Noticias de Barro

Extracto do pleno extraordinario celebrado o 13-08-2013.

“8.4.- Polo Sr. Alcalde, e en relación con escrito presentado polo Sr. Sanmartin no rexistro Xeral do Concello en data 29 de maio de 2013 no que se formulan 11 preguntas, e dado que algúnhas delas xa se lle habían contestado con anterioridade e outras supoñen sembrar dúbidas sobre a honorabilidade do Sr. Alcalde e da Xunta de Goberno Local, insultos e insinuacións insidiosas, vai dar traslado á Fiscalía do mesmo para que se depuren as responsabilidades penais correspondentes. Ademáis o escrito atópase colgado nas redes sociais dende maio coa intención de danar persoalmente ao Alcalde. Asimesmo manifesta que nin na vida nin na política vale todo, e que poderá haber xente tan honrada coma el persoal e políticamente pero dubida que alguén poida se-lo máis.

O Sr. Sanmartín Soto, rógalle ao alcalde non proceder a xudicializar a política, manifesta as súas disculpas públicamente se o contido do escrito non foi o máis axeitado ou puidese dar lugar a interpretacións non adecuadas. Asimesmo comprométese a retirar o escrito das redes sociais, volvendo a solicitarlle disculpas ao Sr. Alcalde.
A sesión rematou ó fio das vinteunha horas cincuenta e cinco minutos. Dou fe.”

13-08-13 (1)pleno en pdf