Mañá ás 11:00 h terá lugar a inauguración da Praza do San Amaro, na parroquia da Portela, e contará coa presenza do Alcalde de Barro, Xosé Manuel Fdez. Abraldes, e da Presidenta da Deputación Pontevedra, Carmela Silva Rego.
Esta actuación de humanización e posta en valor de todo o entorno puido materializarse grazas a un traballo conxunto entre o Concello de Barro e a Deputación de Pontevedra
Un home que formou parte dun ‘piquete’ durante os primeiros días do paro do sector do transporte está a ser investigado a nivel penal pola súa actuación contra un camión que circulaba pola AP-9. Presuntamente lanzou varias pedras ao vehículo ao seu paso polo municipio de Barro e colocou na estrada unha táboa con puntas.
O concello de Barro, a través da Federación Galega de Municipios e Provincias – FEGAMP colabora na recollida de alimentos e materiais de primeira necesidade en solidariedade coa crise humanitaria que se está vivindo na Ucraína.
Quen o desexe, poderá colaborar doando alimentos non perecedoiros ou materiais de primeira necesidade nas oficinas do concello de Barro a partir do luns, en horario de 9:00 a 14:00 h.
Para asegurar unha correcta distribución do material humanitario que se recolla este será comunicado á FEGAMP para que determine e canalice a súa entrega, ben nas zonas en conflito ou ben ás persoas refuxiadas á súa chegada a Galiza.
Así mesmo, a Secretaría de Estado de Cooperación Internacional traslada as seguintes vías de canalización de aportacións económicas a ONG e organismos internacionais despregados no terreo, xa que son organizacións con experiencia e garantías de que todo o que se recolla sexa empregado da mellor forma posible:
