CHARLA SOBRE SÁUDE e ENVELLECEMENTO ACTIVO

BAROSA Ac.

Este luns ás 19:00 temos unha charla sobre SÁUDE e ENVELLECEMENTO ACTIVO.

A charla enroca co taller de memoria e servirá de introducción, trataranse os mitos entorno a vellez, os cambios que se producen coa vellez e tamén se falará de como previr o deterioro físico e cognitivo.

A charla é gratuita e está aberta a todas as persoas que teñen un oco para ir escoitar e aprender.

barosa ac

‘A Barosa’ quere reconstruír a historia gráfica das parroquias

diario pontevedra

1

Despois de dixitalizar parte do Arquivo Reinaldo, a asociación pide colaboración
para que as familias acheguen fotos históricas

BARRO, 1950. No taller de Porráns, Reinaldo Constenla coloca o seu aparello fotográfico diante doutro enxeño de gran tamaño a medio facer. Dous traballadores con peto de tirantes e remangados martelan na peza metálica ao tempo que sorrín e un engaravatado director de traballo supervisa atento. Trátase de José Moldes Castro, persoeiro relevante de toda a comarca e máis do municipio en cuestión, que observa como se constrúe o que foi o primeiro prototipo de coche galego, saído do seu maxín, que chegou a circular polos carreiros da comarca durante tres anos e que ten unha historia propia que merece un capítulo aparte.

Pero ese momento, o da construción, é un fito memorable da historia do municipio e todos os veciños que se precien de selo coñéceno.

Poden lembralo porque, para aquel momento de 1950, o concello contaba cun fotógrafo propio, Reinaldo Constenla, da parroquia de Barro que, incansable, acudía alí a onde o chamaban para inmortalizar os máis dispares capítulos ou ben os retrataba pola súa conta e despois os vendía a clientes impresionados e satisfeitos polas estampas de Reinaldo. Os capítulos eran do máis diferente, podían abordar o ben que quedaran os palleiros despois da malla; o avance dos traballos de desmonte e extracción de granito nunha canteira local; as festas populares, ou, como non, a chegada do primeiro aparello de televisión ao municipio.

O legado de Reinaldo foi herdado polo seu fillo, que o custodia con mimo aínda na súa mesma casa, no municipio de Barro, pero que non fixo por difundilo. Quen se acordou do valor que podían ter todas esas estampas atesouradas durante décadas de vida foron os membros da asociación cultural local A Barosa, que no ano 2008 comezaron, co permiso do descendente do fotógrafo, o proceso de dixitalización de parte do seu extenso arquivo.

O herdeiro de Reinaldo cedeu para o traballo todas as fotos de papel, unhas 500, que foron rexistradas dixitalmente en dúas fases, en dous anos consecutivos. «Actualmente temos sobre 500 imaxes, as que o fillo de Reinaldo nos deixou, pero o arquivo ten moitísimas fotos máis, aínda que só en negativos», explica o presidente do colectivo, Iván Bello.

A raíz daquela inmersión tan directa na historia de Barro entre 1950 e 1970, os membros da asociación arranxaron unha publicación e tamén editaron un audiovisual que se pode consultar en youtube no que se fai unha escolma do seu traballo nese tempo.

A iniciativa foi un éxito, pero eles consideran que obrou tamén un cambio na xente do municipio e na súa forma de entender a relación cos documentos gráficos, que ademais de ser vistos como recordos familiares comezaron a aparecer ante os ollos de todos como pezas de certo valor para preservar o recordo do tempo que foi.

O resultado é que os membros desta asociación decidiron abordar unha nova fase máis ambiciosa do proxecto Barro en Imaxes. Agora queren ir por parroquias e recoller as estampas que as familias queiran achegar para o fondo dixital.

Iván Bello, o responsable da asociación, explica que «agora o traballo non versa sobre o arquivo dunha única persoa, senón que serán todas as fotos gardadas a nivel individual as que xuntemos para crear unha base de datos que nos permitiría construír a historia de cada parroquia individualmente, de modo que, xuntas, amosen a historia do concello». MÁIS E MELLOR. O plan, que funcionará na medida en que, voluntariamente, os veciños se impliquen na busca dos seus recordos persoais e na cesión dos mesmos un tempo, para que poidans ser escaneados e arquivados, terá una doble vertente. Ao mellor aparecen novos traballos de Reinaldo que o propio fotógrafo deixou só en negativo; e ao mellor aparecen obras doutros autores da mesma data ou anteriores que acheguen novas instantáneas do que puido ser a vida neste concello no século pasado.

A maiores, o feito de abordar arquivos familiares e persoais, permitirá ampliar o abano histórico do proceso de documentación, de modo que tamén poderá incluír fotos posteriores aos anos 70. Ademais, isto pode permitir, se a colaboración chega aos niveis desexados, que se acaden mellores documentos e máis variados e que se poida traballar con máis intensidade na historia particular de cada parroquia. COMO CONTACTAR? O proceso porase en marcha nos próximos meses e os membros da asociación contan con que o resultado das dúas anteriores fases de ‘Barro en imaxes’ sirvan para ir abrindo as portas de cada fogar e conseguir boa colaboración. De momento, según explica o propio responsable do colectivo «se alguén está interesado en aportar axuda ao proxecto poderase poñer en contacto con nós a través da nosa páxina web (www.asociacionbarosa.org), facebook (Asociación-Cultural-barosa/) ou email (barosa.ac@hotmail.com)».

Dependendo do nivel de participación acadado irase desenvolvendo o plan en fases temporais, de modo que, de momento non existe un prazo para a recollida de imaxes, e tampouco se sabe moi ben cando finalizará. O que si é máis que probable é que esta nova andaina dea coma froito unha publicación a modo de escolma ou algún audiovisual semellante aos dous que xa se poden atopar na rede e nos que van desfilando, un a un, os momentos e estampas de ‘Barro en Imaxes’.

A AC Barosa arrinca a segunda parte do proxecto “Barro en imaxes”

A AC Barosa dá comezo á segunda parte do proxecto “Barro en BAROSA 25 ANOSimaxes”, agora centrado en cada unha das seis parroquias. Conscientes de que co decorrer dos anos vaise perdendo a memoria dos nosos maiores, da súa forma de vida e da nosa identidade, a AC Barosa botou a andar fai uns anos o proxecto “Barro en imaxes”, co obxectivo de recuperar a nosa memoria gráfica, no convencemento de que a difusión das fotografías que se gardan nos caixóns, moitas veces esquecidas, son uns documentos inmellorábeis para o coñecimento da realidade que nos precede, e que a maioría de nós xa non chegamos a coñecer.
Este proxecto iniciouse coa recuperación do “Arquivo Reinaldo”, queavo tivo unha grande acollida por parte da veciñanza de Barro. O traballo feito na recuperación e difusión dese arquivo, servíu para que moitas persoas tomaran consciencia da importancia das fotografías que teñen nas súas casas e que nolas ofreceran para poder compartilas co resto dos veciños do noso concello, axudando así a mellorar o coñecimento da forma de vida das xeracións pasadas e o recordo de moitas persoas que xa non están con nós.
Por iso agora a AC Barosa vai pór en marcha a segunda parte deste proxecto que consitirá na recuperación da memoria gráfica de cada PARROQUIA (por separado) e para iso faremos unha recollida sistemática dos arquivos de todas aquelas familias que queiran colaborar no proxecto, concientes de que serán moitas, para poder ter unha visión máis completa do que foi a realidade de cada parroquia.
Engado un número de teléfono por se se quere ampliar información: 662160561 (Iván)
Recibe un saúdo solidario
Iván Bello Ferreiro
Presidente Asociación Cultural Barosa

CURSO DE RISOTERAPIA

Volvemos ter risoterapia!

A risoterapia é unha técnica psicoterapéutica para producir beneficios mentais e emocionais a través da risa. Para participar só hai que cumprir un requisito imprescindíbel: saber rir.

Alén dos teléfonos, podes anotarte no mail barosa.ac@gmail.com ou contactar a través do facebook.

RISOTERAPIA

TALLER DE MEMORIA

BAROSA.[TALLER DE MEMORIA]
Como tod@s sabemos, a memoria é unha das principais funcións cognitivas que se vai deteriorando coa idade. Sen embargo, é posíbel frear ese desgaste a través do exercicio desta. Posto que moitas persoas maiores, e non tan maiores, se queixan dos seus frecuentes esqueceentos e despistes, pomos en marcha un taller de prevención da pérdida de memoria.

O taller está orientado a persoas maiores de 60 anos, mais poden ir persoas de calquera idade. Será impartido por unha psicóloga especialista nesta área.

Alén dos teléfonos indicados, podes anotarte no mail barosa.ac@gmail.com ou a través de facebook.

taller de memoria

A A. C. Barosa celebrou as súas vodas de prata con Barro

diario-pontevedra
Integrantes dá Asociación Cultural Barosa, veciños e amigos celebraron  cos membros deste colectivo os actos preparados polo XXV aniversario do mesmo, unha cerimonia na que houbo un sitio para repasar as actividades máis destacadas de difusión cultural e participación e reivindicación veciñal e na que se deu substitución na directiva dá asociación.
Roberto Rivas e ou seu equipo déixanlle paso a Iván Belo Ferreiro coa esperanza de que esta nova singradura achegue novidades refrescantes ao panorama cultural do municipio e dea continuidade a un traballo que foi loubado por todos preséntes  no encontro. A Asociación Cultural Barosa foi fundada non 1987 e é un dous colectivos máis senlleiros que perviven non municipio de Barro.
barosa

25 ANOS DA ASOCIACIÓN CULTURAL BAROSA

barosa

Este sábado, día 23, ás 20:30 h. no noso local da Estación da Portela nº 20 vai ter lugar un acto de conmemoración dos primeiros 25 anos Asociación Cultural Barosa.

25 anos de dinamización da vida social e cultural de Barro, a través de innumerábeis actividades: concertos, exposicións, excursións, cursos, xornadas micolóxicas, magostos, festa do cabalo, actividades de animación para nenos, recuperación da nosa memoria, protección e posta en valor do noso patrimonio, recuperación do fondo fotográfico de Reinaldo a través do proxecto Barro en Imaxes, etc.

Este sábado non só imos celebrar os 25 anos de existencia da asociación, facendo un repaso somero das actividades realizadas ao longo de todo este tempo, senón que agradeceremos o compromiso de todos aqueles veciños e veciñas que co seu traballo desinteresado ou coa súa participación nas actividades fixeron posíbel chegarmos a cumprir un cuarto de século. Queremos que esta celebración sirva tamén para abrirmos unha nova e ilusionante etapa, que terá continuidade co feito até agora, mais tamén servirá para acometer novos proxectos de futuro.

Imos aproveitar tamén este acto para inaugurar a nosa biblioteca e presentar publicamente a nova directiva da asociación, presidida por Iván Bello Ferreiro, que vén coller o relevo de Roberto Rivas Reboredo, que a presidíu ao longo dos últimos anos.

barosa barro

barosa

CONVITE. ASOCIACIÓN CULTURAL BAROSA

barosa

Na Asociación Cultural Barosa estamos a celebrar os nosos primeiros 25 anos. Foron moitas as actividades realizadas ao longo de todo este tempo, e moitas as persoas que nos axudaron a organizalas ou que participaron nelas.
Este sábado 23 ás 20:30h imos celebrar un sinxelo acto no noso local da Estación da Portela, para facer un repaso por todos estes anos de historia da asociación e tamén para iniciar unha nova etapa, que terá continuidade co xa feito até agora, mais tamén servirá para acometer novos proxectos de futuro.
Se queres acompañarnos neste día tan importante para nós, agardámoste.

barosa barro

 

DÍA DA MÚSICA EN BARRO

barosa

musica barosa

CONVITE. ASOCIACIÓN CULTURAL BAROSA 25º Aniversario

barosa

barosa barro

MAGOSTO POPULAR NA PORTELA

magosto popular

Outono na Asociación Barosa

barosa-outono

BAROSA CUMPRE 25 ANOS

Alá polo ano 1987 un grupo de mozos e mozas de Barro con inquedanzas e arelas de divulgar a nosa cultura, a nosa historia, de coñecer a nosa xeografía, e ao mesmo tempo dinamizar a vida social do noso concello, decidiron crear a A.C.Barosa. Despois de madurar a idea, foi en Novembro do 1988 cando a A.C. foi legalizada e comezou a traballar de forma cotiá. Estamos a piques, polo tanto, de cumprir os primeiros 25 anos da formalización da Asociación.
Ao longo destes 25 anos foron moitas as persoas que traballaron na asociación, e foron tamén moitas as actividades organizadas, pero o máis importante é a incorporación de xente nova que vai facer que a Asociación Cultural Barosa siga cumprindo a súa función social polo menos outros 25 anos.

MAIS INFORMACIÓN:

PAXINA WEB: http://www.asociacionbarosa.org/

FACEBOOK: https://www.facebook.com/barosa.ac?fref=ts

NOVAS RELACIONADAS PUBLICADAS NESTE BLOG:http://noticiasbarro.com/category/asociacion-cultural-barosa/

BAROSA 25 ANOS

OBRADOIRO DE GLOBOFEXIA

Asociación Cultural Barosa ten avén convidar os nenos o Obradoiro de globoflexia
Venres 19 de xullo ás 20 h no local da Asociación

globoflesia

A REVISTA BAROSA EN PDF

barosa

A REVISTA BAROSA EN PDF

Nº 2 ANO 1990revistabarosanº2

BAROSA2

Nº 5 ANO 1997 revistabarosa5

BAROSA5