O paro suma e segue na comarca de Pontevedra ata alcanzar, ao finalizar 2011, cífraa marca de 19.643 desempregados, un 9,7% máis dos rexistrados hai un ano ou, en números absolutos, 1.753 máis que os contabilizados a 31 de decembro de 2010 cando o Servizo Galego de Emprego-Inem marcou 17.890 no seu balance mensual de demandantes de traballo. Se se toma como referencia temporal o mes inmediatamente anterior, a subida do paro na comarca foi do 2,7 xa que novembro finalizara con 19.124 persoas inscritas como buscadores dun posto de traballo.
Sen restar importancia á gravidade da situación, pódese constatar coas estatísticas oficiais na man que a cidade do Lérez, epicentro económico e laboral da comarca, inicia o ano cuns datos menos extremos xa que a variación mensual do paro en Pontevedra é do 0,8% e a interanual sitúase no 7,9%. A capital iniciou o ano con 8.175 demandantes de emprego, 71 máis que os rexistrados en novembro e 600 máis que na mesma data do ano anterior.
A comarca pontevedresa, entendida como a suma de catorce municipios, encara o 2012 con síntomas pouco prometedores: o aumento do paro en todos os seus concellos respecto ao mes anterior; cun sector da construción que volve facer achegas ás listas de paro cando se pensaba que xa tocara fondo; con algúns sectores industriais en retroceso e sen alternativas e cun sector servizos que vira ao redor de pemes estranguladas por falta de crédito e a caída do consumo. Integran a comarca aludida os concellos de Pontevedra, Marín, Barro, Campo Lameiro, Cotobade, A Lama, Poio, Sanxenxo, Ponte Caldelas e Vilaboa.
Catro concellos
Sete de cada dez demandantes de emprego da comarca pertencen a catro concellos: Pontevedra, Marín, Poio e Sanxenxo. Neles viven o 71,6% dos parados rexistrados nas oficinas do Servizo Galego de Emprego ou o que é o mesmo 14.079 das 19.643 persoas que tentan entrar ou reintegrarse no mundo laboral. Detrás desta realidade está o feito de que son os concellos con máis poboación da área, nos que se concentran o maior número de oportunidades laborais e no que, en consecuencia, rexístranse tamén as maiores oscilacións na contratación, especialmente no sector servizos de carácter marcadamente estacional como poden ser os hostaleiros e de restauración e o do comercio.
Os últimos datos do paro publicados, con data do último día do ano 2011, permiten constatar que a construción e os servizos concentran o maior número de demandantes de emprego, que se incrementou o número de traballadores en paro maiores de 25 anos e que o ser muller mantense como un lastre á hora de atopar traballo aínda que as diferenzas por xénero acurtáronse nos últimos anos.

CULTURAL DE CURRO

Este xoves, día 5 de xaneiro, a partir das doce e media da noite, celebrarase na cultural unha gran festa para todos aqueles que se animen a vir. A música correrá a cargo do gran DJ ROBERT LUICHI. Non o dubides, vén a pasar un bo rato nesta noite de Reis! 🙂

Enterada esta Alcaldía de que por unha empresa de arquitectura está enviando ós veciños deste Concello unha nota informativa ofrecendo os seus servicios para a tramitación de expedientes de regularización de edificacións fora de ordenación total ou sin licenza, infórmase que este Concello non lle encargou á mesma ningún tipo de traballo.

Barro, a 29 de decembro de 2011. O Alcalde.

Recibido neste Concello, procedente do Ministerio de Medio Ambiente, y Medio Rural y Marino documentación ambiental do Proxecto “LIÑA DE ALTAS PRESTACIÓNS A GALICIA. TRAMO: OURENSE-VIGO, COMO MODIFICACIÓN DO TRAZADO DO “ESTUDIO INFORMATIVO DO PROXECTO DA NOVA LIÑADE ALTA VELOCIDADE DE OURENSE A VIGO”, no que entre outras cousas se da conta do posible NOVO TRAZADO e solicitan informe do Concello, comunícase que o documento está a disposición para o seu exáme en horario de oficina.

Barro, a 3 de xaneiro de 2012. O Alcalde.

Resolución do 17 de novembro de 2011 da Xefatura Territorial de Pontevedra pola que se autoriza e aproba o proxecto de execución das instalacións eléctricas que se describen no concello de BARRO (Nº expte:IN407A 2011/230-4).
Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:
— Solicitante: UNION FENOSA DISTRIBUCION SA.
— — Enderezo Social: AVDA. DE ARTEIXO 171, 15007 CORUÑA (A).
— Denominación: NOVA SUBESTACIÓN BARRO 66/20 KV. -Situación: BARRO.
— Descricións Técnicas: NOVA SUBESTACIÓN COMPOSTA POR DOUS TRANSFORMADORES DE INTEMPERIE 66/20 KV DE 12 MVA DE POTENCIA CADA UN EN ILLAMENTO DE ACEITE E UN EDIFICIO CUBERTO ONDE SE INSTALA O PARQUE DE 66 KV, O PARQUE DE 20 KV, MEDIANTE CELAS BLINDADAS ILLADAS EN SF6, E OS SERVIZOS AUXILIARES CO SEU CADRO PARA DISTRIBUCIÓN, BATERÍAS, CABLEADOS E DOUS TRANSFORMADORES DE SERVIZOS AUXILIARES DE 160 KVA CADA UN, CON R.T. 20 KV/420 V, E A SÚA PROTECCIÓN CORRESPONDENTE. A INSTALACIÓN ESTÁ SITUADA
NO POLÍGONO INDUSTRIAL SRAU OUTEDA-CURRO, NO CONCELLO DE BARRO.

http://www.bop.depo.es/.pdf

Percorrido Cabalta de Reis

O pleno do Concello de Barro, en sesión que tivo lugar o 15 de novembro de 2011, acordou modificar
a “Ordenanza fiscal ”
O expediente estivo exposto ao público durante o prazo de trinta días hábiles, contados a partir do
seguinte ao da publicación do correspondente edicto no Boletín Oficial da Provincia núm. 222 de data
18 de novembro de 2011.

http://www.bop.depo.es/.pdf

NOTA DO PSOE DE BARRO. MELLORA DE ESTRADA E INTERSECION COA  PO 531.

ESTAS FOTOS, QUE CORRESPONDEN A CARRETERA( PISTA) QUE VEN DENDE A ZONA DE SEQUEIROS NA PARROQUIA DA PORTELA( CONCELLO DE BARRO), ATA O CRUCE COA PO-531. SABEMOS QUE NESA ZONA, VAI HABER OBRAS PERO AINDA VAN PARA LONGO. POR ESO PEDIMOS TANTO A DEPUTACION, CONCELLO E XUNTA QUE SE POÑAN DE ACORDO PARA ARRANXAR TANTO A INTERSECION COA PO -531 , COMO SEGUIR CO ARRANXO DA PISTA ATA O TRAMO XA REMATADO ATA O LUGAR DE COUSO E ARRANXADO POLO CONCELLO.  POR SER MOI TRANSITADA, E TAMEN PORQUE ALI HAI EMPRESAS QUE TEÑEN TODOS OS DIAS SAIDA E ENTRADA DE MERCANCIAS. DENDE O PSOE DE DE BARRO QUEREMOS POÑELO EN COÑECEMENTO, DO CONCELLO, COMO ASI SE FIXO NUNHA PREGUNTA NO ÚLTIMO PLENO, A CAL O ALCALDE NON DOU SOLUCION.  TAMEN PEDIMOS APROVEITANDO A OCASION, MAIS SEGURIDADE PARA A ZONA DA PO-531 NO TRAMO DA IGREXA DE CURRO, POR SER UNHA ZONA  DEBIDO AS OBRAS, MOI CARGADA DE TRAFICO. NESE LUGAR OS VECIÑOS RECLAMAN MAIS SEGURIDADE E ILUMINAR MAIS A ZONA.

APROVEITAMOS A OCASION DESTA NOTA, PARA FELICITARLLES A TODOS OS VECIÑOS AS FESTAS E UN FELIZ ANO.
ATENTAMENTE
JOSE SANMARTIN
PORTAVOZ MUNICIPAL.

Un total de 31.356 persoas censadas nalgún do catorce municipios da comarca reside en realidade no estranxeiro, segundo os últimos datos oficiais do Instituto Galego de Estatística, que acaba de facer pública unha comparación destas cifras entre 2009 e 2011. A cifra total que se obtén en Pontevedra, Marín, Sanxenxo, Poio, Vilaboa, Caldas, Ponte Caldelas, Barro, Cuntis, Moraña, Portas, Cotobade, A Lama e Campo Lameiro, mostra que nestes dous anos ese censo de españois residentes máis aló das fronteiras nacionais creceu en máis de 3.200 persoas, un 11,4%.
Esta evolución, que se podería vincular á crise e ao fenómeno da emigración, resulta especialmente rechamante na cidade de Pontevedra, onde o aumento foi do 13,6%, ao crecer ese censo en 1.500 persoas, para pasar dos 11.034 de hai dous anos aos 12.543 actuais. Este considerable incremento contrasta cos datos de municipios próximos, como Caldas (7,9%), Poio (7,1%) ou Sanxenxo (6,3%). No entanto, son moitos os concellos onde se produciu unha saída destacada de habitantes, como Marín (9,8%) A Lama (13,8%) e Vilaboa (10,3%) aínda que os casos máis rechamantes prodúcense en municipios tradicionalmente vinculados á emigración e que desde hai anos presentan un crecemento demográfico negativo. Son os casos de Cotobade e Ponte Caldelas. No primeiro, contabilízanse 1.511 censados residentes no estranxeiro, un 21% máis dos 1.249 de hai dous anos, mentres que en Ponte Caldelas rózase ese mesma porcentaxe con 3.307 persoas fóra das fronteiras españolas, case catrocentos máis que en 2009.
En Barro o aumento foi do 2,1%, igual que en Campo Lameiro, e do 4,5 en Cuntis, mentres que en Moraña chegouse ao 7,3% e en Portas supérase lixeiramente o 8%.

A solución urbanística pactada entre a Consellería de Medio Ambiente e o Concello de Barro para liquidar a contundente sentenza do Tribunal Superior de Xustiza de Galicia (TSXG) que anula o plan urbanístico de parte do polígono de Barro-Meis ten o obxectivo non só de dar plena legalidade ao parque máis grande da comarca, senón tamén conseguir o seu despegamento definitivo, ata agora lastrado pola crise e a súa inseguridade xurídica. O Concello de Barro, co visto e prace oficial, da Xunta, acaba de aprobar un novo plan urbanístico para o sector Outeda-Curro que corrixe as deficiencias denunciadas na sentenza do TSXG.
Con todo, esta solución, que podería relanzar o desenvolvemento do recinto, chega no peor momento, ás portas dunha nova recesión económica no país. De feito, a oferta de chan industrial na comarca (cunha decena de polígonos operativos) é actualmente moito máis elevada que a demanda, moi mermada pola crise.
Esta oferta está encabezada por Barro-Meis. Cunha capacidade total de dous millóns de metros cadrados, na actualidade están urbanizadas 76 parcelas, das que 26 xa están vendidas a empresas de sectores como o hortifrutícola, de gasóleo, granito e de subministración de materiais de bricolaxe. Suman uns 85.000 metros cadrados, pero na actualidade apenas son cinco as empresas instaladas ou en execución. O 65% das súas parcelas (ao redor de medio centenar) aínda están en venda, ao prezo de 147,50 euros o metro cadrado, unha pretensión que a Deputación, promotora do recinto, basea nas boas conexións viarias, tanto co Salnés a través da autovía, como coa AP-9. Dous das súas bolsas de chan, de 440.000 e 236.000 metros cadrados, sitúanse en Meis, mentres que Barro, onde se concentran os problemas xudiciais, achega outras dúas bolsas, de 700.000 e 505.000 metros.
Ademais, están en marcha a execución das principais infraestruturas necesarias para resolver as deficiencias que levaron á anulación xudicial do plan urbanístico. Xa se licitou, por 840.000 euros, a canalización da linea eléctrica ata a subestación do polígono, a execución, por 1,2 millóns máis, a estación depuradora de augas residuais, e a conexión de auga. A Deputación xa suma máis de 20 millóns de euros investidos nuns terreos practicamente baleiros.
Algo parecido ocorre co polígono de Nantes, en Sanxenxo, apenas ocupado anos despois da súa ocupación e aínda pendente de recepción municipal. Aínda que dispón dunha ligazón directa coa autovía do Salnés e a Xunta proxecta outra conexión desde Vilalonga, o seu desenvolvemento é moi escaso.
Curiosamente, outros parques da comarca que dispoñen de accesos moito máis deficientes, conectados mediante estradas comarcais e de capacidade media, presentan uns datos moito máis prometedores. Á marxe do pontevedrés recinto do Campiño, vendido na súa totalidade desde hai anos, o polígono privado do Vao, en Campañó, tamén traballa con éxito e de feito trabállase na súa ampliación para crear un parque comercial alén da estrada de Vilagarcía.
Espazos empresariais en Caldas, Moraña, Cuntis e Campo Lameiro tamén rexistran unha ocupación aceptable, especialmente este último, que rolda o 80%.
Pola súa banda, o parque empresarial da Reigosa, en Ponte Caldelas, ten 24 das súas 47 parcelas vendidas, aínda que no seu maior parte aínda non se instalaron as empresas compradoras. Aínda así, xa se traballa nunha ampliación de 100.000 metros cadrados máis para albergar a unha única empresa. Outra imaxe, moito máis negativa mesmo, presenta a Central de Transportes de Ponte Caldelas, lindeiro co Campiño e A Reigosa. O seu medio centenar de parcelas, urbanizadas en 2005 para albergar a empresas do sector, permanecen aínda en venda seis anos despois de finalizar a obra e tras un ano en oferta. A crise cebouse de forma especial con este recinto.

Nove meses despois da demoledora sentenza do Tribunal Superior de Xustiza de Galicia (TSXG) que anulaba por completo a tramitación urbanística do polígono industrial de Barro-Meis, o Concello de Barro e a Xunta cren atopar a solución para resolver a inseguridade xurídica que pesa desde entón sobre unha vintena de proxectos empresariais nese recinto. No tempo marca de pouco máis dun mes, a corporación que preside o popular José Antonio Landín Eirín remitiu, (o 11 de novembro) á Xunta unha proposta de modificación do plan urbanístico de parte deses terreos, que foi inmediatamente informado favorablemente pola Secretaría Xeral de Ordenación do Territorio (o 24 dese mesmo mes), e aprobado definitivamente pola corporación municipal o pasado 15 de decembro. O trámite refírese ao sector Outeda-Curro, que foi onde se centrou o preito xudicial.
PP e PSOE votaron a favor e o BNG abstívose nun documento cuxa forma xurídica nunha adenda ao Plan Sectorial anulado polo TSXG e que aclara que as deficiencias nas que se baseou aquela anulación xa están emendadas. A sentenza, coñecida en abril pasado, argumentaba a súa decisión sobre a base de dúas carencias que, na súa opinión, coa lei na man fan inviable un polígono industrial como o que promove a Deputación de Pontevedra, a través do Ipespo, dacabalo dos municipios de Barro e Meis: “a falta dunha rede de saneamento no ámbito do polígono” e “un sistema de abastecemento de auga ao conxunto do termo municipal (incluído o polígono) insuficiente”. No documento recentemente aprobado aclárase que xa existen proxectos de abastecemento e depuración en marcha, así como para a subministración eléctrica.
O alcalde de Barro, José Antonio Landín Eirín, asegurou onte que non esta modificación “a sentenza estaría solucionada”, aínda que se mostra cauto respecto diso xa que algún posible recurso ou alegación podería dar ao traste co proceso. Landín asegura que esta vía xurídica dispón do visto e prace oficial da Xunta. De feito, o seu informe, elaborado en apenas unha semana, sinala que “se puido comprobar que a adenda dá cumprimento aos condicionamentos formulados no informe emitido en xullo de 2006 (cando se aprobou inicialmente o plan que despois anulou o TSXG) polo que se informa favorablemente. Aqueles condicionamentos era, por certo, os mesmos que esgrimiu o alto tribunal na súa sentenza, promovida polo recurso de 96 veciños, cos que se tratou de negociar nestes meses para evitar novas complicacións. A Xunta ve agora resoltas esas deficiencias e dá luz verde á “legalización” do polígono, o que aclararía, en teoría, o futuro de todas as iniciativas privadas en Barro-Meis. De feito, desde que se coñeceu a sentenza, varias empresas xa anularan as reservas de chan realizadas na zona. Aínda que a promoción do parque corresponde á Deputación, a tramitación urbanística corresponde en exclusiva ao Concello de Barro. O seu alcalde deixou onte claro que “agora estou moi tranquilo” e asegura que “farei todo o posible para que salga adiante porque é o mellor polígono da provincia e dos mellores situados de toda Galicia”