O viveiro de empresas do polígono de Barro-Meis terá dous novos moradores. A presidenta da Deputación de Pontevedra, Carmela Silva, e o alcalde de Barro, Xosé Manuel Fernández Abraldes, asinaron este martes os contratos de cesión de espazos para a instalación de dúas novas iniciativas empresariais.
Os dous novos proxectos pasarán a ocupar un total de tres naves, cunha extensión total de máis de 250 metros cadrados, e Carmela Silva destaca o “carácter innovador” das iniciativas e a importancia de que existan persoas emprendedoras con estas aptitudes, pois “repercuten na mellora da economía local e de toda a nosa provincia, á vez que nos axudan a poñernos no punto de mira da innovación, da vangarda e da modernidade”.
Un dos proxectos é Top Look Auto, unha iniciativa dedicada á restauración estética e á recuperación de vehículos, que ocupará unha nave de 80,70 metros cadrados. O outro é o da empresa Piscaretes, que ocupará dúas naves do viveiro de empresas de 96,35 e 80,70 metros cadrados para levar a cabo o seu proxecto de captura, explotación, procesado e comercialización de diferentes produtos invertebrados do mar.
O alcalde Barro destacou que o viveiro de empresas de Barro-Meis está practicamente cheo, algo que quere dicir que “é un bo proxecto e que ten unhas condicións axeitadas para o seu desenvolvemento”. Ademais, insistiu en que é unha aposta estratéxica de futuro para xerar economía e é moi importante darlles oportunidades á xente nova.
Mañá 26 de abril inauguración da exposición De Pontevedra a Río 2016 ás 20:30 h. na sala de exposicións do Concello.
A tristeza facíase notar onte no instituto Vale-Inclán de Pontevedra e o IES de Barro. O falecemento de Toñi Martínez Cedeira, que actualmente daba clases no citado centro pontevedrés pero que estivo moitos anos como docente en Barro, deixou mudos a profesores e alumnos. No Val-Inclán, apenas compartiron con ela un trimestre, xa que logo causou baixa pola enfermidade contra a que acabou perdendo a batalla. Aínda así, fontes da dirección destacaban o seu bo carácter. En Barro, onde a profesora chegou no 2003 e onde deu clases a xeracións e xeracións, dicían que Toñi era unha desas profesoras que deixan pegada, tanto pola súa forma de ensinar matemáticas como polo carácter alegre e amable. De feito, varios exalumnos chamaron ao centro para preguntar si era ela a que falecera, coa esperanza de que non fose así. Porque Toñi, por cuxo descanso se oficiará hoxe un funeral en Santa María A Maior, vaise demasiado pronto. Tiña só 51 anos.
Crece a mancomunidade Terras de Pontevedra. A Lama forma parte xa deste organismo que traballa para poñer en valor, mellorar e aumentar a calidade dos recursos turísticos dos, a partir de agora, oito municipios que a integran.
Anabel Gulías explicou que a mancomunidade se amplía tamén grazas á fusión entre Cerdedo e Cotobade, ao incorporar todo o territorio do primeiro destes dous municipios. Ademais, Barro -que a abandonou hai anos- estuda agora volver integrarse nela.
Xunto con estes cambios, a xunta directiva acordou traballar para duplicar o orzamento de Terras de Pontevedra que, o pasado ano, tivo un orzamento de 102.915 euros.
As achegas económicas fanse de forma proporcional entre os concellos que a forman: Pontevedra, Poio, Marín, Ponte Caldelas, Campo Lameiro, Cotobade-Cerdedo, A Lama e Vilaboa.
Ademais, os concellos aprobaron a renovación do convenio coa Xunta, ao entender que a colaboración entre institucións debe ser un dos eixos centrais da súa actuación para poder vender turisticamente todo o seu ámbito de actuación dunha forma conxunta.
A edil do BNG explicou que sería un “erro garrafal” que cada concello se “venda” por si mesmo e apostou por “reforzar alianzas” para situar a comarca como destino turístico.
O domingo 23, ás 12 da mañán, vaise presentar na Cultural de Curro o libro sobre José Arcos Moldes (Outeda,Curro 1865 – Rianxo 1944), escrito por Xosé Comoxo e Xesús Santos.
José Arcos Moldes, que naceu en Outeda, fillo de Jerónimo Arcos Outeda, e de Soledad Moldes Falcón, de Bretoña, trasládouse a Rianxo de neno, con toda a familia, a herdar os bens dun tío avó en 1871.
No Rianxo de finais de século XIX e principios do XX, tivo un papel fundamental, no eido da promoción cultural, asociativa, e no ensino.
Foi director da revista “El Barbero Municipal”, primeira na que Castelao comeza a publicar, e foi tamén promotor, director, e letrista, de comparsas do entroido Rianxeiro.
Firme defensor da cultura, como xerme de progreso, e loitador contra o caciquismo.
NOTICIAS DE BARRO 