Rafael Ruibal Pereira, en calidade de coordinador do programa Voz Natura no CEIP AMor Ruibal de Barro,quere aclarar o seguinte:

• O CEIP Amor Ruibal leva dous anos participando no programa de innovación educativa Voz Natura, promovido pola Fundación Santiago Rey Fernández-Latorre, grupo ao que pertencen, entre outros, o xornal “La Voz de Galicia”.
• Para ser incluídos neste programa, no que participan máis de 200 centros educativos de toda Galicia, é necesario presentar un proxecto de traballo anual, que este sexa aprobado pola Fundación, e desenvolver ese traballo ao longo do curso. Por exemplo este ano, dentro do noso proxecto, fixemos actividades como: O invernadoiro, a recuperación dos xardíns, a saída ao río Santa Susana…
• Para dar a coñecer e agradecer o traballo de todos os participantes, Voz Natura organiza, desde hai moitos anos, unha Festa fin de curso en Culleredo, que este ano terá lugar o sábado día 4 de Xuño. Esta festa está considerada o evento lúdico-educativo máis importante de Galicia, contando coa colaboración de numerosas entidades públicas e privadas, empezando pola Consellería de Educación ( salientar a presenza, na anterior edición, de máis de 20000 persoas, incluído o Presidente da Xunta de Galicia).O programa Voz Naturaadxudicounos un máximo de dous autobuses, sendo estes gratuítos.
• No afán de involucrar nesta actividade ao maior número posible de familias, desde o colexio propúxose á ANPA participar activamente na súa organización.

• Como é habitual, establecéronse conxuntamente  uns prazos e uns requisitos para se anotar, recollidos na nota enviada ás familias,co fin de garantir, no caso de se precisar, unha selección obxectiva.
•  Un día antes de rematar o prazo establecido cubríronse as 110 prazas previstas, polo que se comunicou que a partires dese momento as peticións recibidas pasaban á reserva.
• Logo de descartar aos anotados que non cumprían os requisitos, esas familias que estaban como reservas, acabaron por ter praza.
• Baixas de última hora fixeron que aparecesen libres algunhas prazas.  Non habendo peticións sen atender que cumprisen os requisitos establecidos , o habitual sería deixalas sen cubrir. Aínda así, a ANPA e o Colexio acordamos facer un chamamento de última hora, colocando carteis no recinto escolar para avisar.
•  Polo que, grazas ao traballo da ANPA pasouse de 60 persoas (aprox.) que participaron o curso anterior a 109 este curso.
• Por iso quero aproveitar a ocasión para agradecer e felicitar publicamente á ANPA polo traballo desenvolvido na organización desta actividade.

Barro a 2 de Xuño do 2011

As localidades nas que baixaron as cifras do paro. Barro tamén creou 15 postos de traballo (quedando un total de 339 veciños sen un posto de traballo).
En Caldas o número de desempregados sitúase en 1.092 persoas (doce menos que en abril) e en Moraña en 479 (dez menos).
No resto de municipios o paro incrementouse. Así, en Cuntis contan cun parado máis, situándose a cifra total en 538; e en Portas destruíronse dous postos de traballo e teñen agora 285 desempregados.
En Campo Lameiro ascenden aos 202 parados con catro desempregados máis; e na Lama perdeuse un posto de traballo e son 268 veciños á procura dunha ocupación. En Cotobade o paro quedou tal e como estaba, con 413 desempregados.
En maio creouse emprego en todos os sectores. Incluso a construción contou con 23 novos traballadores. No entanto, seguen sendo os servizos os que demandan máis man de obra con 206 novos empregados.

Segun o Ministerio de Economia e Facenda o Concello de Barro a 31/12/2010 posúe unha débeda de 685.000 € o 34,32 % do orzamento municipal que ascende a 1.995.714 € para o ano 2010.

A débeda viva a 31/12/2009 ascendia a 653.000 polo que no ultimo ano a débeda creceo en 32.000 €.

A partires de hoxe mesmo poderedes inscribirvos no III Campus Musical da FGBMP, que terá lugar en Santiago de Compostela entre os días 18 e 31 de Xullo.

A primeira semana estará adicada aos novos compositores, todo aquel que desexe iniciarse no mundo da composición ou ben afianzar os seus coñecementos ten unha cita esa semana co Mestre Andrés Valero Castells es Santiago de Compostela entre os días 18 e 23 de Xullo.

Na segunda semana será o momento de facer sonar os nosos instrumentos da man dos mestres Alex Salgueiro, Manuel Angulo, Darío Mariño, Carmen Cano, Federico Coca, Luis Soto, Gustavo Castro, Luís González, Anibal Sousa, Jose Varela, Carlos García, Pablo Diago e Juan M. Varela, mestres todos eles do mais alto nivel e que ofrecerán todos os seus coñecementos aos alumnos que compartan con eles estas xornadas. Polas tardes, soará a Banda do Campus, ao compás marcado pola directora Pilar Vañó e os seus alumnos de Dirección.

Serán en definitiva, uns dias moi intensos, cargados de clases individuais, concertos de alumnos e profesores, exposicións de instrumentos e accesorios, música de cámara, etc.

Tendes toda a información dispoñible na sección CAMPUS desta web, no e-mail:campusfgbmp(at)gmail.com, ou nos telefonos 981.591.895 / 686.679.836

Exposición de MSF Médicos Sin Fronteras no Salón de actos da Biblioteca Pública Municipal de Barro. 
Prazo: ata o 30 de xuño de 2011
Horario: luns, martes, xoves e sábado de 9:00 a 14:00 h. Mércores e venres de 16:00 a 21:00 h.
Luns día 6 de xuño a partir dás 16:30 charla sobre a labor dun voluntario na entidade MSF. Ás 17:30 proxección de “Invisibles”, unha pelicula dirixida por Mariano Barroso, Isabel Coixet, Javier Corcuera, Fernando León de Aranoa e Win Wenders, producida por Javier Bardem.

Pontevedra é o municipio da provincia cuxos fogares dispoñen dunha maior renda por habitante segundo os últimos datos feitos públicos o pasado venres polo Instituto Galego de Estatística.
Os datos sinalan que a capital da provincia dispón dunha renda bruta por habitante de 16.776 euros, que é de 19.734 euros no caso da poboación maior de 16 anos, en idade de traballar ou xa xubilada. Estas cifras sitúan aos pontevedreses uns 3.000 euros por encima da media galega e provincial e destacan que o crecemento da renda da que gozan os residentes no municipio creceu a un ritmo de 6,5% anualmente entre os anos 2000 e 2008 que é aos que fai referencia o estudo. Unhas cifras que suporían un incremento duns mil euros anuais.
Os pontevedreses situaríanse así nun lugar de privilexio tan só superados por media ducia de concellos “ricos” de Galicia. Na cima do ranking situaríase o municipio de Oleiros, con 22.902 euros por habitante maior de 16 anos ao ano, seguido de Santiago de Compostela (con 21.314 euros), A Coruña (20.699 euros), Teo (21.320 euros), Lugo (20.252 euros) e Ourense (con 19.905 euros).
Na provincia de Pontevedra, tan só A Illa, con 19.723 euros anuais, achégase aos niveis de renda de gózaos a capital. Na provincia, as outras grandes poboacións como Vigo (con 18.467 euros) ou Vilagarcía (con 16.079) están tamén por baixo e en canto ás grandes cidades galegas está por baixo das xa citadas de Santiago, A Coruña, Lugo e Ourense.
A cifra tamén supón que os pontevedreses dispoñen duns 3.300 euros máis ao ano que o resto dos veciños da provincia e 1.800 que a media da comarca.
De feito, estes datos indican que as rendas máis altas da comarca concéntranse na capital xa que tan só outros dous concellos da súa área de influencia contan con datos superiores á media provincial e galega. Trátase dos municipios de Poio e Sanxenxo. Cruzando a ponte da Barca atopariámonos/atopariámosnos co segundo concello onde a renda que se percibe por habitante é máis alta, de 18.333 euros por persoa ao ano (sempre no caso de maiores de 16 anos). Séguelle Sanxenxo con 17.810, uns mil euros máis que a media galega.
En relación aos ingresos que entran nos fogares da comarca os municipios con maiores rendas serían, por esta orde, Vilaboa (con 15.541 euros anuais), Caldas de Reis (con 14.891), Marín ( con 14.345 euros), Barro (con 13.782), Cuntis (con 13.781), Moraña (con 13.086 euros), Portas (con 12.809 euros), Campo Lameiro (con 11.647 euros), Cotobade (con 11.636 euros) e Ponte Caldelas (con 10.636).
A Lama, o menos “rico”
A Lama sería o municipio onde os ingresos por habitantes serían menores, xa que os habitantes maiores de 16 anos recibirían unha media de 8.376 euros anuais para subsistir. Tendo en conta a media por habitante total (é dicir, incluídos nenos e mozos menores de 16 anos), cada veciño da Lama disporía anualmente dunha renda tan só 7.599 euros, é dicir, xusto a metade da media da provincia e da media galega. A suma de todos os concellos indicaría que cada habitante en idade de traballar ingresaría ao ano nos 14 concellos uns 14.000 euros.
Segundo o estudo do IGE, tanto Ponte Caldelas como A Lama son dous do nove concellos pontevedreses e dos 20 galegos cuxa renda por habitante non chega aos dous terzos da media galega. De feito, a maioría destes concellos concéntranse no rural pontevedrés e ourensán e tan só tres na Coruña e en Lugo.
Ademais de ter as rendas máis baixas, os concellos do interior da comarca contan tamén cun crecemento interanual menor das rendas que perciben os seus veciños. Así, en Campo Lameiro os ingresos creceron un 4,9% cada ano entre 2000 e 2008; mentres que na Lama incrementáronse nun 5% e en Cotobade un 5,8%. Todos eles moi por baixo da media galega que se situou nun 6,5%.
Por contra, os concellos do litoral foron os que viron como aumentaba en maior medida as rendas que perciben os seus veciños, sendo o maior crecemento o que se rexistrou en Poio, cun 8,6%, e en Sanxenxo, cun 8,5%. Vilaboa cun 7,3% e a cabeceira do Umia, Caldas, cun 7,5% son outros dos municipios que mostraron un bo comportamento.
En Pontevedra, o incremento de renda por habitante prodúcese ademais tendo en conta que neste período contou cun incremento da súa poboación, mentres que a cruz da moeda é A Lama, onde se perderon habitantes.

A Plataforma SALVEMOS BARRO Contra o AVE OURENSE –VIGO polo Concello de Barro
reuniuse onte pola mañán co Asesor do Secretario General de Planificación e
Infraestructuras, Manuel Villa González, co Subdirector General de Planificación y
Proyectos, Francisco Javier Sánchez Ayala e co Jefe de Área de Planificación,
Gonzalo Díaz García, nas dependencias da Dirección General de Infraestructuras
Ferroviarias do Ministerio de Fomento en Madrid.

OBXECTO DA REUNIÓN
Facer un seguimento do Proxecto Básico do trazado do AVE Ourense-Vigo no seu
tramo Cerdedo-Vigo, que redacta, dende finais de xaneiro deste ano, a UTE formada
polas empresas de enxeñería GOC, SA e Calter Ing, SL. O prazo de execución do
proxecto é de 14 meses.

A REUNIÓN
Na reunión celebrada onte, os representantes do Ministerio expresaron que son
conscientes das dificultades e da problemática que caracteriza o trazado desta vía
por Barro, realidade que os técnicos que redactan o proxecto tiveron ocasión de
contrastar in situ.
Están a estudar unha alternativa ó trazado aprobado que supón unha diminución do
tempo do traxecto, do investimento así como da lonxitude física da vía. Con esta
alternativa, o traxecto realizaríase enteiramente por túnel salvo no entronque co Eixe
Atlántico onde habería que conectar en superficie.

CONCLUSIÓN
Nun breve prazo de poucos meses, o Ministerio pronunciarase sobre esta alternativa e
iniciariase un proceso de consulta á Consellería de Medio Ambiente, Territorio e
Infraestruturas da Xunta de Galicia, que á sua vez, consultará cos Concellos e
agrupacións que considere oportuno.
Os membros da Plataforma quedamos moi satisfeitos tanto coa información que nos
foi facilitada como coa actitude dos interlocutores que amosaron ter o sentido comun
e a racionalidade precisos para dispoñerse a modificar un trazado aprobado nun
Estudio Informativo. Asemade, saliéntase a actitude receptiva dos mesmos sen a cal
non sería posible o diálogo e o entendemento do que ven sendo partícipe esta
Plataforma. A participación social é, por elo, fundamental para que este tipo de
obras se realicen co mellor criterio.
Jacqueline Seijo Martínez

Plataforma SALVEMOS BARRO

A viaxe do actor Marcos Pereiro (que dá vida á metade do dúo Nucha e Mucha, as famosas Cantareiras de Ardebullo do programa Luar) foi onte de regreso ás aulas. Concretamente, ás do CEIP Amor Ruibal de Barro, que outorgou á parella humorística o Premio Mimi ao Persoeiro do Ano polo fomento do uso do galego. Quen non puido acudir á entrega do galardón, celebrada na biblioteca, foi Xosé Antonio Touriñán , que se atopaba en Barcelona. Pero ante a ausencia da cantareira, alí estaban as «Cantareiriñas», dous alumnos do centro (Noelia Ouzón e Brais Sabarís) para agasallarlle coa réplica en madeira de Mimi, a mascota do colexio.

ADIF deixará atrás en breve a fase construtiva na liña de alta velocidade que cruza o norte da provincia e comezará este verán as probas de circulación. Así o asegura o último número da revista de Fomento que dedica un amplo espazo a esta infraestrutura na que o ministerio inviste 2.547 millóns de euros nos 87 quilómetros do traxecto Ourense-Lalín-Santiago.

As probas de circulación están destinadas a corrixir erros e a pór a infraestrutura a punto como paso previo á posta en servizo a finais de ano da que está considera desde Fomento «a primeira liña» de alta velocidade de Galicia.

Na práctica, hai outras liñas en servizo de alta velocidade, como pode ser o tramo A Coruña-Santiago ou o Barro-Portas-Vilagarcía, dividido en dous traxectos e que foi o primeiro da provincia en ser acondicionado. Pero, no Eixo Atlántico, os trens non van pasar de 250 por hora e, na liña que atravesa Lalín e Silleda, poderán pasar de 300. Por iso é polo que sexa considerada «a primeira» de alta velocidade fronte á atlántica, que sería encuadrable nas que se denominaban hai uns anos de velocidade alta.

O Consello Reitor do Ipespo fixo público onte a aprobación do expediente de alleamento, por procedemento aberto, de 49 parcelas resultantes do proxecto de parcelación do Plan de Sectorialización do Chan Rústico Apto para Urbanizar (SRAU) Industrial de Outeda-Curro, en Barro. Os licitadores interesados en participar no proceso deberán constituír garantía provisional equivalente ao 2% da licitación prevista nos pregos de condicións para este caso concreto. Esta garantía, ademais, consignarase, de forma exclusiva, na Caixa do Ipespo ou Instituto para a Promoción e ou Equipamento do Só Industrial dá Provincia de Pontevedra. O prazo de proposicións para tomar parte na presente contratación será de 45 días, finalizando ás 13 horas da última xornada prevista. Todos os interesados en consultar as cláusulas económicas e administrativas, así como a documentación anexa, poderán consultala a través da páxina web da Deputación de Pontevedra, http://www.depontevedra. é ou ben chamando ao teléfono 886 210 355. A apertura do sobre B correspondente á documentación técnica valorable para este proceso celebrarase en acto público ás 10 horas do quinto día hábil seguinte ao do termo do prazo de presentación de ofertas.