boletín barro-nº17

Neste acto desmontaremos as mentiras deste sistema cruel e corrupto que nos condena ao empobrecemento, á emigración e á desesperanza.

O xoves pola noite celebramos o pleno ordinario deste mes. Antes de empezar tomaron a palabra membros da plataforma de afectados das preferentes e subordinadas.
Dende o BNG manifestámoslle o noso total apoio, para evitar o roubo que lle quere facer o goberno do PP. Os tres grupos da corporación aprobamos a moción que nos propuxeron dende a plataforma, e mesmo o alcalde se comprometeu con eles a deixar o PP se non lle devolvían todos os cartos aos afectados. O futuro dirá se cumpre a sua palabra.
Tamén foi aprobada por todos a moción do BNG, en contra de que se eliminen os xuzgados de paz e os rexistros civís.
No punto de “rogos e preguntas”, o BNG pediu que se proceda a reparación de pistas do concello que están nun estado lamentable, así como ao desbroze de todas elas.
Tamén solicitamos que se cambie a sinalización incorrecta que hai en varias das estradas que discorren polo concello.
Con respecto ao intento de legalizar a casa da Comunidade de montes da Portela, pedimos que xa que se gastaron un feixe de cartos veciñais nuha obra ilegal ( POR CULPA DE QUEN O FIXO E MÁIS DE QUEN O CONSENTIU), que no proceso da posible legalización da mesma, que se teña o máximo respecto pola legalidade, sin buscar atallos nin facer chapuzas.

O próximo sábado 27, imos celebrar un acto informátivo sobre as PREFERENTES en Barro. Será na biblioteca as 21 h.
Tanto as persoas afectadas, como todas aquelas que teñan interese en saber algo máis desta estafa, tedes a oportunidade de vir a escoitar a Xulio Vicente, portavoz da Plataforma de Afectados do Baixo Miño, e unha das persoas máis activas na loita por recuperar os aforros de tantos miles de estafados e estafadas.

http://noticiasbarro.com/category/bng-de-barro/

Sr. Alcalde:

O abaixo asinante, Xosé Manuel Fernández Abraldes, portavoz do BNG no concello de Barro presenta a seguinte MOCIÓN referida ao apoio aos veciños e veciñas de Barro afectados polos desafiuzamentos

 EXPOSICIÓN DE MOTIVOS:

1. Un dos efectos máis perversos da situación económica que estamos a sofrer é o grande número de familias que están a perder as súas vivendas ao quedar tanta xente sen traballo.
2. A Lei hipotecaria española está feita unicamente para beneficio dos bancos, de maneira que, ademais de botar ás familias das súas casas cando non poden pagar as súas hipotecas, as débedas cos bancos siguen existindo, xa que nin PP nin PSOE cambiaro a Lei para que a débeda quedase cancelada ao entregar a vivenda.
3. No momento actual resula totalmente inhumano boar á xente á rúa cando non paga porque non pode, mentres ao bancos se lle dá toda a axuda que precisen para superar os seus problemas económicos.
4. Ante este problema social tan grave, as administracións públicas teñen a obriga de facer todo o que este nas súas mans para tentar axudar ás persoas afectadas polos desafiuzamentos.
5. Unha das iniciativas que adoptaron algúns concellos foi o de chegar a acordos co colexio de avogados para que asesoren de balde ás persoas afectadas, xa que se non teñen cartos para pagar a hipoteca, menos o teñen para pagar avogados que os defendan dos bancos.
6. Un dos concellos que asinou o acordo co colexio de avogados foi o de Pontevedra. Moitas das persoas que se achegaron a ese servizo para pedir información son veciños e veciñas do noso concello, polo que non puideron prestarlle a atención necesaria por non estar censados no concello de Pontevedra.

Por iso, o grupo municipal do BNG solicita do Pleno da Corporación municipal a adopción do seguinte

ACORDO

1. O concello de Barro asinará un convenio co colexio de avogados para o asesoramento e a defensa de balde dos veciños e veciñas afectados por desfiuzamentos.

Barro a 5 de abril de 2013

Sr. Alcalde:

O abaixo asinante, Xosé Manuel Fernández Abraldes, portavoz do BNG no concello de Barro presenta a seguinte MOCIÓN referida ao apoio aos veciños e veciñas afectadas polas Participacións Preferentes e Obrigas Subordinadas

 EXPOSICIÓN DE MOTIVOS:

1. As participacións Preferentes e Obrigas Subordinadas foron comercializadas para as persoas que eran pequenas aforradoras, ocultándolles información e, na maioría dos casos, facéndolles crer que se trataba de produtos seguros, identificados coma depósitos a prazo fixo, e sen facelas partícipes dos riscos inherentes a este tipo de produtos financeiros e recuperábeis en calquera momento.
2. A neglixente comercialización das Participacións Preferentes e Obrigas Subordinadas foi recoñecida pola propia entidade financeira que, a través dun proxecto repartido nas súas oficinas, facía un recoñecemento público dos seus erros, solicitando o perdón ás persoas afectadas, e comprometéndose a buscar unha solución.
3. O certo é que estas persoas vense privadas dos seus aforros no momento en que máis necesidade teñen deles. A situación de crise que está a vvir o país está levando a que as familias afectadas, privadas dos seus aforros e, en moitos casos, con parte dos seus membros en situación de desemprego, se atopen nunha situación desesperada, que recurre dunha resposta a curto prazo que supoña un alivio para un padecemento inxusto e inxustificado. Asemade, atendendo ás xustas demandas dos afectados, entendemos que deben depurarse , no eido xudicial, as responsabilidades dos altos cargos directivos que se deriven da neglixente comercialización de Preferentes e Obrigas Subordinadas, instando aos poderes públicos a tomas as oportunas medidas pra esclarecer as responsabilidades derivadas dos actores principais do masivo engano perpetrado contra os aforradores galegos, e que devolvan as indemnizacións e paguen aos afectados.
4. Nestes intres e, toda a vez que NGB depende integramente do FROB, máis que nunca, a solución a esta problemática é política.

Por iso, o grupo municipal do BNG solicita do Pleno da Corporación municipal a adopción do seguinte

ACORDO

1)    Solidarizarse cos veciños e veciñas de Barro e do resto do País afectados pola estafa das Participacións Preferentes e Obrigas Subordinadas

2)    Instar á Xunta de Galiza a que esixa do FROB e do Goberno español a anulación da orde que aplica quitas inxustas ás persoas afectadas por Participacións Preferentes e Obrigas subordinadas.

3)    Instar ao Banco de España, ao Ministerio de Economía, á Comisión Europea e ao FROB, á Xunta de Galiza e a NGB a que continúen resolvendo, a través da Arbitraxe de Consumo, todas as reclamacións presentadas en relación á comercialización de Participacións Preferentes e Obrigas Subordinadas por CGB, até a resolución definitiva de todas elas e se dea contestación a todas as solicitudes presentadas.

4)    Instar ao Goberdo Español a que determine a non aplicación da Lei 9/2012 a todas as persoas afectadas pola comercialización neglixente de Participacións Preferentes e Obrigas Subordinadas de NGB.

5)    Solicitar a gratuidade dos procesos xudiciais para todas as persoas afectadas pola neglixente comercialización de Participacións Preferentes e Obrigas Subordinadas de NGB, que se vexan na obriga de reclamar ante os Tribunais ordinarios, así como axilizar os procesos xudiciais mediante a súa tramitación como xuizos rápidos.

6)    Intar ao Goberno español e á Xunta de Galiza a que, no ámbito das súas respetivas competencias, adopten todas as iniciativas pertinentes para a devolución inmediata dos aforros ás persoas afectadas polas Participacións Preferentes e Obrigas Subordinadas.

Barro a 4 de abril de 2013

Asdo: Xosé Manuel Fernández Abraldes

Sr. Alcalde:

O abaixo asinante, Xosé Manuel Fernández Abraldes, portavoz do BNG no concello de Barro presenta as seguintesPROPOSTASpara unha alegación conxunta de todas as forzas políticas e sociais ao proxecto da A-57 de Pilateiros a Curro

1. A alternativa 3, escollida polo ministerio de Fomento para o último treito da A-57, deseña a súa conexión co macronó de Curro cruzando todo o val, dende a AP-9 até o lugar de Outeda, anulando a actual rotonda a carón da igrexa para enlazar co que agora é un treito da PO-531.
2. A intención de construir esta autovía polo medio da zona urbana, no punto de tráfico máis sensíbel de toda a parroquia de Curro, supón ir en contra de todas as iniciativas levadas a cabopolas forzas políticas e sociais para conseguir que toda esa zona se humanice e se logre unha mellor convivencia entre o tránsito peonil e o tráfico rodado.
3. A alternativa 3 supón tamén anular o treito da PO-531 entre a rotonda da igrexa e o macronó, de xeito que todo o tráfico da PO-531 tería que volver pasar pola estrada vella de Outeda.
4. A conexión da A-57 co macronó proposta na alternativa 5 resulta a máis lóxica e menos agresiva tanto para a zona urbana como agraria da parroquia, xa que se realiza no treito que conecta a entrada da AP-9 co macronó, o que o alonxa d a zona urbana e non atravesa todo o val de Curro.
5. A proposta de máis impacto desta alternativa 5 sería o novo enlace que se propón da AP-9 coa A-57. Un enlace que, ao noso entender, non ten porque construirse desa maneira, xa que o lóxico é que dita conexión se realice no mesmo macronó, evitando o impacto dese hipotético enlace novo nas propiedades agrícolas, e producindo, ao mesmo tempo, un evidente aforro económico.

Barro a 3 de abril de 2013

Asdo: Xosé Manuel Fernández Abraldes

Ao longo das súas 3 décadas de existencia, o Bloque Nacionalista Galego conformouse como o principal portador do proxecto nacional galego, como o referente político daqueles sectores do noso pobo que conciben Galiza como nación e que a queren libre, sen máis límite que o resultante da súa propia vontade.

http://www.sermosgaliza.com/

https://www.facebook.com/bng.debarro

MEMBROS DO BNG DE BARRO NA XIV ASEMBLEA NACIONAL