O roteiro que guía Roberto Rivas dende hai unha década percorre a figura do intelectual e a historia da cidade
Roberto Rivas (Barro, 1971) asegura que é capaz de falar durante horas de Castelao. Leva dez anos facéndoo, e quédanlle moitos máis.
-¿Cal era o recuncho favorito de Castelao?
-Supoño que el lle tería moito cariño a todo arredor da Ferrería porque é onde pasou moitas horas no seu traballo, onde fixo un proxecto para reubicar a súa fonte na actual ubicación da praza de Ourense, e fixo tamén un proxecto para San Francisco. Debíase sentir moi identificado coa zona, pero hai pegadas del por toda a cidade
-¿Coñecen xa todos os nenos a Castelao?
-A maioría si, xa traen o roteiro preparado. Hai algún grupo que non, pero a maioría teñen unhas nocións de Castelao, coñecen a súa obra e sorpréndelles moito ver no Museo os seus debuxos.
-¿Cal diría que é o momento álxido da visita?
-Supoño que o final, na praza de Santa María, cando por fin ven a estatua de Castelao. E rematan a visita na que non só falas de Castelao, falas tamén da historia da cidade. Aproveitas para falar da Pontevedra da Idade Media e a Idade Moderna. Penso que é o culmen.
-¿Que é o que máis lles chama a atención de todo?
-Hai cousas curiosas, como cando lles dis que os cruceiros da praza da Leña e o das Cinco Rúas non son orixinais de aí, que viñeron máis tarde, e eles hoxe se dan conta de que son as pezas máis vendidas turisticamente da cidade. Ou mesmo cando lles preguntas se Pontevedra ten mar e lles explicas toda a relación que Pontevedra tivo co mar, e que eles agora xa non perciben.
-Isto levou un traballo de investigación profundo pola súa banda. ¿A vostede que foi o que máis lle sorprendeu descubrir de Castelao?
-O que máis che sorprende é saber que era un home polifacético, poderíamos dicir que era un ilustrado, pegáballe a todo. Era debuxante, escritor, político, estaba na coral polifónica, facía escenografías para a coral, para as súas obras de teatro…. Era unha persoa moi implicada na vida cultural, social e política da cidade.
-De toda a visita, ¿con que quedan os nenos, que é o que non van esquecer?
-Quédalles claro que é un artista polifacético e multitarefa, que diríamos hoxe (ri). E sorpréndelles entrar no Sexto, na sala Castelao, e ver a súa obra tan de preto, os debuxos que tantas veces viron nos libros, e a explicación que alí facemos. E sempre che fan a mesma pregunta: ¿por que Castelao ten tantos debuxos de cegos, por qué hai tantos na exposición?
-¿E por que é?
-Sabemos que cando morreu estaba case cego, pero sempre tivo moitos problemas de visión, e el identificábase moito cos cegos tanto pola súa dificultade como polo traballo dos cegos, repartindo cultura nos anos nos que andaban polas feiras cantando romances.
Mercado de productos ecolóxicos galegos, o domingo 11 de xuño no Pazo da Crega, dende as 11 da mañán.
O municipio de Barro celebrou onte a II Baixada de Carrilanas de Campodeira, que se desenvolveu nun circuíto de 1,9 quilómetros. A proba era valedoira para o campionato galego e reuniu a medio centenar de carrilanas aproximadamente, que foron verificadas no Pazo dá Crega durante a mañá, antes da saída. Os descensos comezaron ás 15.30 horas cunha baixada inicial de adestramento e dúas quendas máis de roldas cronometradas, ademais dunha exhibición final desde Campodeira ao lugar de Outeiro, na parroquia de Perdecanai.
O descenso rexistrou a última hora un accidente ao saírse da vía uno dos participantes e golpear a tres espectadores. Estes últimos e o piloto da carrilana foron atendidos nos hospitais Montecelo e Domínguez.
Despois do éxito da primeira edición o Concello de Barro acollerá o vindeiro domingo, día 21 de maio, a II Baixada de Carrilanas de Campodeira.
Trátase dunha proba puntuable para o campionato galego da Federación de Deportes de Inercia e disputarase nun circuíto de 1,9 quilómetros. Agárdase unha participación de arredor de medio cento de carrilanas.
Entre as 11:00 e as 12:30 horas realizaranse as verificacións dos vehículos na contorna do Pazo da Crega, en San Antoniño.
Despois, desde as 15:30 horas comezará a competición, na que está previsto realizar unha baixa de adestramento, dúas quendas cronometradas e unha exhibición dende Campodeira ao lugar do Outeiro, na parroquia de Perdecanai.
O prazo de inscripción esta aberto na páxina da Federación de Deportes de Inercia.
A Deputación Provincial de Pontevedra aprobou sete novas aportacións ao Concello de Barro no marco do Plan Concellos 2017 que suporán un investimento total de 250.169,34 euros.
Con estes sete novos proxectos, Barro completa o seu financiamento ao abeiro do Plan Concellos 2017, no que este ano recibe arredor de 420.000 euros.
Segundo informou a Deputación a través dun comunicado, entregará a cantidade de 48.728,91 euros para realizar tarefas de saneamento na estación da Portela e Güimil, 24.621,64 euros para labores de seguridade en viarios de San Amaro e Lardoeira; e 54.428,01 euros para a mellora e ampliación de diversos viarios municipais.
Outros investimentos serán 51.098,70 euros que o Concello de Barro destinará a financiar o saneamento de Fonte de Curro, 24.411,69 euros para a mellora e seguridade de accesos na Magdalena e no concello, 21.893,39 para a mellora do alumeado público exterior e 24.987 con destino ao financiamento dunha acción de seguridade viaria e accesibilidade.
Coa suma destas novas achegas, Barro é un dos primeiros concellos que completan o investimento recibido da Deputación de Pontevedra ao abeiro do Plan Concellos 2017.
PASAS MÁIS FAME QUE UN MESTRE DE ESCOLA.
En 1910, o soldo dun mestre era de 1000 pesetas anuais, moi inferior ao dun peón da construción. Ata tal punto era penosa a súa situación económica que o saber popular terminou por acuñar a triste e expresiva frase: “PASAS MÁIS FAME QUE UN MESTRE DE ESCOLA”. Así, nos ambientes rurales o seu esforzo e dedicación víanse recompensados co agradecimiento dos pais dos alumnos, quen, ofrecíanlle produtos das suas casas. Con isto aliviaban en parte a miseria a que o seu salario reducíalle.
A LETRA CON SANGUE ENTRA.
Posto que a función do mestre baséase no principio de autoridade, na escola os castigos estaban á hora do día e, segundo quen os aplicase, podían ser en verdade crueis e humillantes para o alumno. Calquera falta ou incumplimiento da norma, por leve que fóra, era merecedora dunha reprimenda ou un penalización. Os castigos máis habituais eran colocar ao alumno nun recuncho, cara á parede, con libros nas mans e orellas de burro; os palmetazos, os coscorrons e algún que outro bofetón. Era tamén costume facer que o alumno copiase cincocentas ou mil veces unha frase relacionada co delito, como “Non falarei na clase”ou “Non contestarei ao meu mestre”.
Na década dos 60 existían en Barro doce escolas nacionais, estas fotos corresponden á situada no antigo concello de Barro e a situada na parroquia da Portela.
PERDECANAI
PORTELA
PORTELA
PORTELA
Logo tocou seguir o camiño cara a Caldas e, máis tarde, ata Pontecesures, onde tiñan previsto durmir onte. Ás sete e media da tarde, aínda non alcanzaran o seu destino. María, convertida en portavoz e experta no Camiño, xa que é a terceira vez que o fai, concluía: «Imos moi tarde, moi cansas e con ampollas… pero non importa, chegaremos. Iso seguro. É marabilloso o Camiño».
Todas elas, que son madrileñas, implicáronse nun proxecto chamado Corre en rosa.
O Concello vén de rematar o proceso de adxudicación de dúas licitacións que tiña pendentes: o novo contrato de seguros e o servizo de axuda no fogar.
Dúas empresas foron as que se presentaron ao concurso, adxudicándoselle o contrato a MGS Seguros y Reaseguros S.A., que presentou a oferta máis baixa por importe de 16.567,44 euros anuais.
É un 17% menos do que viña pagando o Concello. Ademais, ofreceu reducir as franquías e aumentar as coberturas e indemnizacións en caso de sinistro.
Con respecto ao contrato do servizo de axuda no fogar, presentáronse un total de sete ofertas.
A proposta da compañía pontevedresa Idades SL é a que resultou gañadora do concurso, ao presentar o prezo por hora global máis baixo e, polo tanto, ser a máis vantaxosa para o Concello.
A conselleira de Infraestruturas e Vivenda, xunto co delegado territorial da Xunta en Pontevedra, e o alcalde de Barro, José Manuel Fernández, supervisou onte as obras de mellora dá seguridade viaria iniciadas hai unhas semanas na estrada que comunica Pontevedra e Vilagarcía, a PO-531, no acceso ao polígono de Sequeiros, que estarán finalizadas no verán.
o goberno galego inviste medio millón de euros, incluídas as expropiacións, é demandada polos veciños, moi importante para este municipio, xa que supón reforzar a seguridade na zona de acceso ao polígono de Sequeiros, onde se rexistra un tráfico intenso, duns 18.000 vehículos ao día.
Os traballos centraranse na construción dunha glorieta no acceso principal ao parque industrial que ademais de posibilitar a realización de todos os movementos con maior seguridade, evitando os numerosos xiros que se producen actualmente desde o carril central, tamén obrigará aos vehículos a reducir a velocidade neste punto, o que axudará a acougar o tráfico e incidirá nunha menor accidentalidade.
NOTICIAS DE BARRO 