polígono industrial

Sequeiros disporá de nove naves modulares en 2016

Barro Deixar un comentario

diario_pontevedra

Luz verde para a construción de novas naves no polígono industrial de Sequeiros, en Barro, que no prazo de doce meses verá como varias novas empresas inician a súa andaina nestas instalacións. O alcalde, Xosé Manuel Fernández Abraldes, e a concelleira de Desenvolvemento Económico, Lía Rodríguez, mantiveron este mércores un encontro cos promotores. Na cita, dous dos empresarios que iniciaron o proceso para desenvolver a zona industrial, Ramón Moldes e Miguel Lago, presentaron parte do proxecto, que enfronta unha fase crucial: a construción de naves modulares que estarán a disposición das firmas nun semestre, segundo os seus cálculos.

 Moldes, que dispón doutra nave no polígono, é o responsable do plan. Na actualidade, ten unha actividade de gardería de caravanas en preto de 2.000 metros e outros espazos alugados a terceiras empresas. No futuro, porá no mercado catro novas naves construídas nun terreo de 5.000 metros e despois outras cinco que se desenvolverán na parcela de en fronte. O seu proxecto investidor supera con fartura o medio millón de euros. Ademais, unha terceira das empresas xa instaladas no lugar, Pomasa, ultima a edificación coa que ampliará as súas instalacións. O alcalde explicou que “estamos por axudar a esta iniciativa tramitando o máis rápido posible as súas peticións, e tratando de mellorar os accesos, agora que se vai desenvolver parte do solo”. Ao Concello tamén se lle solicitou axuda para implementar un punto de limpeza das autocaravanas, este mércores.
lia rodriguez

Dous mozos pontevedreses detidos por roubar gasóleo no polígono de Barro Meis

Barro Deixar un comentario

LOGO PONTEVEDRA VIVA BARRO

A Garda Civil detivo a M.S.P., de 22 anos de idade e a I.B.F., de 21, os dous veciños de Pontevedra, como supostos autores dun delito de roubo de gasóleo no polígono industrial de Barro-Meis.

Segundo informan fontes oficiais do Instituto Armado, os feitos sucederon na noite do pasado día 2 do actual, cando unha patrulla da Garda Civil de Caldas de Reis sorprende un dos detidos no interior do recinto dunhas obras de construción dunha nave no devandito polígono industrial, mentres o outro se fuxiu.

Estes dous mozos previamente romperan o valo perimetral e do depósito dunha pa mixta subtraeran combustible para unha garrafa duns 20 litros.

Pouco máis tarde procedeuse á detención do fuxido sendo os dous conducidos ás dependencias oficiais para a instrución das correspondentes dilixencias.

Os detidos, que carecen de antecedentes policiais, foron postos a disposición do Xulgado de Instrución número dous dos de Caldas de Reis.

http://pontevedraviva.com/xeral/18381/guardia-civil-barro-meis-robo-gasoleo-jovenes-pontevedra/

poligono barro

A depuradora do polígono de Barro-Meis terá un custo de 1,2 millóns

Barro Deixar un comentario

LOGO PONTEVEDRA VIVA BARRO

A Deputación de Pontevedra aprobou este venres, na súa xunta de goberno, a licitación dunha depuradora para o polígono industrial de Barro-Meis por 1,2 millóns de euros. A nova depuradora ubicaráse na parcela número 41 do polígono, que tén unha superficie de 1.973 metros cadrados.

Segundo informou en roda de prensa o vicepresidente da Deputación, José Manuel Figueroa, nas condicións da licitación figura que deberá ser unha planta de depuración con capacidade ampliable no futuro. E establécese que o caudal medio diario actual será de 23,8 metros cúbicos por hora e o caudal punta de horario actual de residuais de 80,2 metros cúbicos por hora. No futuro, a planta deberá posibilitar caudais medio diario de 47,6 metros cúbicos por hora e un caudal punta horario de 160,5 metros cúbicos por hora.

A realización da obra é precisa pola radicación en Barro-Meis dun importante número de empresas, que se incrementa coa compra por parte de Supermercado Froiz de 16 parcelas e 75.194 metros cadrados.

Figueroa destacou o interese crecente dos empresarios por este polígono industrial como demostra as frecuentes chamadas que atenden os técnicos provinciais de persoas que preguntan polo prezo do chan en Barro Meis.

Na actualidade, o polígono tén ocupados máis do 50% do seu chan industrial. Como novas empresas se interesaron polas parcelas, a Deputación ten aberto un periodo de enaxenación directa de parcelas ao prezo de 105 euros o metro cadrado. Este prezo era antes de 125 euros o metro cadrado. A Deputación oferta unha superficie aproximada de 130.000 metros cadrados.

http://pontevedraviva.com/xeral/17940/depuradora-barro-meis-poligono-licitacion-deputacion/

poligono barro meis

 

O polígono de Barro Meis acada o 50% de ocupación

Barro Deixar un comentario

LOGO PONTEVEDRA VIVA BARRO

A empresa Supermercados Froiz adquirirá 15 parcelas no polígono industrial de Barro-Meis e a firma de autocares Novas Rías, unha parcela de 1.800 metros cadrados situada no interior no parque industrial. Coas novas adquisicións, o parque industrial ten unha ocupación de 97.000 metros, preto do 50%.

Este luns tivo lugar na Deputación de Pontevedra a apertura dos sobres de referencias técnicas das ofertas presentadas para a adquisición de parcelas en Barro-Meis, unha vez concluido o plazo do concurso convocado.

A oferta de Supermercados Froiz é para a compra de 73.394 metros cadrados de chan industrial distribuidos en 15 parcelas ubicadas no espazo situado entre a autoestrada AP-9 e as cabinas de entrada hacia ela vindo dende a Autovía do Salnés.

O concurso convocado saldouse, pois, coa venda de 16 parcelas e un total de 75.194 metros cadrados. A esta cantidade de superficie enaxenada, hai que engadir 22.000 metros cadrados máis, xa adquiridos anteriormente por outras empresas, o que sitúa a cifra de metros de chan industrial vendidos no polígono de Barro-Meis en 97.194 metros. Isto supón unha porcentaxe de ocupación de preto do 50% pois o parque industrial ten unha superficie total de 261.000 metros cadrados á que hai que descontar o espazo ocupado por viais e outros servizos.

O vindeiro venres, día 14, abrirase o sobre C coa oferta económica presentada polas anteditas empresas e na sesión plenaria da Corporación Provincial que terá lugar o 28 de novembro será a súa adxudicación definitiva.

O PROXECTO DE FROIZ

O proxecto de instalacións de Supermercados Froiz nas parcelas de Barro-Meis inclúe dúas naves: unha de almacenamento de productos secos e outra, de productos frescos, que ocuparán unha superficie total de 26.000 metros cadrados.

Ademáis o Grupo Froiz proxecta un anexo á nave principal, para almacenar palés, de 3.500 metros; un edificio de comedor e vestiarios; instalacións de abastecemento de gasoil; un túnel de lavado de camións; e, entre outras construccións, zonas de axardinamento en torno ás naves, nunha superficie de perto de 4.000 metros cadrados.

MÁIS EMPRESAS INTERESADAS

En vista de que varias empresas se interesaron pola adquisición de parcelas, unha vez concluido o concurso antes mencionado e rematado o 3 de novembro, a Deputación estuda agora fórmulas para abrir un periodo de enaxenación directa de parcelas. Algunhas desas empresas gardan relación con tarefas complementarias da actividade de Supermercados Froiz pero, noutros casos, trátase de firmas relacionadas con outros sectores empresariais e industriais.

http://pontevedraviva.com/xeral/15834/supermercados-froiz-autocares-novas-rias-barro-meis-poligono-deputacion-pontevedra/

poligono barro meis