A Xunta restrinxirá parcialmente o tráfico na saída da zona do Salnés -no punto quilométrico 119 da AP-9- durante catro noites consecutivas para executar as obras do supernudo de Curro , que conectará a autovía de Sanxenxo e a que vai construírse ata Baión (Vilanova) para dar servizo a Vilagarcía. Este macroenlace distribuirá ademais o tráfico da estrada Pontevedra-Vilagarcía, así como o proveniente da autoestrada e da futura autovía Curro -Pontevedra-Vigo.

O corte comezará mañá (ás 11 da noite) e produciranse ata o día 15. Segundo anunciou onte a Consellería de Medio Ambiente e Infraestruturas, realizaranse polas noites desde as 23.00 horas ata as 7.00 do día seguinte. O citado departamento suxeriu como saídas alternativas as situadas nos puntos quilométricos 110 (saída Vilagarcía-Caldas) e 129 (saída Pontevedra Norte).

Fuentes do departamento indicaron que a interrupción afectará aos catro movementos do nó de Curro da AP-9, tanto os que enlazan a autovía de Sanxenxo con Pontevedra como os que conectan en dirección Santiago, aínda que só nas horas indicadas.

A partir do día 12 procederase, de acordo coas explicacións dadas onte desde a Xunta, á demolición do paso superior emprazado na zona da praia de peaxes do nó de Curro para ampliar un desmonte existente nesta zona. O obxectivo final é dispor dunha sección tipo autovía con catro carrís ata a zona de peaxe. Unha vez finalizada a escavación deste desmonte executarase un novo paso superior.

O corte será «debidamente comunicado» á Dirección Xeral de Tráfico (DXT), aseguraron os responsables da rede autonómica de estradas. O peche ao tráfico que agora se anuncia non é o primeiro motivado por estas obras. O pasado mes de outubro tamén se estableceron restricións á circulación nos dous carrís dereitos da calzada. Víronse afectados os movementos tanto de entrada como de saída desde/cara á PO-531 en dirección Vilagarcía. Tras este corte puidéronse iniciar os traballos de drenaxe transversal e o movemento de terras para a construción da ligazón na zona pola que discorría a PO-531.

DESCARGA EN PDF: Ruta das pedras pr-g 110

O Concello de Barro arrastra décifit en todas as súas contas anuais, empezando no ano 1997, con 23.000euros.No ano 2002 ese desfase económico chegou a máis de 300.000 euros,e nas contas do 2009 xa era de preto de 1,2 millóns de euros, o que supóna terceira parte do orzamento dese ano, ou máis da metade do orzamento para o 2011. A mala xestión do goberno municipal leva a que, a pesar dos anos de bonanza económica que tivemos, os veciños e veciñas non conten cos servizos necesarios e nos atopemos no ano 2010 con graves problemas de liquidez para pagar os gastos básicos do Concello. Esta situación provocou que se tivese que recorrer a unha póliza decreto de 300.000 euros, poñendocomo garantía as expropiacións quese van cobrar da Xunta polo polígonode Curro.Resulta sorprendente que, para os orzamentos de 2011 se destaque como novidade eses 300.000 eurosque, segundo o alcalde, van servir para facer investimentos. Unha dedúas, ou serven para pagar os gastos diarios ou serven para facer investimentos; evidentemente as dúas cousas non poden ser.O goberno municipal do PP agacha os 700.000 euros de facturas pendentes de pagar, o que inviabiliza os orzamentos aprobados para 2011. Nestes momentos están pendentesde pagar facturas por importe de 700.000 euros, pero no orzamentode 2011 non se reserva ningunha partida para pagalas.

Se sumamos eses 700.000 euros co 1.500.000 previstos para gastos correntes, o orzamento de pouco máis de 2 millóns de euros xa non chega, poloque o apartado previsto para investimento sé irrealizábel.Unha vez pagados os gastos correntes non haberá cartos para investimentos Xa no informe técnico do plan desaneamento que acompañaba o orzamento de 2010 se citaba entre outros exemplos de mala xestión económica o costume de aprobarano a ano uns orzamentos inflados, falseados e irrealizábeis.

Esta mala xestión económica doPP situa ao Concello de Barro congraves problemas de liquidez, o que dificulta o pago de facturas e convenios con diversas entidades,e mesmo o facer fronte aos gastos básicos, imprescindíbeis do funcionamento municipal.

NOVA EXTRAIDA DO BOLETIN DO BNG DE BARRO, SE QUERES DESCARGALO EN PDF, PINCHA AQUI Barro – Novembro 2010 (1)

Un condutor que deu positivo nun control de alcoholemia na EP-0508 acaba de ser condenado a tres meses de prisión e un ano co permiso retirado. A Audiencia non considerou crible a súa tese de que estaba a tomar unha medicación que contén un excipiente etílico que aumenta a positividad.

Deste xeito, considérase probado que, sobre as tres e cuarto da madrugada do 8 de marzo do 2010, os axentes da Garda Civil de Tráfico que formaban parte dun control preventivo no punto quilométrico da estrada que une Curro con San Amaro deron o alto a un BMW 320D. A persoa que, naquel momento atopábase ao volante, deu 0,79 miligramos de alcol por litro de aire expirado na primeira proba e 0,7 na segunda. O límite é 0,25.

A Xunta de Goberno da Deputación acordou hoxe adxudicar o contrato para adquisición dun tractor para o concello de Barro á empresa Comercial Vazpe S.L. Esta nova dotación terá un custe de 86.000 euros que serán financiados con fondos do Plan de Investimentos da Deputación (PID). Se trata, concretamente dun tractor con desbrozadora en brazo articulado que permitirá acometer diferentes tarefas de mantemento no citado concello.

Compre recordar que o PID investirá en Barro un orzamento total de 387.414 euros que, ademais da adquisición do tractor, posibilitarán o acondicionamento da casa multiúsos municipal, así como na adquisición de diversos materiais para a reposición de estruturas, solos e pezas de madeira no Pazo da Crega.

O PID 2009-2011, dirixido a colaborar e fomentar o desenvolvemento dos concellos da provincia, achegará en total uns 70 millóns de euros. Estes, irán destinados a acometer máis de 520 obras na provincia e posibilitarán máis de 3.000 postos de traballo. As cantidades asignadas ós Concellos do Plan de Investimentos da Deputación repartíronse tomando como criterio o 50% de poboación e o 50% de superficie.

Un grupo de case trinta veciños de Barro participou onte na reposición dedoce carteis reivindicativos para reclamar a Fomento atenda as súas reivindicacións sobre o trazado do AVE na comarca. Os veciños colocaron os carteis nos lugares de Pazo, Porráns e Carballal na N-550, así como nos de Carballal e Veiga de Abaixo no viario de Barro-A Goulla e na PO-226 á altura de Porráns. O lema que figura nos sinais resume a principal reivindicación dos afectados: «AVE soterrado».

Unha portavoz da plataforma Salvemos Barro explicou que a reposición dos carteis onte é parte da campaña informativa para concienciar aos veciños sobre as consecuencias do proxecto do AVE e o estado da súa tramitación administrativa.

A plataforma distribuíu en todas as casas de Barro unha carta na que se deu conta das últimas xestións realizadas en relación con esta obra. Desta forma, recordouse que o pasado xullo houbo unha reunión deste colectivo con altos responsables de Fomento en Madrid. Preguntóuselles por que o trazado proxecta o seu paso por Barro en lugar de máis preto de Pontevedra como propón UGT, co que se afastaría o tren dos núcleos de poboación. «Vos interlocutores non foron quen de respostar» a esta cuestión vital, segundo resaltaron os representantes da plataforma.

Con todo, si que recibiron explicacións sobre o trámite que seguirá o expediente. A finais deste ano saberase cal é a empresa encargada dela redacción do proxecto básico e da execución dos traballos. A principios do 2011, levará a cabo unha análise técnica das alternativas. Está previsto que entón poidan introducirse matizacións ou modificacións se cabe no trazado aprobado no estudo informativo. Este proceso durará uns tres meses aproximadamente. Nesta fase administrativa, a plataforma poderá presentar alegacións para facer valer as reivindicacións veciñais e explicar a Fomento as vantaxes da alternativa defendida polos veciños.

Francisco Fernández del Riego finou onte, aos 97 anos, na súa casa na praza de Compostela de Vigo, cidade na que residiu a meirande parte dá súa vida, dedicada case en exclusiva á Fundación Penzol. Sigue lendo….

A Asociación “Cultura e Xuventude” de Barro, a Escola de Música de Barro e a Banda de Música Xuvenil de Barro celebrarán o vindeiro sábado día 27 de Novembro unha gran cea de confraternidade no Restaurante do Pazo da Cultura de Pontevedra.
Queremos compartir esta cea con todos os socios, alumnos da escola, musicos da banda e con todo aquel que desexe celebrar connosco o día da música.
O menú terá un prezo de 20€.

A xornada do sábado desenvolvíase coa eficiencia e normalidade requiridas para que o público puidese seguir gozando das interpretacións das bandas nacionais. Dende as cinco e media da tarde xa se respiraba a tensión das primeiras na “Sala Mozart” de ensaios. Esta era a quenda das formacións entre 46 e 60 compoñentes, que integraban a sección segunda, e cinco eran as bandas participantes da categoría: as Bandas de Música Xuvenís de Torroso e Barro, a Agrupación Musical de Goián, a Agrupación Músico-Cultural de Ribadumia e a Banda de Música Popular de Rubiós.

Desta volta, a obra obrigada era “Pórtico”, de Antón Alcalde, galardoado por segundo ano consecutivo no Certame de Composición e destacando así como un novo grande valor desta disciplina á temperá idade de 18 anos. Entre as obras libres podíamos atopar  “Tres imaxes de Mudga” de David Fiúza, coa que os de Rubiós obtiveron o premio á obra de autoría ou temática galega, e tamén pezas de grandes autores contemporáneos como Alfred Reed ou Johan de Meij.
A desfavorable climatoloxía que marcou a tónica da fin de semana non impediu que a sala “Ánxel Brage” do Auditorio de Galicia rexistrase unha notable cantidade de asistentes. Deste xeito, a capital compostelá demostra unha vez máis estar á vangarda do fomento da cultura galega.

Ao final da tarde e tras unha intensa deliberación o xurado proclamou como gañadora á Banda de Música Xuvenil de Barro, que alcanzou un total de 331 puntos. Torroso, con 279 puntos, e Ribadumia, con 253, proclamáronse segundos e terceiros respectivamente. O galardón ao cuarto posto foi outorgado á agrupación musical de Goián.

Para a tarde do domingo 21 agárdase a xornada máis multitudinaria coas actuacións das seccións primeira e especial, e a clausura coa entrega de galardóns aos premiados das tres xornadas.

Unha vertedura de fuel procedente dunha tubaxe dunha antiga nave de aglomerado do municipio pontevedrés de Barro obrigou onte pola tarde a mobilizar ao grupo loxístico da Axencia Galega de Emerxencias (Axega). O 112 tivo coñecemento do suceso ás 13.37 horas e coordinou a intervención coa Garda Civil de Caldas de Reis e a Consellería de Medio Ambiente.

Ao parecer, o que motivou a participación dunha unidade do grupo loxístico con base na Estrada non foi a cantidade de combustible derramado, senón o feito de que a sustancia se puidese diluír e filtrar ao chan debido ás intensas choivas caídas onte.

A fuga de fuel procedía dunha tubaxe á que lle falta un anaco. Onte descoñecíanse os motivos do roubo, aínda que non se descarta a sabotaxe, xa que esta antiga nave de aglomerado asfáltico da empresa Aglonor (Aglomerados do Noroeste) está sen actividade e pendente dun concurso de acredores. Aglonor foi unha das empresas escindidas no ano 1996 da construtora José Malvar.

Cando os técnicos de Axega chegaron ao lugar de Montesequeiros, na parroquia de Curro , para proceder a controlar a vertedura xa estaban no lugar axentes da Garda Civil e voluntarios da agrupación de Protección Civil de Barro.

O combustible procedente da tubaxe foi a parar a unha superficie impermeable ao aire libre de formigón e terra. O responsable do grupo loxístico, José Antonio Argibay, explicou onte que o fuel era bastante sólido, sendo o máximo espesor de entre 5 e 7 centímetros. No entanto, para evitar a filtración cara a terreos vexetais ou ata, polo efecto das precipitacións, á estrada PO-531, que enlaza Pontevedra con Vilagarcía, decidiuse conter a fuga.

Balsa de contención

Para taponar a saída do chapapote despregouse unha balsa de contención realizada nun material especial. A vertedura de fuel quedou así perfectamente estancado e tamén se procedeu a selar a tubaxe, orixe do problema.

José Antonio Argibay, responsable do grupo loxístico, comentou así mesmo que a mancha de combustible, xa controlada polos técnicos, ocupa unha superficie duns 200 metros cadrados.

http://www.canalriasbaixas.com/content/view/9623/68/

O traballo da Axencia Galega de Emerxencias (Axega) concluíu e o que queda pendente agora é a retirada do material por parte dunha empresa autorizada. «En todo caso, estaremos en contacto coa Garda Civil por se volvese ser necesaria a nosa presenza, xa que a fuga vén de días atrás», indicou José Antonio Argibay. Desde o 112 insistiuse en que a vertedura de combustible non supuxo un risco de contaminación nin un perigo para a poboación.

Un portavoz da agrupación de voluntarios de Protección Civil de Barro comentou onte que a nave de aglomerado asfáltico de Aglonor foi desmantelada. As instalacións de Montesequeiros non teñen vixilancia e todo apunta a que detrás da rotura da tubaxe está o roubo. «Levaron as ventás e pouco a pouco foron desmantelando todo. Suponse que roubaron un anaco de tubaxe para extraer unha bomba», sinalou un membro de Protección Civil.