A Policía Autonómica detivo tres persoas como presuntas autoras de incendios forestais nas localidades coruñesas de Santiago e Ordes e no municipio pontevedrés de Barro.

A Consellería de Presidencia informa de que, o pasado día 11, membros da xefatura de Santiago procederon á detención dunha veciña da parroquia de San Paio, en Compostela, como autora dun lume acontecido neste lugar e que afectou a uns 700 metros cadrados de monte raso.

As chamas, apunta, foron provocadas polo escape dunha queima de restos agrícola na que non se tomaron as medidas de seguridade preceptivas. Polos feitos, instruíronse dilixencias que foron remitidas ao Xulgado de Instrución santiagués.

O mesmo día, os axentes imputaron a un veciño da parroquia de Oroso como presunto autor dun incendio en Santa Cruz de Montaos, en Ordes, que queimou 5.000 metros cadrados de monte raso.

O comezo debeuse á realización neglixente dunha queima para a que non existía autorización e tampouco se tomaron as pertinentes medidas de seguridade. Instruíronse dilixencias que foron remitidas ao Xulgado de Instrución de Ordes.

Por último, este mesmo mércores, membros da Policía Autonómica da xefatura de Pontevedra informaron da imputación dun veciño de Barro como presunto autor dun incendio forestal imprudente, motivado por un escape de queima na parroquia de Agudelo que calcinou 3.100 metros cadrados de superficie arborada.

Por estes feitos, sinala a consellería, tamén se instruíron dilixencias que foron remitidas ao Xulgado de Primera Instancia e Instrución de Caldas de Reis.

Nas pescudas participaron axentes forestais das brigadas de investigación de incendios, mentres que para a extinción foi precisa a actuación dos servizos da Xunta, subliña Presidencia. Xa son 48 os detidos no que vai de ano por delitos relacionados con incendios forestais.

BASES VIII CONCURSO DE FOTOGRAFÍA “IMAXES DE BARRO” 2012.CONCELLO DE BARRO

1. CATEGORÍAS:
Recunchos con encanto en Barro.
A viña e o viño, cultura e tradición en Barro.

2. PREMIOS:
De entre todas as fotografías recibidas, concederanse un primeiro premio e un premio finalista.

1er PREMIO:
Recunchos con encanto en Barro. =75 €
A viña e o viño,… = 75 €

PREMIO FINALISTA:
Recunchos con encanto en Barro. =45 €
A viña e o viño,… =45 €

3. CÓMO PARTICIPAR:
Poderán participar no concurso todas as persoas de casqueira idade e procedencia.
Cada participante poderá presentar un máximo de 2 fotografías polo que non se aceptarán máis de 4
fotografías por persoa.
As fotografías poderán ser en color ou en branco e negro e realizadas mediante unha cámara
analóxica ou dixital.
Envíos:
O participante deberá enviar a/s fotografía/s atendendo ós seguintes requisitos:
– Enviar unha impresión en papel fotográfico de tamaño de 24 x 30 cm., en color ou en branco e
negro e en soporte dixital.
No dorso de cada fotografía deberá figurar:
– categoría
– temática.
– lema igual para o conxunto de fotografías.
– título de cada una.

Exemplo:
Lema: dentro da auga
Titulo da fotografía:xira rio.
Temática: Recunchos con encanto
Nun sobre pechado co mesmo lema e categoría escrito por fora, deberán axuntar os seguintes
datos: nome e dirección teléfono fixo e móbil do autor, lema, título, lugar e data da fotografía.
Toda a información deberá enviarse por correo ou entregarse no concello con rexistro de entrada
nun sobre pechado a: Concurso Fotografía “Imaxes de Barro 2012”. Santo Antoniño Perdecanai,
s/n. 36194 Barro Pontevedra

Calendario:
– A data de recepción comezará o 15 de marzo de 2011 e rematará o 15 Maio de 2012, ambas
inclusive. Os traballos recibidos despois da data de reunión do xurado quedaran excluídos.
-Venres 18 de maio reunión do xurado.
-O fallo do xurado farase público nos medios de comunicación e na páxina de Internet http://www.barro.es
durante o mes de maio de 2012.
Xurado:
O xurado estará integrado por:
-Alcalde ou persoa en quen delegue.
-2 expertos en fotografía
-Actuando como secretaria, a Informadora Xuvenil do Concello de Barro.
Os criterios de avaliación do xurado serán a creatividade e a calidade fotográfica.
A selección dos ganadores será a discreción absoluta do xurado e o seu fallo será definitivo e
inapelable.
Os premios serán entregados durante a celebración da Festa do Viño durante o terceiro fin de
semana do mes de xuño de 2012, (15,16,17).

4. RESTRICCIONES
-Non se aceptarán fotografías realizadas por persoas distintas o autor ou que non sexan propiedade
do autor.
-Non se aceptarán fotografías que xa se publicaran, exhibiran ou premiaran con anterioridade.
-As fotografías deberán ser realizadas dentro dos límites do Concello de Barro.
O participante manifesta e garantiza ó concello de Barro que é o único titular de todos los dereitos do
autor sobre a fotografía que presenta ó Concurso.
-A participación no Concurso leva a cesión por parte dos gañadores e finalistas a favor do Concello
de Barro dos dereitos de reprodución e distribución, sobre as obras fotográficas, e a exposición dos
seus traballos durante o ano 2012. Así mesmo poderán aparecer tanto nas publicacións editadas
polo Concello de Barro con referencia á Festa do Viño como na Web http://www.barro.es, sempre citando
a procedencia e autor.

-Os participantes que non cumpran con calquera dos requisitos indicados nesta convocatoria serán
descalificados automaticamente.

5. XERAIS
As impresións en papel fotográfico, enviadas o concurso serán devoltas ós participantes que
pasarán a recollelas pola Oficina de Información Xuvenil do Concello.
Correrá a cargo de cada participante o risco por perdidas ou danos ás fotografías durante o envío.
O enviar a súa imaxe, o participante acepta cada un dos termos e condicións aquí expostas.

A titular de Fomento explicou que o plan ata 2024 inclúe a construción de 486 quilómetros de novas autovías, cun investimento de 3.840 millóns. Entre os obxectivos están terminar a autovía A-8, a do Cantábrico e sobre todo construír o novo corredor entre Vigo e Porriño, completando así a A-52, que agora ‘morre’ no Louro. Ademais Pastor falou das autovía que unirá Santiago e Lugo (A-54); a que irá de Ourense a Lugo (A-56); a A-57 (Porriño-Pontevedra), que ‘ten seis tramos, todos con proxectos en redacción’, salvo o de Barro-Curro-Valga, que está en estudo informativo; e a A-59, (Vigo-Pontevedra) que ten tres tramos co proxecto en redacción. Ana Pastor compareceu no Senado para presentar o Plan de Infraestructuras 2012-2024, dentro do que incluíu a creación deste ente de proximidade galego. ‘En proximidades necesitamos traballar’, dixo. Tamén chamou a atención que se referiu en varias ocasións á liña de alta velocidade Zamora-Ourense-Vigo ‘onde o investimento pendente é de 8.373 millóns’ e o tramo Vigo-Ourense por Cerdedo ‘onde faltan 2.200 millóns’.

VETERANOS

Venres 16 ás 21 h. na Biblioteca de Barro

Barro, 14 de marzo de 2012. É evidente que estamos a padecer unha grave crise económica que ten a súa orixe na aplicación das receitas neoliberais nas últimas décadas. Unhas receitas que apostaban pola economía especulativa en vez de pola produtiva e que deixaban en mans das grandes corporacións o control da economía. As consecuencias son evidentes: declive económico, perda de dereitos sociais básicos, deterioro dos servizos públicos e aumento do paro e das desigualdades sociais.

Lonxe de facer fronte ás causas desta crise, o PP, seguindo submisamente os ditados da Unión Europea, está a levar a cabo tanto no Estado coma en Galiza unha política económica cuxo obxectivo non é a dinamización económica nin a creación de emprego senón, única e exclusivamente, a redución do déficit público. E faino non cunha reforma fiscal que faga pagar máis a quen máis ten, nin reducindo de forma drástica os disparatados gastos militares, nin eliminando institucións obsoletas e caciquís como as Deputacións, nin suprimindo ministerios cuxas competencias están transferidas ás comunidades autónomas, senón que o fai recortando no gasto social e nos servizos básicos (sanidade, educación, etc.), na promoción do emprego e no investimento, até o punto que en Galiza só se adican a investimento hoxe 79 céntimos por cada 10 euros do orzamento da Xunta.

Toda esta política traduciuse nun aumento de máis de 6 puntos na taxa de desemprego, e un record histórico no número de parados e paradas, que se aproxima ás 275.000 persoas. E o máis dramático é que coas medidas adoptadas por Feijoo non só non se puxo fin á crise e ao desemprego en 45 días (como prometera en campaña electoral) senón que estamos a día de hoxe nunha situación crítica en todos os sectores produtivos da nosa economía e non se albiscan cambios que permitan unha reactivación económica e, en consecuencia, creación do emprego. As políticas do PP demostraron que só sirven para deprimir a economía e o emprego vai.

A reforma laboral do PP –en moitos aspectos continuísta da aprobada polo anterior goberno do PSOE- vai no sentido de facilitar aínda máis o despido, precarizar a situación laboral dos traballadores e traballadoras, reducir salarios e incrementar a xornada laboral. Esta reforma, ao incidir sobre a capacidade de consumo das maiorías sociais, afectará tamén moi negativamente á pequena é mediana empresa.

Para falar polo miúdo destes temas, o BNG está a levar unha intensa campaña de información aos veciños e veciñas. Dentro desta campaña terá lugar este venres ás 21 h. na biblioteca un acto público que contará coa participación do Portavoz Municipal do BNG, Xosé Manuel Fernández Abraldes, o Secretario Comarcal da CIG, Rafael Iglesias, e a Deputada e membro do Consello Nacional do BNG, Carme da Silva.

Un home de 54 anos. J.F.M., resultou ferido onte pola tarde nun accidente laboral en Barro. Segundo o 112, o incidente ocorreu ás 15:11 horas cando un traballador feriuse unha perna cunha máquina nas obras do polígono de Curro, xunto á estrada de Vilagarcía. O 061 desprazou ao lugar unha ambulancia que trasladou ao home ao Hospital Domínguez en Pontevedra.

O meu traballo de economista consiste en facer que pareza necesario o intolerable

López-Chaves introduciulle hai 35 anos na defensa do patrimonio.

O conselleiro de Medio Ambiente, Territorio e Infraestruturas, Agustín  Hernández, avanzou esta mañá que o departamento que dirixe licitará antes deste mesmo verán a redacción do proxecto para a conexión da estrada PO-531 (Pontevedra-Baión) coa N-550. Hernández fixo estas declaracións na XXI Edición da Festa do Caldo Galego de Mourente, organizada pola Asociación de veciños do Castro de Mourente. O obxectivo da Xunta de Galicia é dispoñer deste documento antes de que remate o ano 2012.

Segundo sinalou o conselleiro esta actuación permitirá solucionar os tráficos periurbanos da capital pontevedresa, mellorando as conexións viarias no norte da cidade mediante un vial con maior capacidade que conecte as estradas AP9, coa PO-531 e o seu enlace coa N-550. A actuación que se programa, coñecida como Variante de Alba, levarase a cabo ao longo de 850 metros e complementa a mellora da capacidade nos 4,6 quilómetros da PO-531 entre Pontevedra e Curro, que se transformará nunha vía urbana co obxectivo de compatibilizar o tráfico coa actividade existente na súa marxe.

Segundo indicou o conselleiro, este novo vial permitirá conectar as estradas de Vilagarcía e Santiago e evitar o paso actual baixo a liña do ferrocarril.