Nas pasadas eleccións, un 35% dos galegos non votaron. Feijoo obtivo a maioría absoluta co voto de 30 de cada 100 persoas con dereito a voto.
De acordo coas enquisas, se o 21 de outubro a abstención sobe ata un 45%, o PP pode obter a maioría absoluta con só 21 votos de cada 100 persoas censadas!!!
Ó día seguinte, Rajoy dirá que os recortes contan co apoio maioritario da sociedade galega! Non quedes na casa: a educación, a sanidade, a dependencia, DEPENDEN DE TI.
Difunde ós teus amigos galegos

Hoxe Xoves 11 ás 20:30 na biblioteca municipal acto con Xosé Manuel Fernández Abraldes e Luis Bará Torres.

O BNG ten unha traxectoria de oposición coherente e contundente, tanto nas mobilizacións sociais como nas institucións, ás políticas ditadas polas elites económicas que executan a Unión Europea, os gobernos españois (antes do PSOE e agora do PP) e a Xunta de Galiza. Están aplicando un programa incesante de recortes nas conquistas e dereitos económicos e sociais, para  destinar inxentes cantidades de recursos públicos ao beneficio privado:

Róubase ao pobo para salvar e rescatar á banca privada da crise financieira que provocaron.

Dende o BNG queremos manifestar a nosa satisfacción polo acordo entre a Deputación e o Concello de Barro cos veciños e veciñas de Curro para desbloquear a inseguridade xurídica na que se atopaba o polígono industrial de Outeda.

Coincidimos co sr. Louzán en que nunca se tiña que ter chegado a esta situación, e que con diálogo se poden solucionar os problemas. Mágoa que ese diálogo só chegara cando as sentenzas xudiciais bloquearon o desenvolvemento do polígono, e non se producise ao comezo do conflito nin cando saíu a sentenza que anulaba a tramitación.

Os responsábeis do PP terán que explicar por que non quixeron dialogar cos representantes veciñais cando estes así o demandaron.

O BNG está certo que, se nun primeiro momento se desen garantías aos veciños de que non se permitirá a instalación de industrias perigosas e contaminantes neste polígono, non teriamos chegado a esta situación.

Asdo: Xosé Manuel Fernández Abraldes

Os nacionalistas solicitan un Pleno Extraordinario

 Mentre non se executan as obras definitivas do chamado Nó Pequeno, a carón da igrexa de Currro, o BNG esixe a inmediata reposición da rotonda provisional esixente nese punto mentres se realizaban as obras do Macro Nó.

 Neste sentido, o BNG presentou una moción no Concello de Barro e a solicitude dun Pleno Extraordinario para que toda a corporación se sume a esta demanda.

Dende que foi suprimida a rotonda provisional, cada cruce dun vehículo nese punto (e non falemos xa dos peóns) convértese nunha manobra de máximo risco. A elevada velocidade dos vehículos de paso, así como o confuso da sinalización fai que ese punto sexa moito máis perigoso do que foi nunca.

A actuación do PP a respeito das obras da PO-531 en Curro demostran o total desprezo que teñen pola seguranza dos veciños e veciñas de Barro. Dende que chegaron ao goberno da Xunta adicáronse a darlle largas ao comezo das obras con presuntas modificacións dun proxecto que xa quedara consensuado no fundamental co anterior goberno.

A tomadura de pelo aos vecinos de Barro confirmouna o conselleiro Hernandez no mes de xuño pasado, ao informar que a reforma desta estrada quedaba en suspenso, e que o chamado Nó Pequeno, a carón da igrexa aínda non sabían como resolvelo.

O PP antepón a velocidade do tráfico á seguranza da xente

Compre lembrar que a solución definitiva a este cruce tan perigoso xa estaba aprobada e orzamentada pero, no seu afán de aforrar cartos en seguranza, o PP renuncia a ese investimento.

Os vecinos e veciñas de Curro estiveron moito tempo soportando as molestias das obras do Macro Nó, e agora son “premiados” coa decisión irresponsábel dos gobernantes do PP de suprimir a rotonda provisional que, polo menos, servía para calmar a velocidade do tráfico e daba una mínima seguranza á circulación do tráfico local.

O BNG esixe una solución definitiva a ese cruce tan perigoso, mantendo a separación do tránsito de paso e do tránsito local, e permitindo que a xente que se mova a pé nese contorno o poida facer con total seguridade.

Con nocturnidade, a Xunta de Galiza vén de pintar a pasada noite o nó pequeno de Curro, eliminando a rotonda provisional que existía até o este momento. Esta rotonda foi unha demanda histórica dos veciños e veciñas de Curro, e estaba contemplada no proxecto pactado entre o anterior goberno da Xunta de Galiza e os colectivos políticos e veciñais de Barro.

O proxecto orixinal, froito de combinar as solucións técnicas coa negociación cos representantes políticos e veciñais para acadar a solución máis segura contemplaba -compre lembralo- o soterramento do tráfico de Pontevedra a Vilagarcía e unha rotonda en superficie para o tráfico de Curro.

O BNG considera que a actuación da actual Xunta de Galiza eliminando mesmo a rotonda provisional que daba servizo aos veciños e veciñas de Curro é un total despropósito que incumpre todos os acordos acadados até o momento, e, polo tanto, esixe que se respecte o proxecto orixinal, acordado por unanimidade dos axentes políticos e sociais, soterrando o tráfico de paso e cunha rotonda en superficie para o tránsito local.

Barro a 11 de agosto de 2012

O PP confirma que non se sabe cando se vai acometer a reforma da PO-531.

Barro, 21 de Xuño de 2012 Desde que o PP chegou ao goberno da Xunta na primavera de 2009, o único que fixo a respecto da mellora da PO-531 foi enganar aos veciños con desculpas periódicas, para non investir un euro na mesma.

Tal e como ten denunciado o BNG, a reforma do proxecto xa estaba acordada e pactada co goberno anterior, e o PP adicouse todo este tempo a tentar confundir con modificacións do proxecto, novos anuncios de novas modificacións, presentacións varias do mesmo proxecto, é dicir, enganos contínuos, para acabar recoñecendo esta semana que van rematar a lexislatura sen investir nada na mellora desta estrada, tan perigosa para a circulación das persoas e vehículos.

A respecto do nó pequeno xa é o colmo que o conselleiro diga que non sabe que vai facer. Máis ben debera recoñecer que non vai facer nada.

Outro dos compromisos que se lle esquece ao PP é o que fixeron en febreiro de 2008 Ana Pastor, Rafael Louzán, Telmo Martín e o propio Agustín Hernández de que se chegaban ao goberno suprimirían a peaxe da autoestrada entre Pontevedra e Curro. Xa están en todos os gobernos e dese compromiso non queren falar.

Os veciños e veciñas de Curro levan anos soportando as molestias e a inseguridade que supón o desvío do tráfico polas obras do macronudo, pero eles non van ver ningunha mellora nas súas condicións de vida nin na súa seguridade, xa que o PP vén de confirmar que non se vai facer nada nin na mellora da estrada nin nos cruces tan perigosos que dan a ela.

Sr. Alcalde:

O abaixo asinante, Xosé Manuel Fernández Abraldes, portavoz do grupo municipal do BNG no concello de Barro, presenta a seguinte MOCIÓN referente á mellora da seguridade viaria na N-531 en Curro

EXPOSICIÓN DE MOTIVOS:

As obras do chamado nó pequeño de Curro na N-531 (a carón da igrexa), están sen comezar. O BNG ten información de que a Xunta está reformando o proxecto aprobado e orzamentado coa intención de reducir o investimento.

Este punto, pola intensidade de circulación, tanto de vehículos como de peóns, que soporta é o máis perigoso de toda a estrada.

A Xunta anterior deixou aprobado un proxecto, despois de negociar cos representantes políticos e veciñais, que soterraba o tráfico de paso, deixando unha rotonda a nivel, tanto para a circulación do tráfico local como, sobre todo, para que a gran cantidade de persoas que se moven a pé nese entorno o fagan con total seguridade.

O concello de Barro non pode aceitar que por criterios única e exclusivamente de aforro económico se poña en risco a seguridade das persoas.

Por todo o exposto o concello de Barro acorda aprobar a seguinte

MOCIÓN:

Dirixirse á Xunta de Galiza para demandar que se manteña o proxecto de soterrar o tráfico para dar seguridade a esa intersección de estradas, tal e como estaba previsto no proxecto orixinal, que xa estaba aprobado e orzamentado

Barro, 21 de marzo de 2012

O PP ven de aprobar o orzamento municipal para o 2012 por un importe que ascende aos 1.771.360 euros. Trátase, unha vez máis, dun orzamento ficticio, con partidas de ingresos infladas artificialmente, que único que fará será incrementar o déficit municipal, como ven sucedendo ano tras ano.

Compre lembrar que a política levada a cabo polo PP nos últimos 12 anos incrementou alarmantemente a débeda do Concello. Tanto é así, que o propio PP veuse na obriga en 2010 de aprobar un plan de saneamento para as contas municipais.

O balance deste plan de saneamento non podería ser máis demoledor: o déficit pasou de algo máis dun millón de euros en 2009 aos case millón trescentos cincuenta mil euros ao remate do exercicio de 2010.

O orzamento para 0 2012, que ven de aprobarse co voto en contra do BNG, reincide nos mesmos erros que os anteriores, cunha previsión de ingresos que a todas luces non se vai cumprir. As cantidades consignadas no capítulo de ingresos son tan falsas que o mesmo alcalde tivo que recoñecer que non sabía que transferencias se ían recibir nin do Estado nin da Xunta de Galiza. Polo tanto as cantidades reflectidas nos orzamentos son esas como poderían ser outras calquera, non teñen ningunha base obxectiva.

Para o BNG esta forma de actuar do PP, que se repite ano tras ano con nefastos resultados para o concello, é unha temeridade.

O orzamento para o 2012 tampouco recolle (e tamén é algo que se repite ano tras ano), as facturas pendentes de pago por parte do Concello. Facturas non recoñecidas por falta de consignación orzamentaria (as coñecidas como “facturas nos caixóns”), e que ascenden a centos de miles de euros.

A pésima situación económica do Concello de Barro non se pode achacar só á crise actual. Compre lembrar que o déficit en Barro xa ven de 1997, con 23.212 euros, unha cantidade que en 2004 pasou a 147.000 mil, e que en 2007, en pleno “boom” económico, era xa de 668.000 euros. Unha demostración de que o PP en vez de aproveitar os tempos de “vacas gordas” para sanear o Concello, o que fixo foi endebedalo aínda máis.

Chegados a esta situación o único que se lle ocurre ao sr. alcalde é cargarlle aos veciños e empresas de Barro as consecuencias da súa mala xestión, cunha suba desproporcionada de taxas e impostos para o ano 2012. Temos, por exemplo, que o imposto de circulación (IVTM) sube un 30%, e a taxa por recollida do lixo nada máis nin nada menos que un 900%. Por certo, a suba desta taxa non está sustentada en ningún estudo económico.

Resulta paradóxico, e un exemplo nídio da xestión económica do PP, que mentres se fai recaer a suba de taxas e impostos nos veciños e nas empresas de Barro, non se lle cobra á empresa organizadora do mercadillo dos domingos os 48.000 euros que a día de hoxe adebeda ao Concello.

Aos líderes do PP éncheselles a boca decindo que non é tempo de subir impostos á xente, que hai que baixar o déficit e que non debe haber facturas nos caixóns. Curiosamente alí onde goberna, e o Concello de Barro é un bo exemplo disto, fai xustamente todo o contrario.

Asdo: Xosé Manuel Fernández Abraldes

O BNG quere agradecer todos os apoios recibidos nas eleccións pasadas do domingo 22 en Barro.

A pesar de que o PP perdeu un dos seus concelleiros, quedando con 6, o cambio aínda non foi posíbel, e polo tanto o BNG, que acadou tres concelleros/as seguirá catro anos máis traballando dende a oposición.

Ese traballo irá dirixido, como sempre facemos, a fiscalizar a actuación do goberno municipal pero ao mesmo tempo a aportar propostas e solucións aos moitos problemas que ten o noso concello. Seguiremos como sempre fixemos a disposición dos veciños e veciñas de Barro!!!

GRAZAS!!

1 Como en todo ou país é ou paro e a situación económica. Pero en Barro tamén é ou estancamento do concello, debido a un goberno municipal esgotado, ineficaz e totalmente superado polas necesidades de xestión que require un concello destes tempos. Por iso \ tantas chapuzas de tramitación dous polígonos industriais, falta de servizos e de equipamentos.

2 Traballar para que Barro medre, e desa maneira xerar actividade económica. Darlle unha solución definitiva aos polígono industriais, e acadar ou asentamento de novas empresas. Tamén temos que mellorar a calidade de vida dúas veciños.

3 Ou primeiro é asumir ou erro de cando se realizou unha tramitación incorrecta do mesmo, a pesar dás advertencias que se lle fixeron. E a partir de aí actuar con responsabilidade. É necesario resolver a situación canto antes, pero é máis importante facelo de tal maneira que sexa indiscutible a seguridade xurídica de cara ao futuro.

4 Debería selo pola inmellorable situación xeográfica, pero non ou é. A día de hoxe aínda \ menos poboación que hai 30 anos cando empezou a gobernar ou Partido Popular. Ou problema é que tanto as persoas de aquí como as que veñen a vivir a Barro atópanse coa total falta de servizos, malos equipamentos e nulas posibilidades de esparcimento.

5 Teño moita confianza en que a loita e ou traballo serio que está a facer a plataforma veciñal, xunto coas alegacións do BNG, dean vos seus froitos. Agardo polo tanto que Fomento rectifique ou trazado e non acométase a barbaridade que supón ou proxecto tal como estaba ata agora.

6 Non é unha cuestión de anos, senón de proxecto e ganas de adicación. Ou que non é lóxico é que un alcalde que non evoluciona siga gobernando.

bng xosé m. fernández abraldes

PDF PREME AQUI Emprego municipais 2011 (1)