Onde recolocar a fábrica é un dos grandes problemas que presenta a   negociación. As tres opcións expostas nos contactos coa empresa poderían ser adecuadas tecnicamente e, incluso, ser do agrado da empresa e da Xunta, pero Ence arrastra consigo unha fama que dificulta a súa aprobación por parte dos habitantes da zona á que se debería trasladar.

A crise favorece un cambio nese punto de vista, porque o investimento sería millonaria e unha planta nova melloraría aínda máis as emisións ao medio ambiente, que se reduciron notablemente nos últimos anos grazas ao esforzo da empresa.

A oferta de Telmo Martín implicaba que o Pleno do Concello no que se situaría a planta debería aprobar a medida e, no caso de Pontevedra, incluíase, ademais, a convocatoria dun referendo popular que debería dar o visto e prace á iniciativa.

O caso de Cotobade xa se puxo sobre a mesa durante o bipartito xunto a outras opcións. Un estudo do BNG barallaba o municipio (entón co socialista Manoel Loureiro na Alcaldía), Cuntis e Barro-Meis. Ningún dos concellos viu con bos ollos a idea. O alcalde de Barro, José Antonio Landín, do PP, que aínda segue no cargo, chegou a ameazar con paralizar o polígono se se concretaba a idea. En Cotobade hai agora un alcalde do Partido Popular, Jorge Cubela, pero iso, dados os antecedentes, non garante nada.

O que si podería ofrecer un factor novo para completar o puzzle sería un acordo da Xunta con Elnosa, que se mostrou disposta a negociar para recolocarse na comarca. Iso podería favorecer un entendemento con Ence, pero nesta longa partida de póker á que aínda quedan moitos capítulos por escribir nada se pode dar por seguro.

O sábado, durante case dúas horas, e con respaldo dunhas duascentas cincuenta persoas, o orfeón parroquial Nosa Señora de Hoxe-Vas sacou adiante con brillantez o seu encontro de corais que ademais da propia anfitrioa reuniu ás de Cumeiro, Berres e Barro. Cada unha delas ofreceu ao público cinco cancións e, entre estas, con carácter obrigatorio interpretaban unha panxoliña. O acto estivo apoiado polo alcalde cruceño, Jesús Otero, e por personalidades locais do relevo de Francisco Lareo. Este encontro anual de corais de Piloño celebrouse no marco do colexio Cerdeiriñas desa parroquia e está apoiado pola Deputación provincial de Pontevedra e polo propio Concello cruceño. Este encontro de corais cruceño está a converterse ano a ano nun clásico destas datas e a súa consolidación parece xa firme.

O Partido Socialista de Barro renovou este domingo a sua executiva local nunha asemblea extraordinaria que proclamou a José Sanmartín como novo secretario xeral.

A candidatura encabezada por José Sanmartín foi aprobada por unanimidade por parte dos militantes, que tamen acordaron a creación de novas áreas.

A nova directiva queda integrada por José Sanmartín Soto, como secretario xeral e que tamén dirixirá a área de política municipal e urbanismo, Rocío Touriño Reboredo secretaria de organización, Luis Miguel Castro Pérez encargado da área de economía, María Margarita Canay Pintos na área de sanidade e asuntos sociais, Dolores Domínguez Prieto e María Jesús Lopez Barrera dirixirán a área de educación e igualdade, Silvia Torres Landín estará o frente da área de medio ambiente e medio rural, Patricio García Gómez, será o encargado da área de cultura, deporte e ocio e o comité de sabios estará integrado por José Luís Abal Couto, Carlos García Guimil e Julio César Constenla Fontán.

Na asemblea extraordinaria dos socialistas de Barro, celebrada na sua sede local en San Antoniño,  estiveron presentes a deputada Carmen Cajide e o secretario de organización provincial, Luis Piña, quen destacou o importante labor realizado dende hai un ano pola agrupación local de Barro, conseguindo dous concelleiros nas pasadas eleccións municipais e un destacado respaldo nas xerais a pesar do complicado contexto do socialismo español.

Pola súa banda, o novo secretario xeral do PSOE de Barro, José Sanmartín resaltou o compromiso da nova executiva para seguir traballando coa mesma ilusión e gañas e animou ós socialsitas galegos a traballar  polo consenso e a unidade a través do diálogo de portas para dentro.

Resolución do 23 de novembro de 2011 da Xefatura Territorial de Pontevedra, pola que se somete a
información pública a petición de autorización administrativa e a aprobación do proxecto de
execución da planta de xeración eléctrica a partir de biomasa forestal primaria que se cita no
municipio de Meis (Nº Expte: 1N407A 2011/256-4).

execución da planta de xeración eléctrica

«Cando se violan os seus dereitos, marxínallos e exclúe, os migrantes non poden contribuír nin económica nin socialmente ás sociedades que deixaron atrás e tampouco a aquelas ás que chegan. Con todo, cando llos apoia mediante políticas adecuadas e a protección dos dereitos humanos, a migración pode exercer unha influencia beneficiosa nas persoas, así como nos países de orixe, tránsito e destino».

Secretario Xeral Ban Ki-moon
Mensaxe no Día Internacional do Migrante
18 de decembro de 2011

O xoves 15 de decembro pola noite Balín saiu dar un paseo polo monte do San Amaro da Portela en Barro. Seguramente uliu o rasco dun raposo ou xabarín e alá marchou el mais a súa compañeira Bimba. Bimba apareceu no polígono de Curro o venres ao mediodía pero de Balín non hai rastro.
Balín é un can mestizo de cor branco e manchas marróns. Ese día levaba posto un colar vermello.

Por favor se alguén o viu ou sabe onde se atopa chamen a este número 679640734.

A Consellería de Medio Ambiente fixo onte balance das actuacións de limpeza e conservación dos cursos fluviais da comunidade. Na provincia, Augas de Galicia destinou 680.000 euros a este tipo de accións no período 2010-2011, que abarcaron case 68 quilómetros de 54 ríos. No que respecta á comarca de Pontevedra o investimento foi de 259.739 euros en 17 quilómetros de canles de dez municipios. Ademais da capital, desenvolvéronse na Lama, Barro, Caldas, Cuntis, Moraña, Marín, Poio e Portas.

O obxectivo destes traballos é potenciar os aspectos ambientais e estéticos da contorna fluvial mediante labores de limpeza, conservación e mantemento de zonas de servidume dos ríos. Os labores comprenderon a limpeza de cascallos e residuos sólidos, a eliminación de obstáculos nos leitos provocados pola caída de árbores, a reparación de muros de formigón e azudes danados por crecidas e a reparación de pasos a nivel dos ríos, entre outras accións.

Tres actuacións acapararon os fondos na comarca. Trátase da contorna do encoro do Umia, nos municipios de Caldas, Cuntis e Moraña, cun investimento de 119.600 euros en algo máis de dez quilómetros; o río Loira, en Marín, con 35.272 euros en 4,5 quilómetros; e o Follente, en Caldas, con 25.155 euros en 2,4 quilómetros.

Os ríos Oitavén e Rego de Porto, na Lama, suman 8.953 e 4.450 euros, respectivamente. Tamén se realizaron intervencións no río Areal, en Barro; no Chaín, o Bermaña e o Cardín, en Caldas; o Galo, en Cuntis; o Rego de Arís, o río Vilariño e o río de Covelo, en Poio; Ponche Nova e Fontáns, en Pontevedra; e o Rego Chas e o Umia, en Portas.

Outra dos labores realizados por Augas de Galicia foi a inspección, alerta e previsión de crecidas nos ríos. O departamento que dirixe Agustín Hernández anunciou que prevé destinar unha cantidade similar – 609.704 euros- á limpeza das concas da zona sur no período 2012-2013.

O Pazo Provincial de Pontevedra acolleu o acto de clausura e entrega de diplomas da terceira edición do Programa formativo “Actívate”. A entidade provincial destinou a esta iniciativa formativa cerca de 100.000 euros. Nesta ocasión alcanzouse unha participación de 1.177 alumnos/as que asistiron a un total de 73 cursos que foron impartidos perante os meses de Setembro, Outubro, Novembro e Decembro.
A iniciativa “Actívate” está dirixida a proporcionar ós xóvenes de entre 16 e 35 anos, unha serie de cursos formativos co fin de potenciar a súa integración no mundo laboral, ademais de posibilitarlles acadar un maior enriquecemento cultural e persoal.
As acción formativas realizáronse en grupos de entre 15 e 30 alumnos, a excepción dos cursos de informática ou cociña que limitáronse a 20 participantes, para mellor desenvolvemento dos mesmos.
O presidente da Deputación salientou perante o acto de clausura o seu convencemento de que “estas accións formativas son imprescindibles para que unha parte moi importante da nosa poboación, os mozos e mozas, poidades adquirir novos coñecementos e ampliar o voso currículo”.
“Somos conscientes de que á difícil situación económica actual é moito máis complicada cando nos enfrontamos a un mercado de traballo altamente competitivo e a un entorno en proceso de cambio constante”, dixo o presidente quen asegurou que “sabemos que a actualización permanente é unha ferramenta imprescindible se queremos preservar a nosa capacidade de ser contratados”.
Así mesmo, para Louzán a formación “non é un gasto senón un investimento que permite ás persoas e organizacións seguir crecendo e a ser capaces de adaptarse ós cambios do entorno que afectan á nosa capacidade de reacción”.
O catálogo de cursos proposto, non foi deseñado ó azar senón que “tivemos moi en conta a etapa de restruturación actual e intentamos ofertar ese tipo de cursos que a sociedade demanda”, aseverou o máximo representante da institución quen felicitou e animou a todos os participantes a seguir formándose e traballando para acadar as súas metas e espectativas”.

Nesta ocasión o obxectivo dos ladróns foi unha casa en situada na parroquia de Curro. Segundo transcendeu onte, o roubo produciuse o pasado Xoves.

Ao parecer, os cacos accederon á casa aproveitando que nese momento non había ninguén no interior e levaron entre outras cousas 2000 euros en efectivo.

Copia da recente sentencia do TSXG sobre a reclamación presentada polo Concello de Barro contra a Parcelaria.

OMIX BARRO

CATEGORÍAS:

Infantil:Pequeno agasallo a tódolos participantes.

Que se repartirá os días 19 e 20 de decembro nas clases de infantil do Colexio Público Amor Ruibal, na gardería e na escola infantil de Curro acompañados dun conta contos.

1º ciclo primaria: Heléna  Rodríguez

2º ciclo de primaria: Laura Maquieira

3º ciclo de primaria: Juan José Dorado

1º ciclo da ESO: Breixo Carragal

2º ciclo da ESO: Nerea Oubel

Adultos: Arsinda Maquieira.

Gracias a todos por participar con 192 postais.

O Camiño de Santiago mellorará a súa imaxe en parte do traxecto que pasa por Caldas. A Xunta e o Concello acordaron a posta en marcha duns traballos que inclúen actuacións nas zonas de Foxacos (na parroquia de Arcos dá Condesa) e Lavandeira (Bemil) para aumentar a presenza de árbores autóctonas e tamén a creación de zonas de descanso para peregrinos.

As obras, segundo o que pactaron onte os técnicos autonómicos co alcalde, arrincarán a finais de xaneiro ou en febreiro. As tarefas centraranse en dar unha maior presenza a exemplares de carballos e castiñeiros, pero tamén se aproveitará para converter estes lugares en pequenas áreas de recreo ou esparexemento destinadas tanto a camiñantes como a veciños da zona. Por iso falouse da instalación de elementos de mobiliario urbano como poderían ser bancos ou papeleiras.Sigue lendo, preme aqui.

Video do noso veciño Sergio, cando fixo o camiño desde Roncenvalles.

O forte impacto da crise sobre o investimento produtivo proseguirá no 2012, cunha previsión de que continúe o parón na licitación de obra nova. Neste escenario, no que serán as adxudicatarias de proxectos en concesión as que sustenten o groso do gasto en infraestruturas, a Xunta deberá pór en servizo polo menos sete tramos doutras tantas autovías.

A primeira actuación en abrir ao tráfico será a terceira rolda coruñesa, no trazado pendente que compete á Xunta. Infraestruturas prevé que a obra estea lista na última semana deste mes. Completan o calendario, como actuacións máis relevantes para o 2012, o primeiro tramo da vía Ártabra, as variantes de Ortigueira e de Noia, o primeiro tramo da autovía Tui-A Guarda, o primeiro da Sarria-Monforte, e o nó de Curro .

Ademais, a Xunta espera que a concesionaria do viario Ourense-Celanova teña lista a obra o próximo ano. Segundo as contas do 2012, a empresa investirá 32 millóns na autovía; e a adxudicataria da Carballo-Berdoias, 149 millóns. A do Morrazo queda a expensas de licitación tras a decisión da Xunta de deixar deserto o concurso.