O BNG de Barro celebrará un acto público aberto este luns, 23 de novembro, ás 20:00 horas, no Centro Cívico de Barro, co obxectivo de presentar á veciñanza as propostas que defenderán nas Cortes do Estado de cara ás vindeiras eleccións xerais.
No encontro está prevista a participación dos seguintes representantes:
- Xosé Manuel Fernández Abraldes, alcalde de Barro.
- Xabier Monteagudo García, responsable local do BNG en Barro e candidato ao Congreso.
- María Obelleiro, candidata número 3 ao Congreso.
Desde a agrupación local sinalan que a presenza de Xabier Monteagudo na lista ao Congreso supón un recoñecemento ao traballo desenvolvido no municipio e destacan a importancia de contar con representación en Madrid para impulsar demandas locais, como a recuperación de frecuencias ferroviarias na Estación da Portela.
O acto é de acceso libre e aberto a todas as persoas interesadas.
NovasDeBarro #Barro #BNGBarro #ActualidadeBarro #ElecciónsXerais #APortela #Pontevedra
