A aula de informática do Concello de Barro acolle no mes de Agosto, un Campamento Dixital da man de Fundación Cibervoluntarios,.

-Do 4 ao 14 de agosto (rapaces/as de 9 a 13)
-Do 18 ao 29 de agosto (mocidade 14 a 17 anos)

Co obxectivo de formar a nenos, nenas e adolescentes entre os 9 e os 17 anos en competencias dixitais.

Serán sesións de 3 horas diarias de formación gratuíta.

ℹ️Dende crear contidos dixitais ata coidar a súa privacidade na internet e redes sociais, cada actividade está deseñada para conectar aos nenos, nenas e mozas co seu futuro dixital.

🥳Ao finalizar, reciben un certificado DigComp que lles acredita os coñecementos e competencias adquiridos na utilización das Tecnoloxías da Información e as Comunicacións dentro do marco europeo.

✍️O prazo de inscrición para este Campamento Dixital xa está aberto e esténdese ata o 30 de xuño, máis información na OMIX de Barro de maneira presencial (Santo Antoniño, Perdecanai, 12 Barro), por teléfono (690722812) ou por correo electrónico (omix@barro.gal).

Campamento Dixital é unha iniciativa impulsada por Fundación Cibervoluntarios dentro do Programa de Competencias Dixitais para a Infancia (CODI) posto en marcha polo Ministerio de Mocidade e Infancia e financiado con fondos Next Generation da Unión Europea.

Veciños e veciñas de Barro sairán a recoller lixo dentro da campaña 1M2 contra a Basuraleza, un movemento de todo o pais liderado por Libera Ecoembes.

A saída contará coa colaboración das comunidades de Montes de Barro, un empresa e persoal do concello para acceder as instalaciós a depositar os residuos. Con esta saída  pretendemos ademais de recoller lixo nos montes e viais, concienciar da importancia dunha boa xestión dos residuos, afirma José Sanmartin, Primeiro Tenente de alcalde e responsable da área de Servizos municipais.

Xa están anotados unha docena de personas, pero aínda están a tempo de apuntarse e así  poder participar na saída que será  este sábado día 7 dende as 10:30h. a 14h. 

O lixo recollido depositarase separado en contedores  dentro da zona que ten o concello habilitada na nave de obras.

O Concello de Barro converterase o vindeiro domingo 1 de xuño nun punto de encontro para a divulgación e posta en valor da apicultura, grazas á I Xornada Apícola de Barro, organizada pola Asociación Cultural Barosa. O evento, que terá lugar na Escola de Cangrallo (Barro) a partir das 11:00 horas, busca destacar os beneficios ambientais desta práctica tradicional e o papel esencial que xogan as abellas na preservación dos ecosistemas.
Ao longo da xornada, o público asistente poderá mergullarse no fascinante mundo das colmeas a través de actividades pensadas para todos os públicos.
Esteban Jamardo, presidente da A.C. Barosa e apicultor local, será o encargado de guiar a sesión, que comezará cunha exposición didáctica sobre os compoñentes dunha colmea, os produtos apícolas máis comúns e os perigos que ameazan actualmente á poboación de abellas.
Despois da charla introdutoria, haberá unha demostración práctica dunha colmea real, que permitirá comprobar en directo como viven e traballan estes insectos, que son imprescindibles para a biodiversidade. As persoas asistentes
que o desexen incluso poderán participar na extracción de mel, empregando material facilitado polos apicultores e apicultoras locais.
Como colofón, a xornada rematará unha cata de diferentes tipos de meles, unha oportunidade para descubrir matices, así como para aprender a recoñecer a súa calidade.
Esta iniciativa, aberta ao público, nace coa intención de fomentar a conciencia ecolóxica, visibilizando o importante traballo das persoas que se dedican a coidardas abellas e preservar o seu hábitat.
Para máis información: Esteban Jamardo (647742581)