ALBARIÑO

Presentación Moraima Caíño 2013

Barro Deixar un comentario

moraima barromoraima barro viño

Mañá xoves 18 de setembro sairá ao público o novo proxecto de Viña Moraima S.Coop.Gal: Moraima Caíño 2013. Trátase dun viño monovarietal 100% caíño tinto amparado pola Denominación de Orixe Rías Baixas, do que só chegarán ao mercado, desta primeira colleita, 2229 botellas, resultado dun grande esforzo de recuperación de viñedo local, nalgúns casos centenario. En palabras de Roberto Rivas, Vicepresidente da cooperativa, a elaboración dun caíño era unha débeda pendente con Barro, onde tradicionalmente foi o viño máis recoñecido pola súa calidade, e a necesidade dun delicado cultivo e posterior vinificación.

A presentación terá lugar no Pazo da Crega, en San Antoniño, Barro (Pontevedra) a un quilómetro da sede da adega, onde Roberto Taibo e Cristina Yagüe, enólogos responsables da elaboración, explicarán o proceso de xestación do primeiro tinto de Viña Moraima. A recoñecida sumiller afincada en Lugo, Mercedes González, realizará unha cata comentada que poderá ser seguida por todos os asistentes á degustación. Os socios quixeron compartir este importante fito na súa pequena, mais intensa, historia como cooperativa, con hostaleiros, distribuidores e diversos cargos públicos.

Seguindo coa ampla presenza en medios sociais da adega, o evento poderá ser seguido tanto nas súas contas oficiais, como na dos blogueiros convidados ao evento, coa etiqueta #MoraimaCaíño.

moraima caiño

Viña Moraima de Barro acode a “España Select” en Bruxelas, un evento internacional de venda de produtos españois de calidade

Barro Deixar un comentario

. Moraima de Barro é a única adega que participará da D.O. RíasBaixas, representada por Gonzalo Reboredo.
. “España Select reune a un grupo selecto de produtores que colaboran en proxectos conxuntos de promoción e venda dos seus produtos alimenticios e bebidas mantendo unha exclusividade para a súa clase de produtos por CC.AA.
. O evento “España Select” forma parte da accións de promoción exterior da “Marca España”.
. Ademais o recoñecido “Leonor” incluído na Guía Michelin e restaurante español de referencia en Bruxelas, decidiu incluír a Moraima na súa carta de viños.

Bruxelas, 29 de Marzo de 2014. O albariño D.O. Rías Baixas participa no evento internacional “España Select” representado pola adega de Barro, Viña Moraima, que estes días se celebra na capital belga de Bruxelas.

“España Select reune a un grupo selecto de produtores que colaboranMORAIMA2 en proxectos conxuntos de promoción e venda dos seus produtos alimenticios e bebidas mantendo unha exclusividade para a súa clase de produtos por CC.AA. “España Select pretende servir como centro de coordinación de vendas a nivel mundial na comercialización de viños, aceites, carnes ou queixos, entre outros produtos

Gonzalo Reboredo que representa a Moraima neste certame internacional, quixo destacar a “oportunidade de que unha adega como Moraima que basea a elaboración dos seus viños na máxima calidade poida participar no maior proxecto de venda de produtos españois e galegos de calidade” en Bruxelas.

Para Moraima,”España Select“, supón un novo reto de promoción e MORAIMA3imaxe de marca, que vén potenciando con accións de mercadotecnia en todo o territorio nacional e internacional a través de eventos como Fòrum Gastronomic, na Feira do Viño e Alimentación Mediterránea ou Xantar Internacional ou eventos en locais da xeografía española con Diego Gallegos do “Sollo Restaurant, con Mercedes González de MEmbajadora ou Manuela Romeralo e Quique Dacosta en Vuelve Carolina.

Ademais grazas á estanza en “España Select“, o recoñecido “Leonor“MORAIMA incluído na Guía Michelin e restaurante español de referencia en Bruxelas, decidiu incluír a Moraima na súa carta de viños.

Para máis información sobre esta noticia contacten con:

Gonzalo Reboredo

Viña Moraima.
gonzalo.reboredo@adegamoraima.com
+34.607.330951

MORAIMA1

David Landín (fillo do alcalde de Barro) “O camiño dende o doutorado ao viñedo”

Barro Deixar un comentario

PORTADA faro-de-vigo

David Landín foi o autor da primeira tese doutoral centrada no albariño cultivado no Val do Salnés. Pero os seus anos de estudo e investigación remataron coa crise. A súa formación e experiencia leváronlle a lanzar ao mercado as primeiras catro mil botellas da súa propia marca de viño, o Pausa.

Tiña unha bolsa de investigación na Estación Experimental de Viticultura e Enoloxía de Leiro, en Ribadumia, ata que os recortes se cruzaron no seu camiño. “As bolsas de investigación rematáronse coa crise”, afirma David, que engade “Se non podes seguir nas liñas de investigación, ao final, o que adquiriches, tes que aplicalo na privada xa que coa Xunta non se pode”. Agora, tras acumular experiencia en diferentes adegas, lanzouse de cabeza ao seu novo proxecto persoal, o seu propio albariño.

Nun antigo terreo de monte situado na localidade de Briallos (Portas), propiedade da súa familia, reconvertida agora en terra de cultivo, David creou o seu viñedo. “O terreo está no corazón do salnés, pero o máis importante é o terreo, a súa orientación e as horas de exposición ao sol”, declara David, quen se mostra moi contento coa súa decisión, “traballo para outras adegas facendo exactamente o mesmo, pero neste caso a diferenza é que o viñedo é meu, a uva é miña, a marca é miña e todo mo fago eu sen ter que dar explicacións a ninguén”.

Na súa primeira anada obtiveron un total de catro mil botellas de “cien por cen albariño do noso viñedo, sen outro tipo de uva,” asegura David. O seu segredo non é outro que o traballo ben feito e unha pequena volta á vella escola do albariño “Neste viñedo volvemos un pouco máis ao tradicional. Por exemplo o aboamento que usamos, sempre é orgánico e ademais este terreo fai que se necesite sulfatar menos “.

Ao final, os anos de formación e estudo dan o seu resultado, que non é outro que unha materia prima de óptima calidade que non pasa inadvertida para ao resto de bodegueiros da zona. “A uva é realmente boa, de feito vendémoslle a varias adegas. Chegamos a vender ata o 80% da nosa produción”, afirma David, que non dubida en cualificar a súa experiencia como “moi grata”.

http://galego.farodevigo.es/

javier landin

XXXIV FESTA DO VIÑO

ImaxeBarro Deixar un comentario

festa do viño de barro