Os concellos de Barro, Cuntis, Moraña e Portas puxeron en marcha a comezos desta semana o acordo para traballar conjuntamente no Proxecto de prevención da Drogodependencia e condutas adictivas. E xa chega a primeira actividade: un concurso de debuxos escolares sobre hábitos saudables.

Devandito certamen, que celebra a súa segunda edición, consistirá na elaboración individual e durante o horario escolar de debuxos saudables. Estes realizaranse ao longo do mes de febreiro e marzo. A data límite para a realización dos mesmos é o 16 de marzo.

Posteriormente os debuxos serán entregados ao xurado de cada un dos concellos para que elixan o debuxo ganador. Será aquel que reflicta da mellor forma os hábitos saudables e valores “prosociales” traballados previamente na aula.

Unha vez coñecida a deliberación do xurado, informarase aos centros da resolución e achegarase o debuxo ganador como fondo do díptico informativo sobre a saúde que se repartirá entre o alumnado de 2º e 3º de Primaria durante a Semana da Saúde, o 7 de abril.

Amenizado por. Ana Angueira. 

DesTAPA o Entroido. Ruta gastronómica.

A Consellería do Medio Rural mantén aberta a convocatoria de subvencións con fondos europeos do programa Leader para proxectos ao amparo dos Grupos de Desenvolvemento Rural (GDR), que no caso do de Pontevedra-Morrazo contará cun orzamento para este ano de 716.311 euros.

Así o comunicaron este mércores nunha rolda de prensa celebrada no Concello de Pontevedra, na que se fixo balance da xestión da anualidade pasada nunha comparecencia participada polo alcalde da capital e o rexedor de Ponte Caldelas.

Explicou que o Leader é unha medida destinada a favorecer a ocupación do rural, a creación e o mantemento do emprego, a mellora do nivel de vida e incentivar a actividade económica.

Segundo informaron este mércores, durante o pasado ano subvencionáronse 13 proxectos cun montante total de 876.555 euros de fondos públicos, que sumados ao investimento privado ha suposto un movemento económico de máis de 2,3 millóns de euros.

O maior orzamento de todos os proxectos foi para a ampliación dunha empresa instaladora de enerxía solar en Barro, que alcanzou os 640.728,95 euros dos cales se concedeu unha axuda de 42%.

Houbo tamén axudas para a creación deespazos biosaludables na Portela, no municipio de Barro, por 53.054,27 euros.

http://pontevedraviva.com/xeral/43289/gdr-pontevedra-morrazo-repartira-716311-euros-ayudas-publicas-proyectos/

Un ano máis os Concellos de Barro, Cuntis, Moraña e Portas firman un Convenio de colaboración para o desenvolvemento do Proxecto de Prevención das Drogodependencias e Outras Condutas aditivas no eido local. Dito proxecto desenvolverase ao longo dos anos 2017-2019, e será cofinanciado pola Direción Xeral de Saúde Pública (Consellería de Sanidade).

Dito programa comezouse a aplicar no ano 2007 debido á gran sensibilización que dende os grupos políticos existe sobre a promoción da saúde e a prevención das drogodependencias entre os/as seus/súas cidadáns/ás. Este novo período extenderase dende o 22 de xaneiro de 2018 ao 30 de xuño de 2019.

A través deste programa inténtase dar resposta a un dos grandes problemas aos que se enfronta a sociedade actual, as condutas aditivas, que afecta non só á saúde das persoas directamente implicadas no consumo de drogas, senón tamén ao benestar de toda a comunidade.

Para afrontar esta problemática, dende o Proxecto de Prevención das Drogodependencias e Outras Condutas Aditivas dos Concellos de Barro, Cuntis, Moraña e Portas, levaranse a cabo varias intervencións que teñen como obxectivo minimizar a influencia dos factores de risco e potenciar os factores de protección ante o consumo de drogas. Para iso, realizaranse en varios ámbitos (escolar, familiar, comunitario, laboral e xuvenil) un conxunto de accións destinadas a reducir e/ou retrasar o abuso de drogas, e, no caso de terse producido, minimizar as súas consecuencias negativas.

O contacto coa especialista encargada da aplicación do Proxecto de prevención das condutas aditivas para solicitude de información sobre a temática realizarase a través de:

Os Servizos Sociais dos Concellos de Barro, Cuntis, Moraña e Portas, ou directamente no Centro de Formación Ocupacional A RAN, Polígono Industrial A Ran S/Nª Cuntis (Tlf.: 695579800).

A Xunta de Goberno da Deputación de Pontevedra aprobou este venres unha achega económica para unha decena de municipios dentro dos fondos do Plan Concellos 2018.

En concreto trátase de fondos correspondentes á liña 3 de actuación, é dicir, á destinada ao fomento do empregopara a conservación e funcionamento de bens e servizos municipais.

Desta forma concellos como os de Poio, Barro, Caldas de Reis, Cambados e A Illa na comarca ademais dos de Pontecesures, Ponteareas A Guarda, Rodeiro e Tomiño recibirán máis de 1,7 millóns de euros para a contratación de 200 persoas.

Máis polo miúdo, Poio dispoñerá de 234.617,87 euros para incorporar 31 traballadores para postos como oficiais de limpeza e servizos múltiples, albanelaría, electricista, dinamización cultural, conserxería, traballo social, atención turística ou auxiliares de clínica.

En Barro a achega é de 96.713,18 euros para a contratación de 13 persoas para transporte, conserxería, albanelaría, conservación de parques e xardíns e animación sociocultural, mentres que en Caldas de Reis destinaranse 160.735,42 euros para empregar a 10 persoas en tarefas como a condución de máquinas, obras públicas e limpeza.

-Unha decena de locais de hostelería participan na nova campaña de dinamización local “Destapa o Entroido”

-Tamén se pon en marcha a segunda edición de “Eu quero Entroido” entre 17 comercios do municipio.

O Concello de Barro aumenta as actividades do Entroido e este ano pon en marcha unha nova campaña de dinamización da hostelería local, baixo o nome de “Destapa o Entroido”.

Unha ruta gastronómica, organizada pola Concellería de Promoción Económica, que se desenvolverá os días 16, 17 e 18 de febreiro e que terá connotacións diferentes aos tradicionais eventos deste tipo.

Nela poden participar todos os establecementos de hostelería do municipio pero serán os propios hosteleiros os que decidan se elaboran unha ou dúas tapas e se son doces ou salgadas.

Ademáis, os locais tamén decidirán as datas e horarios nos que servirán ao público as súas propostas gastronómicas, así como o prezo de cada tapa.

“Destapa o Entroido” terá tamén premios para os clientes, que por cada consumición das tapas recibirán unha papeleta para depositar na urna do establecemento correspondente e entrar nun sorteo.

Cada local participante disporá dun lote composto por lacón e chourizos, que será o agasallo a sortear por cada establecemento o 20 de febreiro ás 20 horas.

É dicir, que haberá tantos gañadores como locais participantes.

Ademáis da Ruta Gastronómica, o Concello organiza un ano máis o concurso de ambientación do Entroido e Día dos Namorados denominada “Eu quero Entroido”, da que formarán parte 17 comercios do municipio.

Nesta segunda campaña, os establecementos participantes deben realizar intervencións artísticas ou decorativas nos seus escaparates e fachadas e mantelos dende o 6 ata o 18 de febreiro.

A mellor decoración será premiada cun importe de 200 euros.

Asimesmo, os clientes recibirán por cada compra unha papeleta para entrar no sorteo dun lote de lacón e chourizos en cada local participante.

O sorteo tamén se celebrará o día 20 de febreiro ás 20 horas.

O Alcalde Xosé M. Fernández, o  tenente de alcalde, José Sanmartín, e a Concelleira de Promoción Económica, Lía Rodríguez, animan aos establecementos do municipio a participar nas campaña de dinamización local do Entroido.