ONDA CERO PONTEVEDRA
Comezamos a semana en martes 13 con concentración en Pontevedra en defensa da sanidade pública e coa habitual xunta de goberno local. No tempo do almorzo informativo conversamos co novo alcalde de Barro, Xose Manuel Fernández Abraldes. Recuperamos a Mercedes Corbillón na nosa sección Cronopios para seguir ampliando bibliotecas particulares.
Luz verde para a construción de novas naves no polígono industrial de Sequeiros, en Barro, que no prazo de doce meses verá como varias novas empresas inician a súa andaina nestas instalacións. O alcalde, Xosé Manuel Fernández Abraldes, e a concelleira de Desenvolvemento Económico, Lía Rodríguez, mantiveron este mércores un encontro cos promotores. Na cita, dous dos empresarios que iniciaron o proceso para desenvolver a zona industrial, Ramón Moldes e Miguel Lago, presentaron parte do proxecto, que enfronta unha fase crucial: a construción de naves modulares que estarán a disposición das firmas nun semestre, segundo os seus cálculos.
A mellora nos accesos ao polígono industrial privado de Sequeiros desde a PO-531 será unha das principais demandas que fará chegar o alcalde de Barro, Xosé Manuel Fernández Abraldes (BNG), á Xunta cando se reúna co responsable de estradas do goberno autonómico.
No Concello están moi satisfeitos coa evolución deste polígono que recibirá antes de fin de ano a cinco novas empresas e consideran que os seus accesos son deficientes e carecen de visibilidade.
Neste sentido, o Concello recibirá nos próximos días unha parcela deste parque empresarial destinada a equipamentos públicos e traballa na procura de usos forestais para a parcela da comunidade de montes, que quedou excluída do polígono .
Doutra banda, esperan que a instalación da empresa Froiz no polígono de Curro fágase efectiva cando se aprobe definitivamente un cambio no plan do polígono, consistente no traslado dunha zona de aparcadoiro a un lugar máis favorable para a empresa. Así mesmo, a subministración de auga a este polígono está resolto cun bombeo desde o río.
Membros da Asociación de Nais e Pais do centro ocupacional de Saiar recibiron onte o apoio do
alcalde de Barro, Xosé Manuel Fernández Abraldes (BNG), nunha reunión na que lle transmitiron as accións de protesta que pretenden levar a cabo os alumnos para paralizar a implantación do copago planeado pola Xunta.
O rexedor local considera que os usuarios están a recibir «un trato inxusto por parte da Xunta, que non pode facer pagar os pratos rotos da crise aos máis vulnerables». Sospeita Abraldes que detrás destas medidas podería haber unha intención de pechar este centro e pide que se «faga xustiza social», reclama o rexedor.
Ademais de sumarse a estas reivindicacións, recorda Abraldes que o pleno xa aprobou unha moción de apoio.
O vindeiro sábado 25 de abril ás 21:30 h. o BNG celebrará unha multitudinaria cea de máis de 200 persoas na Finca da Crega para presentar a súa candidatura á alcaldía de Barro, encabezada por Xosé Manuel Fernández Abraldes.
A grande cantidade de veciños e veciñas que asistirán a este acto do BNG-Asembleas Abertas reflicte as ganas de cambio cada vez máis palpábel na veciñanza de Barro , e que ven no BNG a única forza capaz de sustentar este cambio de políticas.
Porque depende de nós, de cada un e cada unha de nós, que Barro mude, que Barro avance, que Barro sexa, dunha vez por todas, un concello aberto á participación dos veciños e veciñas.
Porque depende de nós reiniciar Barro, que o noso concello salga da parálise na que se atopa, que poidamos conseguir uns servizos axeitados, que toda a enerxía e creatividade dos nosos mozos e mozas teña espazos nos que se expresar, que os nosos maiores conten con instalacións acordes ás súas necesidades, e que todos e todas nos poidamos sentir orgullosos de vivir en Barro.
Porque de nós depente que valoremos o noso, a nosa historia, a nosa paisaxe, os nosos valores. E como depende de nós temos que optar, e só hai dúas alternativas reais: apoiar ao PP e continuar co declive que está a sofrer o noso Concello ou apostar polo BNG, a única forza política con traxectoria, capacidade e ideas para mudar a política actual e comezar un novo rumbo.
Aválanos o noso traballo institucional, defendendo sempre aos veciños e veciñas, plantexando iniciativas e opoñéndonos radicalmente ás políticas anti-populares do PP. Pero tamén nos avala o traballo dos homes e mulleres que forman parte da nosa candidatura, veciños e veciñas de Barro comprometidos e cun gran traballo social.
Sr. Alcalde:
O abaixo asinante, Xosé Manuel Fernández Abraldes, portavoz do BNG no concello de Barro presenta a seguinte MOCIÓN referida ao mantemento do servizo de axuda no fogar
EXPOSICIÓN DE MOTIVOS:
Por iso, o grupo municipal do BNG solicita do Pleno da Corporación municipal a adopción do seguinte
ACORDO
Instar á Xunta de Galiza a:
a) Manter o financiamento dos gastos derivados da prestación do Servizo de Axuda no Fogar Básico ás corporacións locais de menos de 20.000 habitantes, así como asegurar un financiamento equivalente ao de anos anteriores aos concellos de máis de 20.000 habitantes.
b) Contribuír economicamente ao mantemento da totalidade dos servizos sociais comunitarios dos concellos.
c) Non incrementar a participación económica das persoas usuarias no custe do Servizo de Axuda no Fogar.
d) Derrogar o decreto e negociar outro no marco da FEGAMP.
Barro a 23 de abril de 2012
Asdo: Xosé Manuel Fernández Abraldes
