A.MARTÍNEZ – MEIS. O alcalde de Meis, José Luis Pérez, iniciou os
trámites para recuperar a titularidade dos terreos de San Lourenzo de Nogueira onde se ía construír a parte de Meis do polígono industrial de Barro-Meis, pero que posteriormente quedou inutilizada pola construción do macronó de Curro.
O rexedor indicou que se puxeron en marcha os trámites, se ben polo momento tampouco sabe exactamente como se fará. “Vamos a optar pola fórmula administrativa que sexa máis sinxela porque os veciños afectados polo nó xa cobraron”, explica José Luis Pérez.
Meis contaba inicialmente con preto de medio millón de metros cadrados para o polígono industrial, situados principalmente en terreos da comunidade de montes de San Lourenzo de Nogueira, pero tras as obras do macronó de Curro quédanlles uns 200.000.
O que si avanza José Luis Pérez é que non vai xestionar a consecución de novos terreos porque “por agora chegan os que temos e ademais está aí ao lado o polígono de Barro”. En canto ao proxecto de instalación dunha planta de produción de enerxía eléctrica con biomasa forestal en San Lourenzo, indica que polo momento non se produciron novidades.
Mañá mércores na terraza de Barosa.
Gonzalo Arca en directo este mércores 8 de agosto a partir das 21:30 h. Entrada gratuíta.
Unha pequena bio do artista.
Tras o seu paso polas bandas Vao Permanente, ThePreachers Of Rock & Roll e Sugar Mountain afronta agora a súa carreira en solitario. No seu repertorio conviven temas propios e versións de artistas do talle de Bob Dylan, The Beatles, Chris Robinson, TheRollingStones,… Unha guitarra acústica e a súa esgazada voz compoñen todo o arsenal que presenta nos seus directos.
A progresiva caída dos ingresos propios e das transferencias de Xunta e Estado
colocaron nunha situación límite a concellos como o dos Blancos, que mesmo chegou a anunciar en maio que non podía pagar a nómina dos seus traballadores. Pero xa en 2009, cando a crise só empezara a golpear, as contas de moitos municipios arroxaban cifras alarmantes. Así o revela o último informe do Consello de Contas, que tras someter a fiscalización os ingresos e gastos das entidades locais durante ese exercicio conclúe que 71 delas presentan datos “indicativos de nula solvencia e liquidez”. Dezaseis deles atópanse na provincia de Pontevedra, entre eles Vilagarcía, Oia, Nigrán,Barro,Portas e, no primeiro posto, Moaña.
Para chegar a este diagnóstico, o ente fiscalizador analiza a viabilidade financeira dos municipios en base ao aforro neto e o remanente de tesourería. No primeiro caso, detecta 69 que pecharon o exercicio en negativo, o que significa que os seus ingresos correntes (impostos, taxas municipais, transferencias do Estado…) foron insuficientes para cubrir tanto gastos diarios como amortizacións de débeda.
A incapacidade para aforrar destes concellos é preocupante pero non tanto como a dos 71 que acabaron 2009 cun remanente de tesourería negativo. Segundo o informe presentado onte en Santiago polo conselleiro maior, Luciano Fariña, estas entidades quedáronse sen recursos para poder responder ante o que deben, xa que a súa tesourería (o diñeiro do que poden dispor) pechou o ano en negativo, “indicativo da nula solvencia e liquidez da entidade local”. “Deberían adoptar medidas para garantir a sustentabilidade dos seus gastos correntes sen necesidade de acudir a mecanismos excepcionais de financiamento”, aconsella. Nos casos máis graves como os de Moaña e Carral (os dous concellos que lideran o ranking) a situación chega ao extremo de que os ingresos que rexistraron durante 2009 igualan practicamente a cifra que deben, o que fai insustentable equilibrar as contas.
A actualización catastral realizada, ao amparo do preceptivo convenio de 
colaboración, polo ORAL permitiu sacar á luz 16.975 unidades (vivendas, baixos, pisos, naves, galpóns…) en 37 municipios da provincia e en consecuencia incrementar a recadación dos impostos de bens inmobles (IBI) urbano en 8,4 millóns de euros respecto ao ano anterior. Unha cifra que case alcanza o nove millóns se se suman os ingresos derivados do citado IBI urbano, a contribución rústica e o imposto de bens de características especiais.
En total o ORAL €o organismo autónomo de recadación da administración local adscrito polo momento á Deputación de Pontevedra€ reintegrará este ano nas arcas municipais dos 51 concellos cuxa recadación xestiona algo máis de 54 millóns de euros fronte aos case 45,3 millóns do pasado ano.
O presidente da Deputación de Pontevedra, Rafael Louzán, que onte fixo público estas cifras destacaba a importancia de actualizar o censo dun catastro, que en moitos casos levaba máis de dez anos sen ser revisado, polo que supón tanto de control e planificación de servizos como de ingresos ao erario público.
Segue lendo en:
Este venres teremos música mexicana en directo no escenario da Muiñada de Barosa. A partir das 22:00 h. e con entrada de valde DURANGO S.A.
NOTICIAS DE BARRO 