O sábado 29 de xullo celébrase o XXIV Festival Anual do Grupo de Danzas Amor Ruibal. Ás 20.00h no Parque da Natureza “Ría Barosa”.
Participan:
Xirandola. Bandeira. Silleda.
Santa Columa de Ribadelouro. Tui.
O Trevo. meis.
Amor Ruibal. barro.
General
É unha prioridade para nós un novo centro de saúde
No ecuador do seu mandato, o alcalde de Barro, o nacionalista Xosé Manuel Fernández Abraldes, fixo onte balance destes dous anos para remarcar que «é unha prioridade para nós un novo centro de saúde». Remarcou que o actual «non cumpre un mínimo estándar» a todos os niveis.
Neste punto, sinalou que está disposto a dar «unha marxe de confianza» ao novo xerente da Estrutura Organizativa de Xestión Integrada (EOXI) de Pontevedra e O Salnés, José Ramón Gómez. Neste sentido, destacou que este último está «preparando un plan de actuacións na súa área» no que se contemplan distintas actuacións por orden de prioridade e, entre elas, atoparíase o novo centro de saúde.
Á hora de botar a vista atrás, Abraldes fai unha valoración positiva destes dous anos. A súa filosofía: «Optamos por non facer grandes obras e centrarmos nos problemas pequenos da xente». Mentres que o obxectivo último, que «a xente estea contenta e orgullosa de vivir en Barro».
O polígono e as infraestruturas son outras das súas grandes apostas. Mentres que o parque empresarial de Barro-Meis «está indo ben», a seguridade da PO-531 e da N-550, así como a construción da A-57 son os seus quebradeiros de cabeza. De feito, onte tiña previsto manter unha reunión cos veciños de Curro para analizar este último proxecto.
De igual modo, amosou a súa preocupación pola seguridade dos peregrinos que diariamente atravesan o seu concello.
Voluntarios de Barro e Portas queren crear unha asociación no Umia de loita contra a praga da avespa asiática
O grupo de voluntarios Stop Velutina de Barro e apicultores do Concello de Portas decidiron crear unha asociación comarcal de Umia para loitar contra a praga da vespa asiática. Nas últimas horas, representantes destas entidades mantiveron un encontro en Romai coa idea de involucrar a todos os concellos da comarca a través de persoas voluntarias coa idea de frear a proliferación de niños da avespa velutina.
Neste sentido, decidiuse iniciar unha rolda de contacto cos goberno dos concellos da comarca para solicitar colaboración institucional. Alertan do perigo que supón este insecto para as abellas do país, ademais dos danos que causa en froiteiros e mesmo en viñas, xa que teñen preferencia polo azucre e o alcol.
Nas próximas semanas esperan manter unha reunión constituínte e mesmo estudan formar parte da Asociación Galega de Apicultores (AGA) para buscar máis apoios.
Os festivais Barosa Líquida, Armadiña Rock, Rockin’Vila e Festa Xironsa reciben axudas provinciais
Catorce festivais musicais e dous de teatro repartiranse os 120.000 euros das axudas convocadas polo departamento provincial de Cultura para certames de música e artes escénicas ao abeiro do ‘Ano do Patrimonio’.
As subvencións aprobaranse na Xunta de Goberno deste venres e, segundo asegura o deputado de Cultura Xosé Leal, o seu obxectivo é “promocionar, protexer e difundir o patrimonio cultural galego no ámbito da música e as artes escénicas”.
Entre os festivais beneficiarios das axudas, no campo musical e na nosa contorna atópanse:
- 6ª Edición do Festival Multidisciplinar Barosa Líquida de Barro organizada pola Asociación Musical Cultural Tirante, con 3.233 euros
- XVII Festa Xironsa, promovida pola Asociación Cultural Corbillón de Cambados, con 7.038 euros
- Festival Armadiña Rock da Asociación Cultural Deportiva e Medioambiental Armadiña de Poio, con 15.027 euros
- Festival Rockin’Vila IV, con 5.516 euros, organizado pola Asociación Cultural PIB Crew (Vilanova de Arousa).
Trátase dunha liña de axudas de nova creación que se convoca neste exercicio por primeira vez, co obxecto xenérico de impulsar os sectores das artes escénicas e musicais, por considerar que se trata de elementos claves da creatividade artística e da dinamización cultural da provincia.
Barro entre os concellos con maior risco de asaltos a vivendas
Os roubos de vivendas na provincia de Pontevedra saen caros, un 33 por cento máis custosos que no resto de Galicia e un 10 por cento máis que a media estatal. Aínda que este tipo de delitos son en toda a comunidade galega menos frecuentes que noutras partes do país, Pontevedra destaca porque os ladróns lévanse nesta provincia un maior botín. De feito, ocupa o noveno posto de España en canto á gravidade das sustracciones -2.383 euros de media en cada roubo-. Por concellos, os saqueos máis cuantiosos da comunidade autónoma rexistráronse en Nigrán, onde o custo disparouse a 22.378 euros por fogar -seguramente por algún roubo importante que elevou a media- e Gondomar onde o desfalco situouse en 9.839 euros por casa.
É normal, con todo, que a máis poboación creza o número de fogares saqueados polos ladróns. Por esa razón, a patronal do seguro intenta medir o risco de roubos nos distintos municipios calculando a proporción de percances rexistrados en función do seu parque de vivendas. Con este indicador a maior probabilidade de sustracciones no fogar está en municipios do rural de Pontevedra. Barro e Mondariz encabezan a lista (o ano anterior foron Mos, Salvaterra de Miño e Tomiño). Tras estes dous concellos pontevedreses sitúase o ourensano de Coles e, a continuación, no cuarto posto hai outro de Pontevedra: As Neves. Unespa sinala que a “dispersión en Galicia parece xogar en contra”.
MAIS INFORMACIÓN PREME NO ENLACE:
OFERTA DE EMPREGO EN BARRO
Alegaciones do Concello de Barro para lograr melloras na N-550
O Concello de Barro insiste en que “non considera unha boa opción a proposta de enlace coa PO-531 que propón a alternativa” agora elixida. Sinala que os falsos túneles non evitan “a afección ao conxunto e contorna da igrexa de Curro e séguese producindo división física da distribución poblacional na parroquia de Curro”. Ademais, alerta de que “as excavaciones necesarias para executar a autovía coa nova rasante teñen un forte impacto sobre acuíferos que fornecen auga a núcleos próximos”.
Por iso, insiste en que “a mellor alternativa para enlazar a A-57 ao macronudo de Curro é a C-5 e solicita a liberación de peaxe do tramo da autopista AP-9 entre Barro e Pontevedra”. Todas estas demandas plasmaranse nas alegaciones que formulará nos próximos días.
Paralelamente, durante as negociacións con Estradas do Estado sobre este asunto, o alcalde Fernández Abraldes aproveitou para reclamar melloras na N-550 ao seu paso polo municipio e foi informado da pretensión de executar unha glorieta no nó onde se sitúa a estrada de acceso ao Pontillón.
Mais información preme no enlace:
Barro dotará dun novo acceso peonil ao recinto escolar
O alcalde de Barro, Xosé Manuel Abraldes confirmoulle á presidenta da ANPA e ao director do CEIP Amor Ruibal que o goberno municipal ten intención de habilitar unha nova entrada peonil ao recinto escolar, para conseguir un acceso seguro do alumnado que non utiliza o transporte escolar e os familiares que os traen.
Recentemente o consello escolar solicitou que se recuperara a entrada lateral que existía antigamente para proporcionar un acceso ao centro seguro tanto para as familias que acompañan aos seus fillos nos momentos de entrada e saída do colexio como ao alumnado que se dirixe ao pavillón de deportes no horario escolar.
Segundo trasladaron dende o Concello, “a necesidade dun acceso seguro ao recinto é unha preocupación constante deste goberno”, e por iso, se buscou unha alternativa consensuada coa comunidade educativa “que reúne todas as condicións de seguridade e accesibilidade” e que só está á espera de que a Consellería de Educación a aprobe.
O obxectivo do goberno municipal é que a mesma xa esté operativa ó inicio do vindeiro curso escolar.
A A-57 entre Pilarteiros e Barro xa ten declaración de impacto ambiental
Fomento segue adiante coa tramitación da A-57. O Boletín Oficial do Estado publicou este venres a declaración de impacto ambiental do tramo entre Pilarteiros (Xeve) e Barro, que inclúe a conexión desta autovía coa AP-9 e a Autovía do Salnés en Curro.
Con este tramo, sinalan desde o ministerio, búscase dar continuidade cara ao norte de Pontevedra á autovía actualmente en proxecto e atender os problemas de tráfico que presenta a N-550 ao norte do núcleo urbano da cidade de Pontevedra, mellorando a mobilidade polo corredor Vigo-Pontevedra.
O trazado está dentro da provincia de Pontevedra, iniciándose na ligazón de Pilarteiros da A-57 coa PO-223, discorrendo cara ao noroeste ata atopar o corredor definido pola AP-9 e a N-550 e conectando con estas en Curro (ligazón da AG-41) e en Barro, respectivamente. Con iso complétase a circunvalación de Pontevedra polo norte.
Este tramo, duns once quilómetros, contará cunha plataforma constituída por dúas calzadas de sete metros de ancho, beiravías exteriores de dous metros e medio, bermas dun metro e beiravías interiores de metro e medio. Ademais, terá unha mediana de catro metros.
MAIS INFORMACION PREME NO ENLACE:
http://pontevedraviva.com/xeral/38073/a57-pilarteiros-barro-declaracion-impacto-ambiental/
D.E.P.D. JUAN PRADO MOLDES
Corte de suministro de enerxía en diversas zonas de BARRO
ANUNCIO DE UNIÓN FENOSA DISTRIBUCIÓN. Corte de suministro de enerxía en diversas zonas de BARRO e RIBADUMIA o vindeiro 15 de xullo de 2017 entre as 8:00 e as 14:00 horas. BARRO: AGUDELO (OS CASAS, CONCELLO, FAXIL, GÜIMIL, MAGDALENA) PERDECANAI (PORTO ROMEU) VALIÑAS (ORTIGUEIRA) RIBADUMIA: SISAN (GÁNDARA).
Convocan as prazas de xuíz de paz titular e substituto de Barro
O Tribunal Superior de Xustiza de Galicia convocou as prazas de xuíz de paz titular e substituto de Barro despois de que o Concello non elixise ningún. Os interesados dispoñen de quince días para ofrecerse ao TSXG.
Caldas, Barro e Portas analizan o servizo do CIM
O Concello de Caldas de Reis acolleu hoxe unha reunión de políticos e técnicos para valorar o servizo do Centro de Información á Muller (CIM). Segundo comentaron fontes municipais, ao encontro asistiron os alcaldes de Caldas, Portas e Barro (Juan Manuel Rei, Víctor Estévez e Xosé Manuel Fernández Abraldes) e as técnicas que integran o servizo. Destacouse o labor «magnífico» e a «calidade» do servizo. En canto á renovación do convenio de colaboración para a prestación do CIM en Barro e Portas, Caldas propuxo a eses concellos un incremento de 1.600 a 2.000 euros anuais. Os dous regidores comentaron que o tiñan que consultar con Tesorería, «xa que a estas alturas dos orzamentos estaban pechados». «Van facer todo o posible, xa que a calidade do servizo do CIM e a cidadanía o merece», apuntaron desde o goberno de Caldas.
CONCERTO DE GUSTAVO ALMEIDA
Prisión por provocar un accidente en Curro baixo os efectos de sete tipos de drogas
Un delito de condución temeraria que absorbe ao de condución baixo os efectos das sustancias estupefacientes en concurso con dous delitos de lesións por imprudencia grave e con outro de condución sen permiso. Esa é a cualificación xurídica definitiva dos feitos cometidos por un individuo multirreincidente que provocou un accidente de tráfico en Curro (Barro) logo de saltarse un stop, conducir en sentido contrario e encaixarse de fronte contra outro vehículo, todo iso baixo os efectos de ata sete sustancias estupefacientes. Os feitos tiveron lugar o 5 de maio de 2014.
A sentenza relata que o agora condenado, penado a dous anos de prisión e á retirada definitiva do carné, circulaba co seu vehículo logo de consumir cocaína, benzoilecgonina, morfina, codeína, acetilmorfina, metadona e lorazepán no término municipal de Barro, cando realizou un xiro prohibido, atravesou os dous carriles e provocou o citado accidente con dúas persoas feridas.
MAIS INFORMACIÓN PREME NO ENLACE:
NOTICIAS DE BARRO 