A última hora da tarde de onte, un choque frontal en AG-41 antes das obras do nó de Curro , un todoterreo chocaba frontalmente. A pesar de que ata o lugar acudiron a Garda Civil de Tráfico e o 061, a condutora de 28 anos non necesitou asistencia médica.

A celebración anual, o 3 de Decembro, do Día Internacional das Persoas con Discapacidad ten por obxecto sensibilizar á opinión pública sobre as cuestións relacionadas coa discapacidad e mobilizar o apoio á dignidade, os dereitos e o benestar das persoas con discapacidad. Tamén se propón promover tómaa de conciencia sobre as ganancias que se derivarían da integración das persoas con discapacidad en todos os aspectos da vida política, social, económica e cultural.

A comunidade galega liderou en novembro a destrución de emprego en España. De cada dez parados españois que se apuntaron nas oficinas dos servizos públicos de emprego (antigo Inem) durante o pasado mes, dous eran galegos. A cifra de desempregados en Galicia subiu en 11.274 persoas, fronte ás 59.536 que se rexistraron en todo o estado, segundo os datos publicados onte polo Ministerio de Traballo e Inmigración. Os máis de 11.000 novos parados na comunidade (376 cada día) supoñen o maior ascenso en termos absolutos de todo o país, por diante dos incrementos rexistrados en Baleares (10.396) e Andalucía (8.315).

Destrución de postos de traballo na comarca:

Novembro foi outro mes negro en canto á destrución de postos de traballo na comarca. O paro dispárase no catorce municipios que integran a área de influencia de Pontevedra e alcanzou as 19.058 persoas. Unha cifra que na capital pasa a barreira psicolóxica dos oito mil parados e sitúase nun total de 8.104 persoas en busca dunha ocupación.
Ao longo do mes pasado non houbo un só concello da comarca que non perdese postos de traballo. En total foron 915 os que desapareceron.

Barro suma 385 desempregados:
Unha situación que xera unha importante preocupación entre os distintos axentes sociais que ven como, ademais, a destrución de emprego esténdese a todas as ramas da actividade. Ramón Vidal, secretario comarcal de UXT, destaca que o número de desempregados supera barreiras “que non nos imaxinabamos hai anos”. “Todos esperabamos unha retardación da actividade en sectores como a construción e pensamos que este sector xa tocara fondo, pero o que nos atopamos é que non é así, segue perdendo empregos e arrastra a outras ramas como a industria”, explica Vidal. Para o responsable de UXT a perda de empregos na industria leva outro problema engadido xa que “se trata de destrución duns empregos de maior calidade a cambio da creación de postos de traballo de baixa calidade e temporais”. O terceiro punto que preocupa no sindicato UXT é o incremento do número de parados de longa duración: “Cada vez son máis os fogares nos que non entra ningún soldo”. Cabe destacar que catro de cada dez parados pontevedreses xa non cobraban ningún tipo de prestación a principios de outubro pasado.
Rafael Igrexas, da CIG, explica que esta nova escalada do paro non lles colle por sorpresa xa que o sindicato nacionalista esperaba un aumento do desemprego durante os meses de inverno debido a que se trata duns meses nos que, mesmo nas épocas bonantes para a economía, adoitábase destruír emprego en sectores como a construción, que retardaban a súa actividade. A isto hai que sumar o efecto negativo sobre moitas Pemes que desenvolven a súa actividade en ramas complementarias (fontanería, electricidade, carpintería, entre outras) que ven como descende o volume de traballo por estas datas.

A estrada que serve de alternativa interior á PO-308, a vía que enlaza Pontevedra e Sanxenxo pola costa, está a piques de completar a súa mellora. A Deputación de Pontevedra deu conta onte da adxudicación do último tramo, co que os dous tramos: Sanxenxo-Bordóns e Samieira-Bordóns quedaron completados. Agora só resta un pequeno segmento fronte ao colexio de Bordóns, segundo revelaron onte desde a Deputación, institución á que compete o mantemento da carrretera.

Esta vía, que é empregada por moitos condutores sobre todo no verán para evitar os atascos de praia, foi obxecto dun importante investimento para a súa mellora..

Trátase da procura de alternativas entre Pontevedra e Sanxenxo pola que apostou a Deputación ante a negativa de sucesivos gobernos autonómicos a acometer unha alternativa á PO-308. Dunha parte, ampliou o viario interior que bordea Sanxenxo con apoios cara á costa en Dorrón e Nanín. Doutra, ensanchou o viario entre Dorrón e o alto de Samieira, logo de ampliar o de Samieira á Escusa (Poio). Os proxectos do ente provincial pasaban por apoiar este viario no periférico Poio-Campañó e por darlle saída cara a Curro .

O presidente de Lazos, Carlos Varela coordina unha campaña preventiva de sensibilización sobre a problemática do VIH. Denuncia que sufrimos un recorte do 30% en axudas institucionais para a prevención, iso supón que a calidade dos servizos baixou e pode implicar un aumento no número das novas infeccións. Carlos puntúa que un dos principais problemas é o atraso do diagnóstico, máis do 50% dos novos diagnósticos son tardíos, o paciente xa se atopa en fase de Sida, demanda unha maior asistencia sanitaria e implica un maior custo económico.

Lazos converteuse na primeira entidade galega que realiza gratuitamente as probas de detección precoz do VIH: Son probas anónimas, gratuitas e confidenciales, por iso vén un gran número de persoas que antes non acudían á sanidade pública por medo á perda de confidencialidad. Un estudo realizado en base aos seus resultados indica que as persoas máis afectadas son os homes que teñen sexo con outros homes, concretamente os traballadores sexuais.

Carlos Varela advirte ademais que máis dun 30% dos infectados non o saben, é moi importante concienciar á poboación sobre a importancia do sexo seguro xa que as prácticas de risco nas relacións sexuais producen o 90% das novas infeccións.

A Xefatura Territorial de Pontevedra da CONSELLERÍA DE ECONOMÍA E INDUSTRIA, somete a información pública para autorización administrativa, declaración de utilidade pública, e a necesidade de urxente ocupación que iso implica, aprobación do proxecto de execución, proxecto sectorial de incidencia supramunicipal da instalación eléctrica, estudio ambiental, e da solicitude de acollida ó réxime especial de produción de enerxía eléctrica das instalacións referidas ó PARQUE EÓLICO ACIBAL.
Pola que se sométese a información pública, a solicitude da empresa NORVENTO, S.L., as instalacións que a continuación se describen:
TÍTULO: PARQUE EÓLICO ACIBAL
SOLICITANTE: NORVENTO, S.L.
CONCELLOS AFECTADOS: Barro, Moraña e Campo Lameiro

CARACTERÍSTICAS TÉCNICAS DO PARQUE EÓLICO:
— 4 Aeroxeradores, cunha potencia nominal unitaria de 3000 kW
— Potencia total instalada: 12 MW
— Produción neta anual estimada: 33.802 MWh/año
— Orzamento total: 15.412.483,52 euros.

OBXECTO DA INFORMACIÓN PÚBLICA:
— Estudio ambiental.
— Proxecto sectorial de incidencia supramunicipal.
— Autorización administrativa e aprobación do proxecto de execución, declaración de utilidade pública das instalacións que comprende o proxecto do parque eólico.
— Declaración da instalación como de réxime especial de produción eléctrica.

O prazo de información pública para o proxecto sectorial é de 30 días. O proxecto sectorial poderase examinar na Xefatura Territorial e nos concellos de Barro, Moraña e Campo Lameiro.

A  Asociación “Cultura e Xuventude” de Barro organizou o XIII Festival de Bandas de Música de Barro. Esta edición contou con un numeroso público, pero para todos aqueles que non nos puideron escoitar en directo, ou ben queren ter unha copia para poder escoitarnos cando o desexen, agora poñemos á sua disposición a grabación da actuación da Banda Xuvenil de Barro neste festival realizada pola Radio Galega.

Premendo aquí poderá descargar a nosa actuación, onde destaca a estrea do pasodobre “García Fariña”, en memoria de José Javier García Fariña ‘Javino’, composta por D. Adrián Silva Magdalena.

Jose Sanmartin

QUERIDOS AMIGOS DE FACEBOOK: Quero comentarvos que onte se celebrou a X XUNTANZA DE CORAIS EN BARRO. Esta actividade realizouse na igrexa da Portela, que estaba abarrotada de xente, que disfrutou de catros corais espectaculares. A primeria en actuar foi A CORAL RENFE DE MONFORTE( LUGO), (que fixeron un esforzo grande vindo actuar despois de falecerlles recentemente a sua vicepresidenta), deseguido actuou a CORAL ABRENTE DA POBRA DO CARAMIÑAL ( A CORUÑA), seguida da CORAL CANTARES DO MIÑO DE VELLE ( OURENSE) e para rematar puxo a guinda a CORAL POLIFONICA DE BARRO. Na miña opinión fixeron un magnifico concerto con un repertorio moi ameno , que soaba a mil maravillas na igrexa de San Mamede da Portela. Eu era a primeira vez que ia a un concerto deste tipo, pero de seguro que repetirei. Os meus parabéns as catro corais e en especial, a CORAL de BARRO, organizadora do concerto. SAUDOS.

Muiños de Barosa, todo un espectáculo, é o río que se esborralla pola ladeira dun monte cunha fervenza contundente que parece que vai engulir na súa caída os pequenos muíños colgados da súa canle. E é ademais unha das 62 rutas de sendeirismo que a Sociedade de Imaxe e Promoción Turística de Galicia, Turgalicia, acaba de incluír nun catálogo (Galicia, Sendas para descubrir un país) que recolle unicamente os carreiros homologados da comunidade.

Isto inclúe vellas sendas, pistas forestais, camiños reais da época romana, laberínticas vías entre o bosque de ribeira… pero sempre que a súa sinalización cumpra os requirimentos da Federación Española de Deportes de Montaña e Escalada, que se axustan á normativa internacional.

Pero volvamos ao río Barosa. Un mundo de posibilidades ábrenselle agora ao usuario. En Internet, ademais dos datos e fotos que aparecen na guía impresa, pode consultarse un mapa da ruta en Google Maps, mentres as páxinas web especializadas (www.wikiloc.com, http://www.everytrail.com e http://www.ikimap.com) permiten consultar, visualizar e descargar a información georreferenciada das rutas galegas.

Esta iniciativa pioneira brinda así mesmo a posibilidade de ver os camiños en formato 3D, coñecer os perfís de altitude, as distancias entre puntos de interese, e sobre todo, descargar toda a información aos móbiles intelixentes, o que equivale a levar encima información de alta calidade. Así, pasmado ante a fervenza, o camiñante poderá consultar que función cumprían os muíños que ten á vista, que outros atractivos lle ofrece o carreiro ou, simplemente, por onde serpentea a ruta que lle interesa seguir.

Case 20.000 exemplares

O percorrido visualízase e segue correctamente mediante o teléfono grazas ao dispositivo GPS, e isto é de gran utilidade, pois permite salvar problemas derivados da sinalización: o camiñante sabe sempre se se está desviando da ruta marcada. O móbil daralle tamén os datos da distancia percorrida, a velocidade media, o tempo empregado, o perfil de altitude, e ata a posibilidade de ir seguindo o camiño con apoio fotográfico.

Nunha volta de porca máis, a iniciativa de Turgalicia intenta crear unha comunidade de senderistas, ao permitir ao usuario a posibilidade de engadir comentarios propios e consellos para que outros poidan aproveitar as súas indicacións e beneficiarse desa información. Do catálogo editáronse 18.000 exemplares, 12.000 en castelán, 3.000 en galego e outros tantos en inglés. Inclúe 62 itinerarios homologados, dos que 58 son carreiros de pequeno percorrido (PR-G), con menos de 50 quilómetros, e 4, grandes rutas (GR).

O obxectivo último, segundo responsables de Turgalicia, é «atraer a turistas alemáns, ingleses e franceses, que contan nos seus países con enormes redes de carreiros».

Non hai perda

P ara os que somos capaces de perdernos no itinerario de baldosín e medio entre o fregadero e a lavadora, a invención do GPS resultou o achado máis asombroso desde o compás. De súpeto, basta con ordenarlle a un dispositivo que che conduza de regreso ao fogar doce fogar e, pegando o fuciño ao mapa virtual, un vai sorteando as encrucilladas, dúbidas e descoidos que noutro tempo convertían a visita á pintoresca casa de comidas a beiras dun regato en algo demasiado parecido a un episodio de Mr. Bean. Os perdedores, ou sexa, os que nos perdemos con suma facilidade, imos a alucinar por cores coa idea de enchufarnos no móbil unhas rutas de sendeirismo nas que o GPS vainos levando da man aos últimos agochos de Galicia sen necesidade de ter que chamar logo ao servizo de rescate da Garda Civil. Aínda que andemos desnortados noutros asuntos, na corredoira xa non hai perda.

Igrexa moderna, feita no século XVIII, por subscrición entre os vecinos. A torre é sen embargo, posterior, pois data de 1894.

Celebra a San Breixo o primeiro domingo de outubro.

 Localízase na cima dunha colina, dominando o seu entorno. a súa beira o cemiterio e unha ámplia explanada para a romería que é moi concurrida.
Estado de conservación: Bo.
Descripción: De planta rectangular co corpo posterior máis elevada. Campanario central de dous corpos con base mensulada e cúpula octogonal nervada. Fachada limpa con porta central e falsas columnas.

Cruceiro da Igrexa Parroquial de San Breixo. Localízase no atrio da igrexa, a un lado da fachada desta, na explanada mellorada fai pouco.