Acompañado do Xefe Provincial da AXI , Manuel Gonzalez Juanatey e do con concelleiro do Grupo Municipal do PP de Barro, Berto Diz, o candidato popular, Eduardo Ruadas visitou a parroquia de Curro.

A Axencia Galega de Infraestruturas ( AXI ), dependente da Consellería de Infraestruturas e Mobilididade da Xunta de Galicia, ten previsto acometer en próximas datas, a instalación de barreiras de seguridade nas vías de servizo existentes na contorna do punto quilómétrico 10+300 da PO-531 Pontevedra-Baion ( N-640 ), en Curro.

Con esta actuación mellorarase a seguridade vial na zona, impedindo que os vehículos que circulen por ditas vías de servizo poidan caer na PO-531.

  Unha vez instalada a barreira de seguridade, procederase a repoñer a malla de peche, actualmente deteriorada, na cabeza do noiro de desmonte, Para protexer e impedir a Baixa de fauna por dito noiro.

Esta mañá, o candidato Eduardo Ruadas mantivo unha reunión con César A. Pérez Ares, responsable da Xefatura Territorial de Educación de Pontevedra. Neste encontro, tratouse o estado das instalacións do CEIP Amor Ruibal, así como o futuro do IES de Barro. Un dos primeiros pasos será a xestión de ciclos formativos no IES, que atraerán a novo alumnado e aportarán novas posibilidades aos estudantes do concello. Ademáis, xestionarase a implantación da FP Dual, unha modalidade de formación profesional que combina a actividade formativa coa formación e actividade laboral en empresas. Desta forma, non só se verán beneficiados os usuarios matriculados, senón tamén o comercio e compañías

O Partido Popular de Barro pídelle ao goberno municipal a limpeza e mantemento das cunetas das vías de titularidade municipal, da parroquia de Constenla, así como das marxes da estrada que leva ao campo de fútbol.

Despois da reunión que mantivemos cos veciños desta parroquia, queremos trasladarlle o descontento da veciñanza polos problemas que padecen dende hai tempo, debido ao abandono e inacción por parte do noso concello.

A falta de limpeza e mantemento das cunetas, favorece que a auga que baixa pola estrada inunde as vivendas e garaxes en reiteradas ocasións sen que o concello tome ningunha medida para solucionar este problema dos veciños.

O Partido Popular de Barro reclama ao Goberno municipal,  que tome as medidas, necesarias en relación co estado as marcas vías nas rúas e vías de titularidade municipal, e dar cumprimento  ao Real decreto lexislativo 6/2015, do 30 de outubro, polo que se aproba o texto refundido da Lei sobre tráfico,  circulación de vehículos de motor e Seguridade vial.

En xeral o estado de visibilidade, por falta de pintado dos pasos de peóns das vías titularidade municipal , é moi deficiente, e nalgúns casos, estas marcas son practicamente invisibles en xeral e en especial en días de chuvia, escuridade, ou de condicións climatolóxicas adversas, co perigo que isto comenta para a integridade física dos peóns e resto de usuarios as vías municipais,  sendo esta responsabilidade do concello, segundo o artigo 7,7,7, do citado Real decreto lei 6/2015. 

E para poder dar cumprimento ao articulo 25, alínea (a), do mencionado Real decreto lexislativo, e que os peóns teñan garantida a súa prioridade , e en consecuencia a súa integridade física, deberíase á máxima urxencia, a proceder ao repintado de todos os pasos de peóns de titularidade municipal.

Tamén sería recomendable a vixilancia, e toma-las medidas sancionadoras correspondentes, sobre todos aqueles usuarios de vehículos, que usan as beirarrúas e demais zonas peonís para estaciona-les os seus vehículos, de forma que poñen en perigo a seguridade das persoas, e en especial aquelas con problemas de mobilidade reducida, ou menores de idade.

13, febreiro, 2023. Novas Xeracións constituíu unha nova xunta local en Barro, presidida por Víctor Oubiña, que lidera un equipo renovado e maioritariamente feminino, con seis mulleres e tres homes. Así, con el, forman a nova executiva xuvenil Tania Búa, José Manuel Formoso, Raquel García, Nadia Couso, Virginia González, Paula Silva, o concelleiro Alberto Diz e Carmen Saavedra. 

Esta fin de semana foi a presentación da agrupación xuvenil, nun acto ao que tamén asistiron o presidente provincial, Luis López; o presidente de NNXX de Galicia, Adrián Pardo; a presidenta provincial de NNXX, Ana Cristina Pérez Cabaleiro; os deputados nacionais Diego Gago e Juan Constenla; o deputado autonómico Fernando Pérez, así como o candidato á alcaldía e presidente da xestora local do PP, Eduardo Ruadas.

Víctor Oubiña amosouse ilusionado e dixo que forma parte dun novo equipo con moitas gañas, con moita forza, compromiso e que traballará arreo nesta nova etapa, apoiando a Eduardo Ruadas para acadar o maior resultado nas municipais de maio. En palabras de Oubiña, a constitución de NNXX de Barro “supón un paso moi importante, que marcará un antes e un despois para o partido, xa que a mocidade comeza a ter voz e voto. Traballaremos para que as cousas cambien no noso concello e Barro vaia polo bo camiño”. Ademais, dixo que “as portas están abertas para toda a mocidade que queira unirse ao noso proxecto”.

Nesta liña, afirmou que “hai ganas de cambio en Barro, e o único partido que ofrece unha alternativa real e seria para facelo é o PP”. Un partido que, dixo, nesta nova etapa “aposta como nunca o fixo antes pola mocidade, quere que os máis novos se involucren, traballen e fagan propostas para o futuro de Barro”. Recordou que hai décadas que NNXX quixo constituírse en Barro, “e se non o fixo antes, non foi porque non houbera mozos. Hai mocidade en Barro disposta a traballar polo seu concello”. Por iso, agradeceu a Eduardo Ruadas, o candidato e presidente da xestora local, o seu apoio aos máis novos.

Nota de prensa.06, febreiro, 2023.

O Partido Popular de Barro reclama ao Goberno que actúe no parque de exercicios biosaudables na rúa das Baladas e no lavadoiro de Outeiro, en Perdecanai. 

Recollen así as reclamacións dos veciños destes lugares, que se queixan polo estado lamentable destas instalacións. No que respecta ao parque biosaudable de San Antoniño, na rúa das Baladas, din os populares que é lamentable tanto na súa conservación, na falta de mantemento e no estado dos diferentes aparatos, que na súa maioría están rotos e inservibles para a practica deportiva. Ademais, afirman que os poucos que conservan todos os seus elementos están completamente oxidados.

Por iso, o candidato á alcaldía, Eduardo Ruadas, pide un plan de mantemento para estas infraestruturas e que se corrixan estes problemas para que os usuarios poidan utilizar estas instalacións de xeito seguro. Ademais, propón tamén que se instalen bancos nestas áreas.

Ademais, os populares sinalan que é urxente mellorar o lavadoiro de Outeiro de Perdecanai, que presenta graves problemas de conservación provocado pola falta de mantemento. Din que os veciños xa se interesaron, incluso, por coñecer si este lavadoiro é de titularidade municipal ou privada. “É fundamental protexer o patrimonio municipal, e por iso reclamamos ao concello que atenda as demandas destes veciños, aclare si é un municipal e, nese caso, traballe na súa recuperación”.