Programa de axudas de emerxencia social destinado ás familias ou persoas con dificultades económicas durante o Estado de Alarma provocado polo Covid-19.
Para a xestión das axudas deberán solicitar cita previa chamando aos teléfonos do Concello 986 617 227 ou 986 711 002.
Máis información no Bando da Alcaldía.
Concello de Barro
Ayuntamiento de Barro
Noticias de Barro
Concello de Barro
A Deputación de Pontevedra aprobou hoxe a cesión dunha oficina de 18 metros cadrados do viveiro de empresas de Barro a unha nova empresa de servizos da propiedade inmobiliaria. A comisión de seguimento do viveiro, que estivo presidida polo deputado, Carlos López Font e a deputada Eva Vilaverde, e que contou coa presenza do alcalde Barro, Xosé Manuel Abraldes, aprobou hoxe esta nova incorporación, ademais da prórroga da ocupación de tres naves e dúas oficinas de 25 metros cadrados.
A comisión aprobou a cesión dun espazo á empresa “Buscavivenda SL”, dunha oficina de 18 metros cadrados e as prórrogas de ocupación doutra oficina e dunha nave para Eurotec Inspección S.L. e das naves das empresas de Jose Manuel Camba e Jesús Manuel Moreira, e a oficina de Juan Aurelio Padín.
Segundo informou o deputado, Carlos López Font, neste intre a ocupación do viveiro de empresas e dun cen por cen nas naves e do oitenta e tres por cento das oficinas. De feito, so quedan dispoñibles tres oficinas de 18 metros cadrados e unha de vintecinco metros cadrados. Tamén están dispoñibles tres espazos de coworking de trinta e sete metros cadrados. Incluso unha das empresas que ten en concesión unha oficina de 25 metros cadrados está en lista de espera para optar a algunha das naves en caso de quedar libre.
O viveiro de empresas de Barro-Meis conta con 16 naves, 24 oficinas e 3 espazos de coworking con capacidade para 12 postos de traballo. Nel tamén están instalados os servizos de SmartPeme da comarca.
Barro ten inventariados, polo menos, nove petróglifos. E todos eles, segundo o colectivo A Forneiriña, atópanse “acubillados” pola maleza e non poden ser visitados.
Así, veñen de presentar unhadenuncia ante a Consellería de Cultura ante o “desleixo” polo patrimonio arqueolóxico dos titulares do monte no que se atopa e a “irresponsabilidade” das administracións pola falta de posta en valor do mesmo.
A Forneiriña explica que o petróglifo coñecido como Outeiro Codeso volveu a verse ameazado polo lume. Fixéronse desbravados nas inmediacións, deixando sen limpar as pedras con gravados que seguen rodeadas polo toxo e sen sinalización que facilite a súa localización. O outeiro no que están os petróglifos da Pedra Mirtada tamén segue cheo de maleza.
O conxunto de Castro Loureiro, pola súa banda, representa a estación máis salientable de Barro “mais non foi obxecto de ningún tipo de coidado e protección”. Traballos forestais levados a cabo na zona supuxeron, denuncian, un “serio risco” para a integridade das laxes e seguen pendentes de sinalización e do desbravado da vexetación que os oculta.
A todo iso súmase, segundo este colectivo, a “falta de implicación” da administración pola supervivencia e conservación do patrimonio arqueolóxico, impedindo a súa difusión.
Esta asociación recorda que é obriga dos concellos salvagardar o patrimonio cultural do seu territorio, polo que instan ao goberno municipal de Barro a que poña fin a esta situación.
http://pontevedraviva.com/xeral/43635/denuncian-dejadez-administraciones-petroglifos-barro/
AYUNTAMIENTO DE BARRO
Na doazon de sangue realizada o xoves en Barro houbo 17 doazóns en total, das cales duas correspondíase a duas que doaban por vez primeira. Moitas grazas.
Despois de ter investido máis de 750.000 euros, o Concello de Barro pechou o exercicio económico de 2017 cun superávit de 432.492 euros no remanente de tesourería, que agora se destinará á realización de novas obras e proxectos municipais.
Segundo os datos sobre a liquidación do orzamento municipal que o goberno local levou ao pleno ordinario da corporación, executáronse a totalidade dos investimentos previstos nas contas de 2017, aos que se sumaron outros proxectos financiados con 300.000 euros do remanente do ano anterior.
Para o alcalde, Xosé Manuel Fernández Abraldes, as cifras tanto do superávit como da execución dos investimentos son o resultado dun traballo “serio e eficaz”, tanto na xestión económica coma na tramitación e execución de moitos proxectos que serviron para a mellora dos servizos e os equipamentos, dos que a veciñanza xa pode disfrutar.
Unha “política económica rigorosa na xestión”, un método de contratación “transparente” e unha “política de aforro” no gasto corrente fan que as contas do Concello vaian mellorando pouco a pouco e aseguren a liquidez das arcas municipais, o que permite que o pago aos provedores municipais se realice cunha media de 17 días, moi por debaixo dos 30 que marca a lei.
De cara a este ano 2018, o goberno local comprométese a seguir coa mesma política económica, que lles permite “sacarlle o maior rendemento posible aos cartos públicos” e seguir mellorando os servizos e equipamentos municipais.
O remanente de 2017 dedicarase a obras e proxectos “financieiramente sostibles” que se adapten ás “condicións restritivas” que impón o goberno do Estado.
http://pontevedraviva.com/xeral/43104/barro-cerro-2017-superavit-mas-400000-euros/
NOTICIAS DE BARRO 