se poña en contacto coa Garda Civil. ¡A túa axuda é fundamental para dar cos responsables!
#Barro #PolígonoOuteda #Curro #Seguridade #ColaboraciónCidadá #SucesosGalicia
🎉 ¡Cartel da Romaría de San Breixo de Barro 2026!
🎉Do 2 ao 4 de outubro, Barro énchese de festa, música e tradición.
🎈 Xoves 1 de Outubro (Pre-festa)A partir das 17:00 h: ¡Gran Festa Infantil con inchables para os máis pequenos!
🔥 Venres 2 – Festividade de San Antonio Gran tirada de fogos anunciando os festexos.
Ás 13:00 h: Misa cantada na honra de San Antonio.Concerto a cargo da Banda de Música Cultural de Barro.
🎶 Pola noite, gran verbena amenizada polos grupos LOS ALKAR e LA FORMULA.
🕺 Sábado 3 – Festividade de San Roque con unha gran tirada de fogos.
Ás 13:00 h: Misa na honra de San Roque. Ao remate da Misa, actuación do Grupo de Danzas Amor Ruibal.
🎶 Pola noite, verbena coas orquestras CUARTA CALLE e PILI PAMPLÍN.
🙏 Domingo 4 – Romaría de San Breixo coa celebración da Santa Misa ás 9:00h, 10:00h, 11:00h, 12:00h. Ás 13:00 h será a Misa Solemne e de seguido a Procesión de San Breixo. Ao mediodía, actuación musical da Banda de Música Xuvenil de Barro.
🎤 A partir das 15:30 h: Actuación de DIEGUIÑO.Pola tarde, celebración da Santa Misa ás 19:00 h. Durante “A Romaría” e ata as 21:00 h, haberá un gran Tardeo con actuación musical.
📌 Nota: Comezo da novena os días 21, 25 e 28 de setembro. Rosario ás 19:45 h da tarde e a continuación misa.
ACTIVIDADES DE BALDE CON INSCRICIÓN PREVIA
colectivo.espazo16@gmail.com
Por favor, máxima difusión para atopala. Nala desapareceu hoxe mesmo, 8 de setembro, na Rúa Areal (San Antoniño).
🐾 Aspecto: É unha gata de tipo siamés e uns ollos azuis moi rechamantes.
🎂 Idade: Ten só 5 meses (é aínda, moi pequeniña).
🆔 Identificación: Ten CHIP, pero aínda non está castrada. Se vives pola zona de San Antoniño ou arredores, por favor revisa as túas fincas, garaxes, portais ou debaixo dos coches. Pode estar asustada e agochada en calquera recuncho.
📞 Se a ves ou sabes algo dela, chama de inmediato a estes teléfonos:
699 13 23 03
618 30 75 60
Calquera pista ou aviso é de gran axuda! Moitas grazas a todos por colaborar compartindo. 🙏❤️
O Concello de Barro aprobou a licenza do proxecto básico para a construción do novo centro de saúde, unha infraestrutura que mellorará a atención médica do concello con instalacións máis amplas e modernas. O proxecto incluirá unha sala polivalente, unha consulta de enfermería pediátrica e unha sala de xuntas. Podes ler a noticia completa en Pontevedra viva.
