Se tes algunha iniciativa ou proxecto de emprendemento para desenvolver dentro dos concellos das comarcas de
Pontevedra e O Morrazo (Barro, Bueu, Campo Lameiro, Cangas, Cotobade, A Lama, Marín, Moaña, Poio, Ponte Caldelas, Pontevedra e Vilaboa), poden ser do teu interese as nosas liñas de axuda.
Para calquera información ou consulta non dubides en chamarnos. Agardámoste en Rúa Santa Clara 4-2º Pontevedra
Estes días arrincaron as obras no supernudo de Curro centradas na construción
dos tres viadutos que terás o enlace onde confluirá a futura autovía de Pontevedra a Vilagarcía, a AP-9 e a autovía do Salnés.
O macronudo é un labirinto de 14 quilómetros de viarios, que ademais desas tres pontes, tamén prevé a instalación de cinco pasos inferiores e tres superiores.
O enlace terá tres niveis, e nun deles, prolongarase esa autovía que une a Barro con Sanxenxo. No segundo nivel, unha glorieta de 180 metros de diámetro unirá a antiga estrada C-531, que dá servizo aos polígonos e a PO-531 en dirección Vilagarcía. No terceiro nivel, garántese a PO-531 Curro -Pontevedra cara á futura autovía AG-47.
De acordo co calendario da Consellería de Medio Ambiente, Territorio e Infraestruturas, o macronudo estará finalizado o próximo ano. Esta data supón un adianto na previsión de finalización de dous anos. Os traballos avanzan a bo ritmo, como se pode apreciar desde o desviou que se habilitou na estrada de Vilagarcía á altura de Curro . A maquinaria pesada traballa a diario, e cada vez percíbese máis o debuxo do supernudo.
A infraestrutura terminará co pescozo de botella actual da autovía de Sanxenxo, xa que a estrada redúcese a dous carriis xusto no tramo final da conexión coa Autoestrada do Atlántico. Co enlace, preténdese dar carpetazo aos atascos que se producen na zona.
Haberá múltiples ramais de interconexión.
Os días 23 e 24 de xuño realizaranse dúas saídas diarias,en
horario 11:30h e 18:00h desde o peirao das Corbaceiras de
Pontevedra.
A duración aproximada do percorrido será de 1h:30m.
Capacidade 150 persoas.
ASOCIACIÓN CULTURAL A CREGA: 
Hoxe no PAZO DA CREGA, fogueira de San Xoán!
sardiñas e pan gratis a todos os asistentes na Noite de San Xoán!
CONCELLO DE BARRO
Lorena Louzán, mestra especialista en educación infantil, é unha moza de Barro que viaxou por Francia, Portugal, toda España e boa parte do Caribe.
A súa devoción e o campo onde se desempeña mellor é o ámbito da educación, e para iso formouse e traballou como profesora, con todo, combina esta faceta da súa vida co mundo empresarial.
Lorena confesa ser unha activista consumada, seriamente implicada en campañas de diferentes organizacións non gubernamentais. Ávida lectora dende a infancia, escribiu a súa primeira novela con catorce anos, e non deixou de lado a súa inquietude literaria dende entón.
Para mercar o libro, preme aquí http://www.abecedario.com.es.
O noso veciño José Luis Lede comeza mañá mércores unha aventura que o levará na súa moto BMW cara terras holandesas para
presenciar a proba do mundial de motociclismo que alí se celebra.
Lede percorrerá nuns poucos días en solitario miles de quilómetros, xoga coa vantaxe que non é novato nesta aventura, xa que hai uns anos realizou esta viaxe nunha Yamaha Diversión.
Dende aquí deséxolle moita sorte nesta fermosa viaxe por terras europeas e á volta ou cando faga unha paradiña, se ten tempo, que nos conte como lle vai nesta andaina e nos ensíne fotos.
Boa viaxe Lede e coidadiño.
a
En Pontevedra estarán ás e os mellores triatletas de Europa buscando un título
que lucirán con orgullo no seu curriculum. Entre eles, os galegos Javier Gómez Noya e Ivan Raña, o ano pasado Gómez Noya quedou ás portas do título, e que quere lograr o triunfo ante o seu público, o que o ve adestrar e traballar a diario.
Defenderá o título Alistair Brownlee, mentre que Gómez Noya foi prata. Na
categoría feminina a gañadora foi a suíza Nicola Spirig, que revalidou o seu título en Athlone (Irslanda).
A proba PONTE al TRI Sprint pasara por Barro
O obxectivo desta proba é posibilitar a participación de todos aqueles triatletas que non poideron clasificarse cos criterios dos seus países.
A previsión de participación é de 300-500 participantes e está destinado
principalmente aos deportistas galegos, españois e portugueses.
Concurso de Fotografía Tríatlon de Pontevedra
O Concello de Pontevedra organiza co gallo do desenvolvemento do Campionato de Europa de Tríatlon os días 24, 25 e 26 de xuño de 2011, e coa colaboración do Centro Comercial Urbano Zona Monumental de Pontevedra e AEMPE (Asociación de empresarios da pequena e mediana empresa de Pontevedra) o
“Concurso de Fotografía Tríatlon de Pontevedra” que ten por obxectivo “promocionar e dar a coñecer o Tríatlon de Pontevedra 2008-2010 a través de imaxenes”.
ESTRADA PECHADA.
A estrada N-550 só estará pechada ao tráfico no tramo entre Pontevedra e
Barro, (glorieta desvío cara a estrada a Vilagarcía-Curro) o sábado 25, entre as 7.00 e as 11.00 horas, e o domingo 26 entre as 7.00 e as 11.45 horas. Os desvíos estarán debidamente sinalizados.
Polo que respecta a Barro, a localidade despedía a 32 edición da Festa do Viño
en San Antoniño. O conselleiro de Medio Ambiente, Agustín Hernández, e varios alcaldes, ademais do de Barro, como os de Portas, Meis ou Cotobade, achegáronse á
localidade na xornada de clausura da cita. Pola mañá entregáronse os premios do sexto Certame Rías Baixas e do concurso de colleiteiros.
No certame o primeiro premio de brancos albariños foi para Terra de Asorei, o segundo para Castel de Bouza e o terceiro para Terras de Lantaño. No concurso de colleiteiros, os gañadores en cada categoría foron Casa Villadeamigo (branco país), Manuel Parrado (tinto país), Guadalupe González (caíño) e Celso Calvo (albariño). A falta de coñecer os números de venda de botellas, a organización comentou que a notable afluencia de público non levou aparellada a compra de viños a pesar dos seus bos prezos, quizá polo efecto da crise económica.
A noite de San Pedro, o 28 de xuño, é hoxe unha das festas máis ricas en lendas, supersticións e costumes que agocha o
noso folclore, a nosa cultura. Antes de ser cristianizada, era unha relixión popular na que os espíritus do mal actuaban na escuridade con obxectivos malévolos na procura dalgunha víctima.
Pretender sabe-la oríxe desta liturxia sería perderse nos estadios máis ancestrais da vida mesma. Quizáis poderíase remontar ás civilizacións prehistóricas e sobre todo dende que o home se decata do movemento de translación ó redor do sol que anualmente recorre o noso planeta.
Dita observacián puido ser consolidada cando a humanidade logrou “domesticar” o lume.
No noso tempo esta tradición estase a perder, en favor da noite de San Xoan, a cal ten exactamente a mesma orixe e finalidade, motivo polo cal a Asociación “Cultura e Xuventude” de Barro pretende recuperar a máxia desta noite con unha velada de convivencia chea de actividades e diversión.
As actividades comezarán ás 8 da tarde, con unha xornada na que os xogos tradicionais se mesturarán de forma máxica cos mais modernos videoxogos. Logo, darase comezo á cea de confraternidade, cuxo menú estará composto de empanada e churrasco, mollados en auga e refrescos. Á medianoite, como non podía ser doutra maneira a festa continuará coa tradicional cacharela puruficadora.
Esta xornada terá un custo por persoa de 3 € para músicos e socios e 5 € para os demais asistentes.
O prazo para se anotar nesta actividade rematará o vindeiro día 26 de Xuño a través do e-mail (xuvenilbarro@gmail.com) ou do teléfono (606.364.153)
