O trazado da segunda etapa da Volta a Galicia consta de 148 quilómetros que discorrerán polas localidades de Vilalonga, Cambados, Vilagarcía, Catoira, Caldas de Reis, Barro, Leiro, Samieira e Sanxenxo, onde os ciclistas deberán afrontar a ascensión aos altos de Carracedo (terceira categoría), OBusto (segunda categoría) e A Escusa (primeira categoría).
A Garda Civil auxiliou este martes a unha peregrina que sufriu unha caída fortuíta cando realizaba a pé o Camiño de Santiago.
Cando unha patrulla do Destacamento de Tráfico da Garda Civil de Pontevedra circulaba á altura da parroquia de San Amaro, do municipio de Barro, observaron a varias persoas que estaban a auxiliar a unha peregrina que se atopaba tirada no chan.
Ao apearse do vehículo para prestar axuda comprobaron que esta persoa, unha muller de 66 anos, veciña de Murcia, queixábase dunha forte dor nunha perna, á vez que sufría unha perda de consciencia.
Despois de colocar adecuadamente á vítima nunha situación de seguridade, reiterouse o envío urxente dunha ambulancia e foi trasladada inmediatamente ao Hospital de Montecelo, para ser atendida dunha posible fractura na perna que sufriu a consecuencia dunha caída accidental.
MÁIS INFORMACIÓN:
https://pontevedraviva.com/xeral/48594/herida-peregrina-caer-mientras-hacia-camino-santiago/
Con motivo do inicio do curso escolar, o alumnado do Colexio vai poder disfrutar o mércores 12 da obra “Leonardo e os fontaneiros”, representada por Ubu Teatro. Esta actividade, organizada polo concello, forma parte da programación do Ano da Lingua do servizo de Cultura da Deputación e está relacionada coa homenaxeada das Letras Galegas 2018, Mª Victoria Moreno
ACTIVIDADES DE BALDE
Días 14/15 e 16 setembro na escola de Agudelo en Barro
(42.529796, -8.654539). Actividades de balde.
– SESIÓN AUTOCINE.
Proxección ‘’Pradolongo’’ do director Ignacio Vilar
• Venres ás 21.30 h
– OBRADOIRO ”CESTERÍA INTUITIVA”.
Construción dun ourizo cacho.
Julia De la Parabólica
• Sábado ás 10.30 h
– OBRADOIRO ”Á VISTA DE DRONE”.
Iniciación e pilotaxe.
AeroMorrazo
• Sábado ás 16.30 h
– charlas INICIANDO NO RURAL
Iniciativas de éxito, innovadoras e sostibles para o desenvolvemento do medio rural
• Domingo de 18.30 h a 20.30 h
– CONCERTO Fan Blues
+ Aperitivo
Domingo ás 20.30h
Máis información e inscricións: colectivo.espazo16@gmail.com ou 658491572
Aviso moi importante para as persoas ás que lles chegou unha carta de catastro, con notificacións da revisión catastral.
Como se está comprobando que hai moitos erros nas valoracións, apliase os días de información até o mércores.
E importante que todos os afectados pasen a comprobar se están ben os datos, anque xa pagaran a tasa de 60 euros.
O polígono de Barro contará moi pronto cunha nova empresa. Trátase de Mariscos Alumar, unha compañía que procesará produtos do mar, especialmente marisco. Os seus responsables avanzan que crearán unha trintena de postos de traballo. A previsión é que estean operativos a finais da primavera de 2019.
A fábrica ocupará unha parcela de 1.800 metros cadrados, mercada por un prezo de 182.000 euros. O proxecto aprobado polo Concello recolle a edificación de 1.300 metros cadrados, dos cales 200 metros serán destinados a oficinas.
O alcalde, pola súa banda, transmitiulle oagradecemento do goberno municipal por ter escollido o polígono industrial de Barro para situar o seu proxecto empresarial.
https://pontevedraviva.com/xeral/48453/procesadora-mariscos-creara-treintena-empleos-poligono-barro/
