Estas son as orquestas das que poderemos disfrutar este ano na XL Edición da Festa do Viño.

Venres: El Combo Dominicano e Los Satélites.
Sábado: Gran Parada e Ritmo Joven.

Xa se poden entregar nas oficinas do Concello, os viños para o concurso de viño de colleiteiro.

DE FESTA EN FESTA NA FESTA DO VIÑO 2017

As adegas do municipio van ter un protagonismo especial na 38 edición da Festa do Viño de Barro. Despois de que o ano pasado foran os colleiteiros os que inauguraron o certame de viños da Denominación de Orixe Rías Baixas, este ano serán os adegueiros de Barro os que se encargarán de facelo o venres 16 a partir das 21:00 horas.

Desta maneira sigue dándoselle aos productores de viño locais o papel que lle corresponde na festa.

O venres tras a inauguración do certame, ademáis da apertura das casetas para degustación dos viños, abrirase por segundo ano o “Túnel do viño”, un espazo onde se poderán degustar todos os viños presentes na mostra polo prezo de 10,00 euros.

O programa volve estar cheo de actividades moi diversas, sigue manténdose o xoves do viño, que despois de celebrar unha festa infantil pola tarde permitiranos disfrutar dos viños das adegas de Barro e a música dos grupos locais Galifunk e Son das tabernas a partir das 20:30 horas.

Os grupos locais siguen tendo un papel destacado na programación, pois ademáis dos dous grupos do xoves, a Coral Polifónica actuará o sábado pola tarde, o Grupo de Danzas “Amor Ruibal” farao o domingo ao medio día e pechará a festa a Banda Xuvenil de Barro nun concerto co grupo A Roda o domingo a partir das 22:00 horas.

Ademáis das tradicionais verbenas e sardiñada popular, haberá tempo para o teatro, o certame de pintura rápida, o concurso de fotografía, e o deporte cos trofeos de fútbol e tenis.

Disfrutarase tamén o domingo da quinta Xuntanza de Vespas, Lambrettas e motos clásicas.

Este ano o pregoeiro da festa será o mestre Angel Alfonso Piñeiro, polo papel que tivo ao longo de moitos anos de docencia no colexio de Barro e na formación de xeracións de veciños do concello. Ángel ademáis de mestre e de ter un papel protagonista en iniciativas socioculturais foi un home moi ligado ao mundo do viño, dende o seu Meaño natal ata ás plantacións e adegas de Curro, a súa parroquia de adopción.

http://pontevedraviva.com/xeral/37057/festa-vino-barro-ven-chea-actividades-para-todos-gustos/

Barro acollerá os días 17, 18 e 19 de xuño a edición número 37 da súa Festa do Viño, un dos eventos máis importantes que se celebran anualmente no municipio.

E nela, segundo avanzaron os seus organizadores, terán este ano un protagonismo especial os colleiteiros do concello, sen os cales esta festa non tería nacido.

Ao igual que o ano pasado as actividades xa darán comezo o xoves 16, cunha tarde dedicada aos nenos e a celebración do Xoves do Viño pola noite, no que actuarán dous grupos musicais e onde xa se poderán degustar os viños das adegas de Barro.

Na programación da festa ademais das habituais orquestras para o venres e sábado, tamén haberá actuacións teatrais e da Coral de Barro e o Grupo de Danzas, torneos deportivos de fútbol e tenis, xuntanza de vespas, certame de pintura e a tradicional sardiñada do domingo, entre outras moitas actividades.

Unha das novidades deste ano será un Túnel do Viño, onde todas as persoas que queiran poderán degustar todos os viños presentes na festa e ao mesmo tempo puntualos, creando desta maneira un novo premio, que será o Premio da Cata Popular.

O domingo 19 como remate da festa haberá un concerto do músico de Barro, Esteban Batallán, acompañado pola Banda Xuvenil de Barro.

Batallán actualmente é solista na Orquesta Ciudad de Granada e ten colaborado con agrupacións como a English Chamber Orchestra, a Royal Concertgebouw de Amsterdam ou a Chicago Symphony Orchestra e ultimamente tamén actuou coa orquestra filharmónica do teatro da Scala de Milán.

http://pontevedraviva.com/xeral/28325/cosecheros-protagonistas-37-edicion-festa-vino-barro/