O Ministerio de Fomento respondeu a unha pregunta escrita formulada pola Parlamentaria do BNG, Olaia Fernández Davila, quen reclamaba melloras en diversos cruces da Nacional 550 en Barro nos que se rexistraban problemas de seguridade viaria.
Concretamente, a deputada referíase ás cruces de Lombo dá Maceira, no do viario A Portela-Curro e no de Porráns. O Ministerio asegura na súa resposta que nestas cruces (situados nos quilómetros 109, 107 e 108 da Nacional 550) non se detectan índices de perigo superiores á media das estradas convencionais da rede estatal e afirma que tampouco se rexistraron vítimas mortais neles no últimos cinco anos.
Obradoiro de animación á lectura destinado a nen@s de entre 5 e 12 anos.
Podes anotarte nos teléfonos 656.993.830/662.150.561 ou através do enderezo barosa.ac@gmail.com
As veciñas e veciños de Barro xa nos estamos malacostumando a, dun ou outro xeito, pagar as chapuzas que unha e outra vez cometen o alcalde e o goberno do PP en Barro.
Ao longo dos máis de 30 de goberno do PP en Barro son moitos os casos nos que distintas administracións e xulgados ditaminaron que actuacións levadas a cabo polo goberno municipal eran ilegais, o que levou acarreado multas e perder os cartos que se investiron nelas.
O caso da ponte de Valbón non é novo. Xa o concello pagou miles de euros en multas por construila sin ningún permiso e de forma ilegal.
Agora a Axencia de Protección da Legalidade Urbanística, organismo dependente da Xunta de Galiza, (tamén gobernada polo PP, para que o alcalde non fale de persecución) ven de ordear a sua demolición, por ser construída sen ningún tipo de tramitación administrativa e en terreo rústico.
Que autoridade pode ter o alcalde para obligar aos veciños do concello a cumprir coa legalidade urbanistica, e pagar os impostos derivados das obras que queiran realizar, co exemplo que él lles dá?
O informe da Axencia é demoledor, calificando de ilegalizábel a ponte e afirmando que é incompatíbel co ordenamento urbanístico, co que compromete o intento do PP de legalizala a traves dunha modificación do planeamento.
Esta nova chapuza do PP saelle cara aos veciños, xa que o gastos que implica saen dos orzamentos municipais. A brutal subida de impostos que acordou o PP nos últimos anos están sendo utilizados precisamente parapagar as deudas acumuladas ao longo de moito tempo, e o que é máis inaceptabel, para pagar as chapuzas e caprichos dun alcalde incapaz de dar resposta ás necesidades dos veciños e veciñas.
Barro a 20 de novembro de 2014
Asdo: Xosé Manuel Fdez. Abraldes.
Axencia de Protección dá Legalidade Urbanística entende que a construción «non é legalizable»
A Xunta, por mediación da Axencia de Protección dá Legalidade Urbanística (APLU), notificou ao 
Concello de Barro a obrigación de demoler a ponte existente sobre o río Areal, en San Antoniño (Perdecanai) por «non ser legalizable», dado que se estima desde o organismo rexional que é incompatible co ordenamento urbanístico en vigor.
Unha vez notificado ao Concello, outórgaselle un prazo de dez días antes de que a dirección da APLU resolva o expediente.
Este órgano urbanístico basea o seu informe na natureza do chan rústico onde se asenta a ponte e desestima o recurso presentado polo Concello, onde se aseguraba que as obras finalizaron en 2007, por non corresponder cos datos que manexa o propio ente autonómico.
Información complementaria: Os terreos costaron cerca de 70.000€ e a ponte entre 90 e 110.000€. Vai pdf co acordo municipal de compra e o informe con reparos, que se pasaron polo forro.
Os resultados das probas realizadas este luns no quilómetro 8 da PO-531 ao seu paso por Curro , 
en Barro, puxeron de manifesto o bo estado no que se atopa o asfalto. O ensaio de péndulo levado a cabo polos técnicos da Consellería de Infraestruturas parece ter descartado calquera nexo entre o estado do firme e os accidentes rexistrados este fin de semana neste tramo da estrada que comunica Pontevedra e Vilagarcía.
Desde a propia consellería precisaron que esta proba serve para determinar a correcta resistencia do asfalto fronte ao corremento. E os resultados foron óptimos, de tal modo que se obtiveron índices na PO-531 por encima dos que marca a normativa, sinalaron respecto diso. A conclusión á que chegan é que a rodaxe está en perfectas condicións.
En principio, con estes datos, non parece probable que se vaia empregar nesta estrada asfalto antiescorregadiza como si se utilizou na PO-308. En todo caso, e de cara á prevención de accidentes de tráfico, xa entrou en vigor a nova limitación da velocidade por este punto quilométrico -pasa de 80 quilómetros por hora a 70- e sinalizouse o perigo da curva.
Por orde da Xunta de Galicia o Concello de Barro terá que demoler a ponte de Valbón, sobre o río Areal, en Perdecanai.
Despois de sete anos de tramitación, a Axencia de Protección da Legalidade Urbanística (APLU), resolve que o viaduto é incompatible co ordenamento urbanístico en vigor ao estar construido sobre terreos considerados como chan rústico. Nin sequera unha modificación puntual do Plan Xeral para recualificar estes terreos resolvería a situación.
A APLU entende que esta infraestrutura non é legalizable e desestimou os recursos presentado polo Concello.
A ponte que dá acceso á zona de Valbón, está situado no lugar de San Antoniño, próximo ao tanatorio de Barro, foi construído polo Concello sen ningún tipo de tramitación, cun custo de construción de máis de 90.000 euros, empregando fondos do Plan Provincial da Deputación, sobre unha parcela adquirida a un particular.
Entre outros argumentos, o goberno local de Barro alegou que o expediente xa caducara pois a última certificación de pagamento á empresa construtora ten máis de seis anos. Non obstante, o ente autonómico apóiase no informe dun dos seus inspectores do Servizo de Urbanismo que reflicte con fotografías como no momento de incoar o expediente a ponte estaba sen rematar.
Unha muller duns 30 anos de idade permaneceu máis dunha hora no fondo dun terraplén duns 15 
metros de profundidade tras precipitarse co seu coche nunha saída de vía ocorrida de madrugada na estrada de Vilagarcía, a PO-531, á altura de Curro, no municipio de Barro.
Foi ela mesma a que chamou aos servizos de emerxencia, que tardaron bastante tempo en localizala no medio da vexetación e en plena noite. Finalmente foron os Bombeiros do Salnés os que lograron baixar ata o coche e rescatar á muller con cordas e unha padiola, aínda que non presentaba feridas de gravidade e mesmo había saída ela mesma do coche, segundo apuntaron fontes dos servizos de emerxencia, entre os que se atopaba Protección Civil de Barro.
O accidente produciuse pouco despois das 5,30 horas a escasos metros da estación de servizo de Curro, un tramo da PO-531 que foi escenario nos últimos tempos de numerosos accidentes, segundo subliñan desde a propia gasolineira. De feito, nese mesmo punto xa caeu recentemente outro vehículo polo desnivel e hai uns días producíase unha violenta colisión. Os veciños sinalan que os sinistros son especialmente frecuentes cando chove.
Minuto de silencio
Por outra banda, ás portas da Xefatura Provincial de Tráfico de Pontevedra celébrase hoxe un minuto de silencio en recordo das vítimas dos accidentes de tráfico. A Subdegelación do Goberno anima aos cidadáns a acudir á cita, que é ás 12.00 horas.
O municipio de Barro converteuse onte na capital galega da cervexa. Porque alí se reuniron onte algúns dos produtores artesanais de cervexa máis destacados de Galicia. O día organizouse a través de dúas catas de cervexa e sidra artesá, que se realizaron sobre a unha e media, a primeira, e a partir das cinco da tarde, a segunda. Os asistentes puideron degustar 5 tipos distintos e probar a Galeguesa, unha hamburguesa creada a base de produto galego. Esas catas, de prazas limitadas, que como todas as actividades da feira realizáronse no Pazo da Crega, completáronse coa degustación das cervexas artesanais desde 2 euros a cana.
Entre outras marcas, os asistentes puideron comprobar unha proposta limitada de Suevia, unha barley wine de 13 % añejada en barrica de augardente durante seis meses.
ALBUN:
Actividades de Halloween realizadas na aula de inglés de 1º e 2º curso coa auxiliar de conversa (sección bilingüe 2014) no CEIP Amor Ruibal, Barro.
Cancións Can you make a happy face?, The skeleton song e Knock, knock who are you? de Supersimplesongs empregadas tamén na aula.
NOTICIAS DE BARRO 