ONDA CERO PONTEVEDRA
Comezamos a semana en martes 13 con concentración en Pontevedra en defensa da sanidade pública e coa habitual xunta de goberno local. No tempo do almorzo informativo conversamos co novo alcalde de Barro, Xose Manuel Fernández Abraldes. Recuperamos a Mercedes Corbillón na nosa sección Cronopios para seguir ampliando bibliotecas particulares.
FONTE:
Mentres non se execute o proxecto de mellora da estrada PO-531 entre Pontevedra e Vilagarcía, 
comprometida pola Xunta de Galicia desde hai anos, o Concello de Barro cre “urxente” acometer unha serie de actuacións para solucionar os problemas de seguridade que existen nela ao seu paso polo municipio.
Así llo trasladou o alcalde de Barro, Xosé Manuel Fernández Abraldes, ao xefe territorial da Consellería de Medio Ambiente, Territorio e Infraestruturas, na xuntanza que ambos mantiveron este martes.
En liñas xerais, o alcalde pediu solucionar a falta de iluminación do macro nó de Curro, a inseguridade para o tránsito de peóns entre Curro e Meis, a perigosidade que supoñen as medianas provisionais de plástico, os problemas de seguridade que hai na rotonda pequena ao carón da igrexa de Curro ou a necesidade de construción das rotondas previstas no proxecto de mellora no cruce de Bretoña e no acceso ao polígono de Sequeiros.
Ademais, Fernández Abraldes destacou a urxencia que existe para construción do paso soterrado en Bretoña, unha actuación que o alcalde ve con “preocupación”, xa que sinala que non está previsto realizar ningunha actuación a curto prazo, “a pesar dos anuncios feitos tanto pola consellería como polo anterior goberno municipal”.
Todas esta actuacións serán demandadas na entrevista que o alcalde de Barro solicitará coa propia conselleira de Medio Ambiente, Territorio e Infraestruturas, Ethel Vázquez.
Mais información en:
http://pontevedraviva.com/xeral/22944/abraldes-demanda-xunta-mejoras-urgentes-seguridad-po531/
Luz verde para a construción de novas naves no polígono industrial de Sequeiros, en Barro, que no prazo de doce meses verá como varias novas empresas inician a súa andaina nestas instalacións. O alcalde, Xosé Manuel Fernández Abraldes, e a concelleira de Desenvolvemento Económico, Lía Rodríguez, mantiveron este mércores un encontro cos promotores. Na cita, dous dos empresarios que iniciaron o proceso para desenvolver a zona industrial, Ramón Moldes e Miguel Lago, presentaron parte do proxecto, que enfronta unha fase crucial: a construción de naves modulares que estarán a disposición das firmas nun semestre, segundo os seus cálculos.
Os portavoces de BNG e PSOE de Barro, Xosé Manuel Fernández Abraldes e José 
Sanmartín, manteñen esta noite a primeira reunión para pactar un goberno de coalición para os próximos catro anos en Barro.
Explica Abraldes que esta primeira cita será só unha toma de contacto, «non imos chegar a un acordo na primeira reunión», aclara o nacionalista. A xunta servirá para pór en común os programas dunha e outra candidatura e para marcarse os obxectivos para futuras reunións.
A intención do que será o futuro alcalde de Barro, o nacionalista Xosé Manuel Fernández 
Abraldes, é levar a cabo numerosas conversacións antes do día 13 de xuño nas que analizar todos os asuntos municipais para ter claro como actuar desde o primeiro minuto no que estean no goberno. A cita empezará ás 21.15 horas.
O 24-M puxo final a 32 anos de goberno en maioría absoluta do PP de José Antonio Landín en Barro. Os 4 concelleiros do BNG, unido aos dous que mantén o PSOE permite o cambio no bastón de mando en Barro a condición de que se produza un pacto de goberno entre o equipo do nacionalista Xosé Manuel F. Abraldes e os socialistas de José Sanmartín. Un acordo o que parecen predispostas as dúas partes.
“A valoración é negativa, que tódos gañamos? a verdade é que os votos do PP non foron para outro lado, quedaron en casa”, sinalaba Landín, que cifraba no 99,9% as posibilidades de que goberne a coalición entre BNG e PSOE e destacaba o aumento da abstención. “Foi un voto de castigo ao PP, polo descontento xeral, non se nos xulgou a nivel municipale, se non a nivel Madrid”, reflexionaba o popular.
O logrou imporse en todas as mesas, para alcanzar o 45,24%, fronte ao 55.94% consguido hai 4 anos, perdendo 320 votos e quedándose a 33 do edil que lle garantiu a maioría absoluta. “Non teño motivo para escapar ou avergoñarme, se non son alcalde non o serei, pero espero que quen goberne teña moitos acertos, porque serán os acertos de Barro”, indicou.
O triunfador das eleccións, Abraldes, logrou subir 7 puntos con respecto a 2011, pasando de 3 a 4 concelleiros. “Era un cambio desexado, desde o BNG estamos dispostos a ofrecer un cambio de goberno alternativo despois de 32 anos de PP e de Landín”, indicou para sinalar que “había síntomas de astío” dos veciños polo goberno de Landín. “Pretendemos gobernar para os que nos que optaron por un goberno alternativo, para os que quedaron en casa e para os que votaron ao PP, a eles demostrarémoslle que hai outra forma de gobernar”, sinalou.
Pola súa banda, Sanmartín sinalou que hoxe o PSOE celebrará unha asemblea na que se analicen os resultados e márquese unha folla de ruta a seguir. Todo parece indicar que os socialistas sentarán a falar cos nacionalistas. “Decidiremos entre todos o que faremos, pero é unha satisfacción pensar que pode haber un novo cambio de goberno, o que necesitaba Barro é un xiro”, sinalaba o socialista.
Tras manterse na alcaldía dende 1983 -cunha paréntese de sete anos nos que foi alcaldesa a súa muller ao estar el inhabilitado- José Antonio Landín Eirín deixará de ser alcalde de Barro. O Partido Popular perdeu a maioría absoluta ao obter un respaldo do 45,24% (993 votos). Con este resultado, os populares quedan con cinco concelleiros dos once que hai na corporación.
En total, o PP cae máis de dez puntos con respecto ás últimas eleccións municipais e perde un concelleiro, o sexto, xusto o que os priva de revalidar a maioría absoluta.Concretamente, quedou a 33 votos de manter a Alcaldía.
Todo apunta a que o novo alcalde do municipio será o nacionalista Xosé Manuel Abraldes. El deu ao BNG a súa primeira alegría da noite na comarca ao coñecerse os resultados definitivos. Obtivo 684 votos, un 31,16% do total, o que lle garante catro concelleiros na próxima corporación municipal.
Este resultado supón sete puntos máis que en 2011 (102 votos máis), o que lle permite subir de 3 a 4 concelleiros.
Para ostentar o bastón de mando, o candidato do BNG terá que pactar co PSdeG-PSOE de José Sanmartín, que tamén mellorou os seus resultados con respecto ás últimas eleccións. Alcanzou os 491 votos, un 22,37% de apoios por parte dos veciños de Barro. Son 79 votos e case cinco puntos máis que hai catro anos.
Serán dous os concelleiros socialistas que se senten na nova corporación.
A participación nestas eleccións foi do 70,89%, case cinco puntos menos que hai catro anos.
O vindeiro sábado 25 de abril ás 21:30 h. o BNG celebrará unha multitudinaria cea de máis de 200 persoas na Finca da Crega para presentar a súa candidatura á alcaldía de Barro, encabezada por Xosé Manuel Fernández Abraldes.
A grande cantidade de veciños e veciñas que asistirán a este acto do BNG-Asembleas Abertas reflicte as ganas de cambio cada vez máis palpábel na veciñanza de Barro , e que ven no BNG a única forza capaz de sustentar este cambio de políticas.
Porque depende de nós, de cada un e cada unha de nós, que Barro mude, que Barro avance, que Barro sexa, dunha vez por todas, un concello aberto á participación dos veciños e veciñas.
Porque depende de nós reiniciar Barro, que o noso concello salga da parálise na que se atopa, que poidamos conseguir uns servizos axeitados, que toda a enerxía e creatividade dos nosos mozos e mozas teña espazos nos que se expresar, que os nosos maiores conten con instalacións acordes ás súas necesidades, e que todos e todas nos poidamos sentir orgullosos de vivir en Barro.
Porque de nós depente que valoremos o noso, a nosa historia, a nosa paisaxe, os nosos valores. E como depende de nós temos que optar, e só hai dúas alternativas reais: apoiar ao PP e continuar co declive que está a sofrer o noso Concello ou apostar polo BNG, a única forza política con traxectoria, capacidade e ideas para mudar a política actual e comezar un novo rumbo.
Aválanos o noso traballo institucional, defendendo sempre aos veciños e veciñas, plantexando iniciativas e opoñéndonos radicalmente ás políticas anti-populares do PP. Pero tamén nos avala o traballo dos homes e mulleres que forman parte da nosa candidatura, veciños e veciñas de Barro comprometidos e cun gran traballo social.
Para anotarte contacta no telf.: 617076022 ou no mail bngbarro@gmail.com
NOTICIAS DE BARRO 