O venres 15, dende as 12 da mañán, teremos no entorno do Pazo ao Mago Antón co seu espectáculo A volta a Galicia en 313 concellos. Haberá sesións ás 12:00, 13:00 17:00, 18:00, 19:00 e 20:00horas. Acceso limitado ate completar o aforo.
Charla informativa da parcelaria de Curro-Portela e entrega de boletíns coa relación de parcelas declaradas por cada titular, o mércores dia 20 na Biblioteca Pública.
A partir das 10:00h da mañán.
A Deputación de Pontevedra vén de aprobar, mediante resolución presidencial, un novo investimento no concello de Barro ao abeiro da liña 1 do Plan de Concellos 2018. Trátase esta vez dunha axuda de 22.908,06 euros para a reparación do depósito de augas municipal.
Ademais destas cantidades, o Plan Concellos xa adxudicou anteriormente varias axudas para este concello da comarca de Pontevedra. En concreto, 169.967,36 euros para o financiamento da piscina pública municipal en Outeiro e a pavimentación e dotación de servizos na EP 0505 N-550 Igrexa-Perdecanai (Barro).
A Deputación de Pontevedra tamen adxudicou 38.930,61 euros para a limpeza de cunetas e vías municipais no concello, o reforzo e reparación de viais municipais, a Festa do Viño e a limpeza de pistas no ámbito de Barro. Outros 96.713,18 euros foron destinados á contratación de 13 traballadores que están a desempeñar funcións no concello.
Ata este momento, o Plan Concellos 2018 xa entregou 328.519,75 euros do total destinado a Barro, isto é, o 44.82 %.
A construción da nova depuradora de Perdecanai é, segundo destaca o Concello de Barro, o primeiro paso na planificación feita polo goberno municipal para avanzar no saneamento integral de todo o municipio.
A este respecto, o Concello solicitou aos posibles interesados a oferta de terreos para a construción desta infraestrutura, que daría servizo ademais de a esta parroquia a outros lugares das de Agudelo, Barro e Valiñas.
Con este obxectivo, foi elaborado un estudo técnico no que se propoñen as distintas solucións cos emprazamentos para a construción de novas depuradoras e conseguir, desta maneira, que este servizo público poida chegar a todas as parroquias do concello.
O alcalde, Xosé Manuel Fernández Abraldes, considera que o estudo técnico encargado polo goberno municipal é un documento fundamental para dotar con este servizo público a todos os lugares do concello dunha maneira “planificada e coherente”.
O primeiro paso é a consecución dos terreos para esta nova depuradora, que cumprirá un papel central no saneamento de varias parroquias do concello.
Unha vez se teñan estes terreos vaise elaborar un anteproxecto deste novo equipamento, co que facer as xestións para conseguir o financiamento que permita a súa execución.
Neste momento son poucos os lugares do concello que dispoñen de saneamento e, a pesar de que o goberno municipal leva investido máis de 300.000 euros nestes tres anos, o que serviu para que máis veciños se puideran conectar á rede de sumidoiros, as depuradoras existentes “non son suficientes para unha solución global en todo o concello”.
Barro C.F.
Senior feminino de Fútbol Sala.
Campioas de Copa 2018
Na doazon de sangue realizada o xoves en Barro houbo 28 doazóns en total, das cales duas correspondíase a dous que doaban por vez primeira. Moitas grazas.
Chega a Barro o Festisol (Festival Solidario Galicia), unha cita fundamental para apoiar a Edgar, un bebé ourensán que precisa de diñeiro para pagar uns audífonos. Celebrarase ás 21.00 horas no Pazo da Crega.
O festival conta coas actuacións de Ana Angueira, Zanfoneiros sen fronteiras, Son das Tabernas e Santi Barreiro DJ, ademais de animación, actuacións infantís e gastronomía.
A entrada custa 3 euros, os menores pasan gratis ao recinto. As entradas pódense adquirir na Cafetería Praza, de Barro ou no Bar Almirante, de Pontevedra. O evento está organizado pola Taponeta Solidaria, unha iniciativa encabezada por Enrique Magdalena, apoiada por Fundación Amigos de Galicia.
Aquelas persoas que queiran colaborar coa causa de Edgar, poden achegar donativos a través dunha Fila Cero. O número de conta é ES55 2080 5075 1730 4003 4704.
O neno de seis meses padece hipoacusia conxénita bilateral moderada severa e necesita uns audífonos que teñen un custo subvencionado pola Seguridade Social, pero non na súa totalidade. O custo é tan elevado que a familia non pode facerse cargo.
NOTICIAS DE BARRO 