O Xantar da Comunidade Montes de Curro, que terá lugar o vindeiro domingo 25 de setembro. Tamén, aqueles que nos vivades en Curro, pero por unha ou outra razón, estades vinculados a esta parroquia, dicirvos que están a venta 150 entradas a un prezo de 20 euros. O horario para a recollida e compra, é de 16.30 a 20.30 horas no Centro Social da Comunidade.
A circunvalación de Pontevedra, a cargo do Ministerio de Fomento, é unha vella reivindicación municipal, que rexistrou
numerosos trazados e propostas ao longo dos anos. O último deseño cruzaba desde Vilaboa cara ao norte parroquias como Tomeza, Marcón (onde establecía unha conexión coa estrada de Ponte Caldelas), Bora e Xeve, pero morría nada máis cruzar o río Lérez na estrada de Campo Lameiro, sen continuidade segura cara ao Norte, a pesar de que si se encargou no seu día un estudo informativo de prolongación ata o nó da AP-9 en Curro (Barro).
Destinatarios: nenos, xóvenes ou adultos interesados en aprender ou afianzar
os coñecementos da lingua inglesa.
Duración: nove meses
Grupos: reducidos, 12persoas.
Lugar: Aula multiusos no edificio da Biblioteca.
Inscrición: Xa podes cubrir a solicitude no Rexistro Xeral do Concello de Barro.
A continuacion móstrase a evolucion dos ultimos anos de formagrafica:
O arquitecto Anselmo Villanueva e o arquitecto de interiores Javier Miguel Ferradás forman desde hai un ano o grupo Avam Arquitectura e son os gañadores do concurso de ideas convocado polo Concello de Barro para a restauración e rehabilitación dos muíños da ría de Abaixo do parque da Barosa. UTE Barosa será a encargada da explotación hostaleira dos muíños unha vez que se terminen as obras, nun prazo aproximado de tres meses.
O proxecto de Villanueva e Ferradás baséase na integración dos espazos respecto á contorna, pero, a gran característica destas obras é que, será accesible para minusválidos, dando resposta así aos requirimentos de UTE Barosa.
A vixésimo quinta edición da Carreira Popular de Meaño-Albariño Rosalía de Castro finalizou o domingo con tres
vilagarciáns incluídos no palmarés que encabezaron, en categorías séniores, os portugueses Tiago Costa e Claudia Pereira.
No circuíto longo, de 6,3 quilómetros de trazado, o vilagarcián Damián González foi subcampión na categoría xuvenil masculina, tan só por detrás de Samuel Rodríguez, de Mos. En superveteranos feminina, Aurora García quedaba por detrás da santiaguesa Esther Pedrosa na liña de meta. E en superabuelos, con participación unicamente masculina, o veciño da capital arousá Sebastián Mosquera foi terceiro tras Manuel Rosales , de Marín, e Julio César Constenla, de Barro.
Entre os premios entregados, o rianxeiro José Neira, de 76 anos, levou o galardón ao corredor máis veterano que acababa a carreira.
antes de que conclúa este ano 2011 terminarían as obras do macronudo de Curro, quizais a infraestrutura en construción de maior investimento que se executa nestes momentos en Galicia.
O tremendo scalextric leva case dous anos en desenvolvemento pero a súa magnitude requiría tempo para crear a superficie necesaria para conectar os principais eixos viarios da comarca, a saber a autoestrada do Atlántico, a Autovía do Salnés, a estrada xeral de Vilagarcía a Pontevedra, o acceso ao polígono industrial de Barro–Meis e a que será autovía a Baión.
A Xunta urxiu a culminación dos traballos co propósito de que antes de que empezo o ano 2012 “póidase realizar o novo desvío de tráfico nesta zona”.
Se se cumpren estes prognósticos “este novo desvío permitirá o uso dunha das novas calzadas da autovía do Salnés (AG–4.1) para conectar coa praia de peaxes da autoestrada AP–9″ o que leva a anulación do actual ramal de conexión.
Así mesmo, a Xunta pretende establecer as conexións entre a PO–531 e a autovía do Salnés que se realizarán a través da glorieta e dos ramais anexos –os cales se atopan en execución–, de tal forma que os tráficos se canalizarán por eixos de nova construción, permitindo a ocupación dos eixos da actual ligazón”.
Nesta zona pendente de execución será onde se acometan os novos traballos que permitan completar no futuro o novo eixo viario entre Curro e Baión.
A decisión da Xunta de comezar as obras no macronudo obsérvase agora como a máis adecuada pois vai permitir reordenar neste punto os principais tráficos que circulan pola comarca do Salnés e que teñen unha alta densidade.
Cabe lembrar que só pola PO–531 circulan a diario máis de vinte mil vehículos, con picos de ata 30.000 sobre todo no verán.
A iso hai que sumar todos os turismos procedentes da autoestrada ou da autovía do Salnés, e o que circula por vías secundarias, máis local.
Resta agora completar o viario ata Baión nun percorrido dun sete quilómetros, o que levará melloras de tráfico para os vehículos que se dirixen cara a Vilagarcía, desde Curro, ou viceversa.
A solución nas proximidades da capital arousá está resolta coas dúas circunvalacións recentemente construídas, tanto a que conduce de Godos á rotonda de Carril como a que se dirixe ao Porto vilagarcián, ambas as concluídas nos últimos anos e moi utilizadas polo tráfico pesado.
Queda por resolver, e iso é cuestión do Ministerio de Fomento, o outro extremo de autovía, é dicir entre Curro e Pontevedra, cuxa solución pasaría pola execución da A 57,–un proxecto que parece aínda moi verde pola crise económica.
Por iso, os vehículos que empreguen este último tramo do viario, tamén se atoparán co hándicap de usar a vella estrada ou pagar o euro e cinco céntimos que supón utilizar a autoestrada ata Pontevedra.
Outra solución provisional que propuñan varios partidos políticos pasaría por converter en gratuíto este acceso da autoestrada, como no seu día lograron os veciños do Morrazo na ponte de Rande.
De momento, esta opción non é tida en consideración por Política Territorial, pero non podería ser descartada pois a comarca de Arousa vencería así unha discriminación histórica con respecto das súas comunicacións co resto da Península.
Sobre todo debería ser tida en consideración en épocas de fortes recortes en infraestruturas que con altísima probabilidade van frear ou, polo menos, retardar proxectos custosos pola súa complexa execución como é a nova autovía de Pontevedra á Meseta.
Cabe lembrar que a comarca de Arousa quedou relegada nestes grandes proxectos de hai dúas décadas, cando se executou a A 52,–polo que os veciños salinienses teñen que empregar preto de vinte minutos máis nas viaxes a Madrid.
Nestes momentos, percorrer o apenas vinte quilómetros que separan Vilagarcía da capital de provincial pode implicar unha viaxe duns 35 minutos, sobre todo pola lentitude nalgúns tramos, pero tamén pola precaución dos condutores debido á excesiva presenza de controis de radar en toda a vía.
Unha vez que se execute a autovía, a distancia entre Vilagarcía e Pontevedra pode acurtarse á metade, sempre que se use a autoestrada. O once quilómetros entre Curro e Pontevedra poden eternizar ao condutor, xa que nese tramo non existen máis que cen metros de estrada na que se permite adiantar.
O pasado venres, tódolos que asistimos ao concerto de Gustavo Almeida, acompañado por Eric Rodríguez á percusión, vivimos unha noite moi especial, na que os dous artistas metéronse ao público no peto.
O espectáculo que comezou ao redor das 23.00 horas e finalizou sobor das 02.00 horas da madrugada, desenvolveuse en dúas partes, nas que, na primeira delas puidemos deleitarnos coas cancións do seu último traballo “Cabaña”, cun estilo musical entre o funk, o reagge e o rock nas que se fai notar as súas raíces do seu país natal. Na segunda parte do concerto, o artista, ademais de continuar coas súas cancións, tamén nos fixo vibrar e ser partícipes de distintas versións doutros artistas coñecidos e de diversos estilos, como o mítico “The Wall”, da banda de rock británico Pink Floid; “Ojalá” do cantautor Silvio Rodríguez e, como non, a interpretación dalgún tema do noso amigo e veciño Tom Trovador, que deixou a nosa terra para vivir actualmente na illa de Mallorca.
Artistas locais.
Segundo corría a noite e o público se animaba mais e mais, algúns asistentes decidiron sorprendernos e, puidemos ver a María e a Elena cantando unha bonita canción a dúo.
Outra das asistentes que se animou a cantar foi Ana Angueira que o fixo acompañada de Gustavo Almeida á guitarra, onde nos deixou con gañas de escoitar algunha máis das súas cancións e esperando poder vela nalgún concerto polos arredores.
E, para rematar coa parte dos artistas locais, o veciño de Valiñas, Juan Búa Cores, animouse a interpretar algún dos seus temas á guitarra, memorando ao grupo de música que tivera hai anos.
Organización.
No tocante á organización do evento, que correu a cargo da Asociación Terras de Barro, deixounos sorprendidos segundo íamos entrando no Pazo da Crega que estaba engalanado para a ocasión cunha decoración minimalista á par que acolledora, amosando un ambiente cálido.
En resumo, unha noite perfecta na que a climatoloxía deixounos a súa mellor cara para que a combinación de elementos fose a mellor.
Dende aquí queremos felicitar a Gustavo Almeida e a Eric Rodríguez polo concertazo, e á organización polo seu esforzo e traballo altruista, que nos tempos que corre, agradécese.
UN DEZ!
Aquí deixámosvos algunhas fotos da noite.
NOTICIAS DE BARRO 