Mais información na edición escrita do Diario de Pontevedra.

A Banda Municipal de Música de Santiago celebra o domingo 19 un novo concerto do ciclo de Novos Intérpretes Galegos, unha das novidades máis interesantes da programación 2011-2012. Este ciclo inclúe sete concertos nos que a Banda Municipal contará ao longo de toda a tempada con sete solistas diferentes.

Trátase de sete mozos galegos con idades comprendidas entre os 15 e os 25 anos e que están levando a cabo os seus estudios musicais tanto en Galicia como no estranxeiro. Se na anterior ocasión tivemos a oportunidade de escoitar un instrumento pouco usual como solista, como é o caso da tuba, neste concerto escoitaremos como solista unha marimba, actuando como solista Jorge Alberto González-Reynoso Sarabia.

Jorge Alberto González-Reynoso Sarabia comeza os seus estudos musicais con 12 anos no Conservatorio Profesional de Música de Pontevedra, adiantando varios cursos no primeiro ciclo, onde recibe clases dos mestres: Miguel Castro, Pilar García, Jorge Pérez, Martirio Domenech e Juan Collazo. En 2004 pasa a formar parte da Banda de Música Xuvenil de Barro, actuando en varias ocasións como solista. En 2006 ingresa na Banda de Música de Pontevedra, interpretando coa devandita agrupación concertos solistas e obras para grupo de percusión e banda. Colabora habitualmente coa Orquestra Sinfónica Cidade de Pontevedra.

Estivo baixo a batuta de diversos directores: Jan Cober, Jan Van Der Roost, Hardy Mertens, José Rafael Pascual Villaplana, Maximino Zumalave, Miguel Etchegoncelay, Xosé Carlos Seráns, José Luis Represas, Juan Lois Diéguez e Javier Viceiro, entre outros. Asistiu a cursos de especialización con: Manel Ramada, Diego Ventoso, Raúl Benavent, Roberto Oliveira, Guido Rückel, César Peris, Nuno Aroso, Ton Martínez-Risco, Joan Soriano, entre outros. Dende o curso 2006-2007 ata o curso 2009-2010 impartiu clases na Escola Municipal de Meis, dende o curso 2008-2009 ata o 2010-2011 na Escola de Música de Barro e o curso 2010-2011 na Escola de Música Municipal de Caldas de Reis.

Remata o Grao Medio no ano 2009, e nese mesmo ano ingresa no Conservatorio Superior de Música de Vigo. No ano 2010 ingresa na Escola de Altos Estudios Musicais da Real Filharmonía de Galicia e colabora coa Banda Municipal de Música de Santiago de Compostela. En 2012 ingresa como percusionista reserva na Gustav Mahler Jugendorchester (GMJO). É alumno do Conservatorio Superior de Música de Vigo, cos profesores Carlos Castro e Vicent Grau. Actualmente estuda no Conservatoire National de Strasbourg cos profesores Emmanuel Séjourné, Stephan Fougeroux e Denis Riedinger, onde tamén estuda dirección con Miguel Etchegoncelay

Programa do concerto, ás 12:00 horas, no Teatro Principal, con entrada de balde:
– Santander (pd), de E. Rosillo.
– Cleopatra (abertura), de L. Mancinelli/X C. Seráns.
– *Concerto para Marimba, de E. Séjourné/X. C. Seráns.
– *Steeps by Starligth (suite), de T. Kushida.
– *Non chores Sabeliña (selección), de G. Freire.

*Estas obras son interpretadas por primeira vez pola Banda Municipal.

RESTAURANTE A PORTALIÑA EN BARRO – PONTEVEDRA

Sabado de entroido as 21:30

Cea baile

Aberta a todo o mundo;Tamen pódese pasar a tomar as copas.

A Residencia de Estudantes acollía na noitiña de onte a asemblea comarcal do BNG na que estaba prevista a renovación do consello. Soamente concorría unha candidatura, a liderada pola concelleira pontevedresa Anxos Riveiro. Á asemblea estaban citados máis de seiscentos militantes dous concellos de Pontevedra, A Lama, Ponte Caldelas, Cotobade, Soutomaior, Poio, Barro, Campo Lameiro, Moraña, Caldas, Portas, Pontecesures e Valla.

Benvidos ao noso enlace en Facebook!!!

Neste espazo irémosvos informando dos nosos novos produtos, ofertas, promocións…
Na nosa tenda situada no San Antoniño,18 B, á carón do centro de saúde, poderedes atopar moda para nenos, artigos de merceria, lenceria, complementos, fíos, lás, calzado para nenos, zapatillas para adultos…  ¡todo o que vos podedes imaxinar!.

O noso horario é:
De luns a venres: mañás de 9:15 a 13:30, tardes 17:00 a 20:30
Sábados: mañás de 10:00 a 13:30, tardes de 17:00 a 20:00

Non dubidedes en pasarvos e coñecernos. ESPERÁMOSVOS!

https://www.facebook.com/pages/Kukubara/282308155171605

O alcalde de Meis, José Luís Pérez, está convencido de que a oposición veciñal ao proxecto da planta de biomasa débese sobre todo á “confusión” e a unha alarma que el considera inxustificada. O domingo pasado a comunidade de montes de San Lourenzo de Nogueira celebrou unha asemblea para debater sobre a conveniencia ou non da planta, e asistiron un centenar de veciños, dos cales 70 mostráronse en contra da instalación industrial. Con todo, José Luís Pérez matiza esta cifra “porque na parroquia hai 200 casas”.
Iso implica, segundo o alcalde, que o resultado da asemblea do domingo non ten por que ser representativo do sentir da parroquia. Ademais, Pérez lembra que a planta de biomasa instalaríase no futuro polígono industrial de Barro-Meis, co cal os terreos xa non serían da comunidade de montes, senón do Instituto para a Promoción Económica dá Provincia de Pontevedra (Ipespo). Por tanto, “a comunidade de montes podería presentar as alegacións que considerase oportunas, pero non tería a capacidade de decidir”.
O alcalde indicou en varias ocasións que a súa intención é respectar o sentir maioritario dos veciños, aínda que tamén avanzou que se o proxecto da empresa cumpre con todos os requisitos ao concello non quedaría máis remedio que concederlle a licenza, pois pola contra incorrería nun delito de prevaricación.
Ademais, Pérez cre que a planta pode ser positiva, pois suporía a creación de postos de traballo e facilitaría a limpeza da vexetación e maleza do monte. O alcalde de Meis opina que a oposición veciñal reducirase “cando o proxecto aclárese e a xente vexa que unha planta de biomasa non é unha central nuclear”.