A mellora dos vestiarios, a bancada e a instalación eléctrica do campo de fútbol adxudicáronse onte en xunta de goberno. Tamén se aprobou a posta en valor de dous camiños municipais nos lugares de Valiñas e Agudelo, que levará a cabo nos próximos días.
Tras a inauguración do campo de fútbol de herba sintética do Outeiro, o goberno local adxudica unha serie de obras neste recinto deportivo destinadas a mellorar o rendemento. O proxecto, que conta cun orzamento de 100.000 euros, contempla a reforma dos vestiarios e a instalación dunha nova cuberta para a bancada do campo. Así mesmo, para satisfacer as necesidades de iluminación da instalación deportiva, conectarase á liña de media tensión e construirase un transformador para dotar ao recinto de corrente eléctrica.
ACTUACIÓN DO GRUPO DE ZANFONAS NA IGREXA DE AGUDELO
O rogo (ou solicitude) do voto pode realizarse ata o 25 abril
O primeiro paso sería a inscrición no censo de residentes temporais (ERTA), para facer despois o rogo do voto. O rogo (ou solicitude) do voto pode realizarse dende a convocatoria de eleccións (publicouse o pasado 31 de marzo) ata 25 días despois desa data, polo tanto ata o 25 abril. No ERTA, o rogo do voto debe facerse de forma presencial, nas embaixadas e consulados. Recoméndase (sobre todo ás persoas que non teñan un consulado preto) realizar de forma conxunta a inscripción no censo de residentes temporais e o rogo de voto ao mesmo tempo, para aforrar unha viaxe.
Unha vez realizada a inscrición no censo e o rogo do voto, o resto do proceso é exacto ao do voto por correo dende calquera punto do interior do Estado
Unha vez realizados eses dous primeiros trámites, que en principio deberían ser automáticos, sen limitacións ligadas ao tempo que unha persoa leva residindo nese país ou outras cuestións, o resto do proceso é exacto ao do voto por correo dende calquera punto do interior do Estado. Cada persoa recibirá no seu domicilio as papeletas e os sobres, acompañados das instrucións para exercer o voto “non máis tarde do día 4 de maio ou do 12 de maio se se producise impugnación de candidatos”. O voto realízase por correo certificado, remitíndoo á mesa electoral “ata o día 20 de maio (inclusive)”. Será indispensable para a validez do voto “que conste claramente no sobre dirixido á Mesa electoral o selo dunha oficina de correos del Estado correspondente que acredite que se remitiu dentro do prazo previsto”.
https://www.facebook.com/bng.debarro
6 concellos da comarca de Pontevedra sumáronse á nova convocatoria do Plan que oferta máis de 30 especialidades foramtivas. Os concellos de Barro, Campo Lameiro, Cotobade, A Lama e Poio impartirán un curso de formación cada un deles, mentres que Vilaboa, solicitou poder ofertar dúas destas actividades.
| CONCELLO | OBRADOIRO 1 | OBRADOIRO 2 |
| BARRO | REPOSTERÍA | |
| CAMPO LAMEIRO | ACOMPAÑANTE DE COMEDOR ESCOLAR | |
| COTOBADE | REPARACIÓNS DOMÉSTICAS DE FONTANERÍA, ALBANELERÍA E CARPINTERÍA | |
| LAMA, A | OBRADOIRO DE COIRO | |
| POIO | LINGUA DE SIGNOS | TAPAS, PETISCOS E CANAPÉS |
| VILABOA | ACOMPAÑANTE DE COMEDOR ESCOLAR |
Dirixidos a mozos de entre 16 e 35 anos, os cursos teñen unha duración de 40 horas a impartir durante dous días á semana, e con eles preténdese ofrecerlle á mocidade actividades formativas de interese tanto para o seu desenvolvemento profesional coma social e persoal.
A Deputación de Pontevedra aprobou destinar 259.000 euros a 38 concellos de menos de 
20.000 habitantes para cubrir as demandas de carácter urxente e puntual das persoas nunha situación de exclusión social ou en risco de estalo, con especial atención ás familias con menores ó seu cargo.
6 concellos da comarca están incluidos no listado de municipios que se beneficiarán desta convocatoria de axudas.
| CONCELLO | CANTIDADE SOLICITADA |
| Barro | 6.000 € |
| Campo Lameiro | 6.000 € |
| Cotobade | 6.000 € |
| Lama, A | 5.500 € |
| Poio | 8.500 € |
| Ponte Caldelas | 7.500 € |
A Asociación de Amigos da Pontevedrada (Asampo) que sen ánimo de lucro dá viabilidade á iniciativa, presentou a Quinta Pontevedrada, unha marcha solidaria nocturna e ininterrompida a pié de 63 quilómetros polo Camiño de Santiago. Parte da cidade do Lérez para dirixirse ata a Praza do Obradoiro compostelá. Pretende concienciar da importancia da doazón altruísta de sangue, órganos e tecidos.
Con máis de 570 inscricións xa confirmadas e provenientes de toda Galicia, Cantabria, Madrid, Barcelona, León, Mallorca, Francia e Suíza, aínda admite inscricións, que se poden formalizar por correo electrónico, enviados a pontevedrada@gmail.com, achegando nome e apelidos, DNI, data de nacemento, teléfono, mail, localidade de residencia habitual e, opcionalmente, achegando unha foto tamaño carné.
Dado o crecemento gradual de participantes, Asampo optou por que cada inscrición sexa voluntaria economicamente, para dar viabilidade organizativa a cuantos “marchosos solidarios” acudan e tamén colaborar con asociacións que fomentan a doazón. A achega voluntaria poderase facer efectiva o mesmo día da saída na Praza dá Ferrería, ao retirar a documentación e o dorsal.
Segundo destacaron os organizadores onte no Concello de Pontevedra, esta quinta Pontevedrada arrincará da Praza dá Ferrería ás 20.00 horas do sábado 25 de abril de 2015, con centos do que denominan “marchosos solidarios” de diversas idades -doantes e non doantes-, que efectuarán breves paradas de descanso e refrixerio nocturno en Barro, Caldas de Reis, Valga e Padrón, antes de entrar ao mediodía do domingo 26 de abril na compostelá Praza do Obradoiro, onde posteriormente efectuarase no Hostal dos Reis Católicos un sorteo de obsequios doados solidariamente por diversas empresas, entidades e particulares.
Os membros de Asampo lembraron onte no Concello que non é obrigatorio completar todo o percorrido da Pontevedrada, e que se conta co apoio loxístico de vehículos particulares e profesionais de asistencia en ruta, así como con cobertura complementaria de grandes vehículos, fretados solidariamente polo Concello de Pontevedra e a Deputación Provincial.
Neste ámbito, a Asociación de Amigos da Pontevedrada agradeceu todas as adhesións e colaboracións altruístas, achegadas por institucións, empresas e particulares para dar continuidade a esta iniciativa solidaria que, “regalando vida, repercute en beneficio de toda a sociedade”.
Reiterouse a necesidade de que cada “marchoso” leve chaleco reflector, lanterna ou frontal e pilas de reposto, un teléfono móbil cargado, bebida e alimento lixeiros, roupa de abrigo e chubasquero, bastóns de trekking, calzado e calcetíns de reposto e un pequeno botiquín. O retorno a casa farase por conta de cada participante.
Os concellos de Barro e Portas convocan o concurso Cóntame un conto, veciño no que se busca ao mellor escritor de contos. Premiarase ao mellor relato en diversas categorías: infantil, primaria, secundaria e adultos. O prazo de entrega de traballos xa está aberto e pode realizarse na Oficinas de Xuventude de Barro ou na Casa de Cultura de Portas. O 5 de maio haberá gañador.
O sindicato CIG en representación dos Técnicos de Emerxencias Sanitarias da zona do 
Salnes/Umia,saimos a reclamar unha ambulancia de SVA (Soporte Vital Avanzado) ou Medicalizada para a zona 24h os 365 dias,unha reclamacion que facemos como TES porque o somos,pero non e unha reclamacion laboral,e unha reclamacion como veciños e incluso posibles demandantes de este servicio tanto nos como calquer veciño ou achegado.
Expoñemos os motivos que creemos mais que suficientes e tamen as accions que levamos feitas de forma totalmente pacifica e sen animo de favoritismos de ningun tipo:
Fai uns anos fixose un dossier por parte de un medico da zona,no cal se explicaban os motivos da dotacion de unha ambulancia de SVA ( Soporte Vital Avanzado)na zona, o tema foi avanzando ata que por sorpresa finalmente e contra o que se dixo, non se dotou,a cal quedou pendente para o seguinte concurso revisar e dotar a zona.Mirando que sae o concurso do transporte urxente en Galicia e non sae a dotacion na area sanitaria do salnes nas bases, pois e cando decidimos un grupo de TES en poñernos a demandar dito recurso.
En primero lugar expoñemos as razons polas que creemos que se debería dotar a zona de unha ambulancia de SVA:
• -Tempos de resposta: A ambulancia de SVA mais proxima esta no mellor dos casos a 30min minimo incluso chegando a 50min en concellos como a Illa de Arousa e Catoira,sempre e cando non este ocupada xa que esta soa ambulancia cubre a mais de 300.000Hab ( en condicións normais, en tempo estival chega a duplicarse esta cantidade)
• – Deixar os PACs descubertos en casos mais de tres horas.(Sen Medico nin DUE)
• -Polas recomendacions “minimas” da OMS (1 SVA por cada 120000Hab.) na zona son mais de 163.000Hab.(triplicandose en tempo estival) cunha cantidade de servicios que supera os 14.000 os cales temos que sumar os servicios que fan as ambulancias voluntarios de proteccion civil de A Estrada,duas de voluntarios de PC Vilagarcia e outra de voluntarios de PC Cambados, as cales sempre veñen moi ben como apio pero non como un recurso mais e igual que as propias da rede 061.
• -Minimo custe: O custe de esta Ambulancia e minimo xa que esta estudiado,e unha das posibilidades e casi a coste 0Eur.(SVA mixta)
• -Falta de UCI no Hospital:Tras o reinicio das obras de ampliacion do Hospital do Salnes percatamonos que a ampliacion non contempla a dotacion do Hospital de unha Unidade de Coidados Intensivos, o cal nos parece que e un factor moi negativo a hora de poder tratar multiples doenzas as cales se teran que trasladar fora da zona,por eso pensamos que mellor que unha ambulancia de SVA asista o paciente na rua o traslade directamente o hospital de referencia segundo a patoloxia do paciente e ocasionar o paciente o menor trastorno posible.
NOTICIAS DE BARRO 