A Asociación As 13 rosas de Barro presentará este venres o fondo bibliográfico ‘Casares Quiroga’, un proxecto desta entidade que ten como obxectivo crear unha biblioteca itinerante para levar polas seis parroquias de Barro.

O fondo bibliográfico estará constituído por 1.800 libros, entre eles, obras de ensaio, texto, poesía ou historia. Todos son actuais e de primeira actualidade e foron doados por entidades e editoriais. A asociación promotora destaca que as entidades doantes envorcáronse co proxecto “solidaria e altruistamente” co fin de achegar a cultura ao medio rural.

A Asociación As 13 rosas define este proxecto como unha “cadea de favores” que termina coa opción do acceso á lectura de todos os veciños de Barro, con independencia da súa localización.

O acto de presentación, previsto para as 19.00 horas deste venres 13 no centro cívico Alcalde Castor Castro, contará coa presenza do ex director da UNED en Pontevedra Gerino Calvo e a neta do poeta Celso Emilio Ferreiro.

http://pontevedraviva.com/xeral/33508/proyecto-trece-rosas-seis-parroquias-de-barro-biblioteca-itinerante/

Este venres no CENTRO CÍVICO CASTOR CASTRO a nosa Asociación inaugurará o seu fondo bibliográfico que recibe o nome de Fondo Bibliográfico Casares Quiroga e que será transformado nunha Biblioteca itinerante que percorrerá todas as parroquias de Barro.

Interveñen na presentación: Gerino Calvo (exdirector da UNED), o Presidente da Asociación e a Directora do do Fondo Bibliográfico.

A cita a terá lugar o VENRES 13 ás 19 horas. Estades todas e todos convidados!