“De momento seguimos tendo auga, pero estamos coa incerteza de que en calquera momento déixannos sen ela e non nos podemos facer cargo do depósito como pretenden”. Desta forma resumía José Fernández, un dos afectados, a situación que están a vivir as 15 familias de San Amaro en Barro logo de que se cumprise o prazo de 12 días de advertencia por parte da empresa Sacyr de deixarlles sen subministración de auga se non se facían cargo do mantemento do depósito que a construtora realizou hai 8 anos tras secar os acuíferos da zona na obra da construción do túnel da AVE.
Se os afectados reclamaban que o alto custo do mantemento dos bombeos do depósito facía inasumible economicamente facerse cargo, agora engádeselle a ilegalidade da obra. O propio alcalde de Barro, Xosé Manuel Fernández Abraldes confirmaba aos veciños as súas sospeitas de que Augas de Galicia non ten constancia da existencia de tal subministración e que só se tramitou no seu día o permiso a captación dun manancial.
A efectos prácticos, isto indica que os veciños se han esta do abastecendo dun sistema non legalizado de distribución de auga. Na infraestrutura, o Administrador de Infraestruturas Ferroviarias (Adif), conta cun depósito de auga, necesario para utilizar no caso de que se produza unha emerxencia no interior do túnel, á que tampouco lle consta á autoridade competente.
“Quérennos entregar algo que non podemos asumir economicamente, que non nos compensa o servizo que tiñamos antes da obra e que ademais está ilegalizado”, comenta Fernández, o veciño afectado, que ve máis problemas na entrega deste depósito como sería a propia leira na que está situado. “O terreo é dun particular e no seu día mesmo o pagaron ben, pero en calquera caso non é noso”, sinala.
Mais información preme no enlace:
O vindeiro 7 de maio haberá un Encontro Aberto para falar do Proceso Adiante. Un encontro para falar do nacionalismo, analizar as súas eivas e achegar novos puntos de vista.
O Concello de Barro está realizando diferentes actuacións para mellorar a recollida municipal de lixo, entre as que está previsto que nos vindeiros días se instalen 30 novos colectores de orgánicos en varias zonas do municipio en sustitución dos actuais que se encontran en mal estado.
Ademais, está previsto aumentar o número dos recipientes específicos para o cartón e, froito dunha mellora conseguida na compra deses 30 colectores, a empresa Urbaser realizará unha limpeza de todos os depósitos de lixo e irá anclando contendores das illas de reciclaxe ao longo do ano. A serie de actuacións completarase coa adquisición de tres marquesinas.
Con estas medidas, a Concellería de Servizos, que dirixe José Sanmartín, avanza na idea de recuperar e reciclar como medida de aforro e así poder estabilizar os custes da recollida do lixo e o seu tratamento. Nunha decidida aposta pola compostaxe, o obxectivo é darlle aos veciños alternativas ecolóxicas para os residuos.
A decisión da Dirección Xeral de Tráfico (DXT) de instalar tres cámaras de vixilancia do uso 
do cinto e o móbil ao volante na N-541 (entre Pontevedra e Cotobade), na N-550 á altura da rotonda de Médico Ballina, e na autovía de Marín, elevará a rede deste tipo de dispositivos na comarca, que xa conta con polo menos unha ducia de cámaras e outro catro radares de velocidade.
Segundo a información oficial da DXT, no trinta quilómetros da AP-9 entre Caldas (quilómetro 110) e a entrada por Vilaboa na ponte de Rande (quilómetro 147) existen nove cámaras de control da circulación. Tres delas están situadas no municipio de Vilaboa, e xa en Pontevedra sitúanse á entrada da ponte da ría desde Salcedo (quilómetro 131), no nó de Bombeiros (129), e en Campañó (127). Ademais hai outra na Barca, en Poio (quilómetro 130) e outra máis no nó de Curro que enlaza a autoestrada coa autovía do Salnés (119). En Caldas contrólase con cámaras a ligazón do quilómetro 110.
A N-550 entre Pontevedra e Caldas conta con dúas destes aparellos, un deles na rotonda de Médico Ballina, onde se reforzará co control de cinto e móbil, e no quilómetro 90 entre Caldas e Valga. O nó do Pino é outro dos puntos vixiados con estes dispositivos, así como a conexión entre a PO-10 e a AP-9 en Salcedo. Pola súa banda, existe xa unha cámara na autovía de Marín á altura do nó de Mollabao, no seu quilómetro 1,3, pero a DXT programa outro cincocentos metros máis adiante, para sancionar as infraccións co cinto e o móbil. Este último apartado será o que tamén se controle na estrada de Ourense entre Pontevedra e Cotobade.
Ademais destes dispositivos, existen varios radares de velocidade na autoestrada en Mollabao, na N-550 e na N-541. A esta rede de cámaras súmanse as que están instaladas en estradas que non son de titularidade do Estado, como a autovía do Salnés (tamén con dous radares fixos) e as que manexa a Policía Local no centro urbano de Pontevedra.
Unhas 1.200 persoas tomaron a saída na Pontevedrada 2016, a marcha solidaria a pé entre a cidade e Santiago para fomentar a doazón de sangue, órganos e tecidos. A iniciativa abriuse na praza da Ferrería e concluirá ao longo desta mañá na praza do Obradoiro, en Santiago.
Unhas 1.200 persoas tomaron a saída na Pontevedrada 2016, a marcha solidaria a pé entre a cidade e Santiago para fomentar a doazón de sangue, órganos e tecidos. A iniciativa abriuse na praza da Ferrería, onde a marea vermella escoitou o testemuño de Ángela Lemiña Dacosta (no centro da imaxe), que contou que está viva tras recibir no 2015 dous pulmóns. Esta muller de 33 anos dixo que ela é o exemplo de que doar salva vidas. A Pontevedrada, que alcanza a súa sexta edición, realízase de noite con paradas en San Amaro (Barro), Caldas de Reis, Valga e Padrón. Remata no Obradoiro.
Dentro das actividades “Dándolle á lingua”, o Concello de Barro organiza o martes 3 e o 
xoves 5 de maio un Obradoiro de Conta Contos para adultos. Celebrarase de 19.00 a 21.00 horas e nunha actuación conxunta tamén o sábado 7 de maio ás 12.00 horas. Trátase dun obradoiro para proxenitores, mestres, monitores de tempo libre e persoas interesadas en aprender a contar un conto. Ademais o lunes 16 haberá una actuación teatral con entrada de balde, no salón da biblioteca de Barro.
NOTICIAS DE BARRO 