O Concello de Barro vai levar a cabo un PROGRAMA DE PREVENCIÓN E REDUCIÓN DO ABANDONO 
ESCOLAR coas seguintes actividades:
REFORZO EDUCATIVO: actividade dirixida ó alumnado de 3º e 4º de ESO que presente carencias educativas nas materias instrumentais realizando o correspondente reforzo educativo e ensinando as diferentes técnicas de estudo co obxectivo de superalas na convocatoria de setembro.
ESCOLA PARA ADULTOS: actividade dirixida a mozos/as de 16 a 24 anos que non teñen o título de graduado en ESO co obxectivo de acadar a mencionada titulación.
ASISTENCIA E ACTIVIDADES E EN INSTALACIÓNS DEPORTIVAS:
MÓDULOS ESPECÍFICOS. 3 MESES 420 H+ 160 H PRÁCTICAS.
Actividade dirixidas a mozos/as maiores de 17 anos, sen ser necesario a ESO, para poder acadar esta titulación, este será impartido no Centro Ocupacional Rafael Blanco de Caldas de Reis.
Este programa realizarase dende o 1 de xullo ata o 30 de setembro. As actividades serán totalmente gratuítas. As sesións impartiranse no Biblioteca Municipal, cun máximo de 25 participantes en cada unha delas, os cales serán seleccionados por rigorosa orde de inscrición.
A inscrición farase nas oficinas municipais, ou na oficina de información xuvenil, tamén chamando aos teléfonos do Concello de Barro (986 71 10 01), de luns a sábados, en horario de 9:00 a 15:00 horas ou ao (986 71 48 06) luns, martes, xoves e sábado de 9:00 a 14:00 mércores e venres de 16:00 a 21:00 h.
Poderase consultar o programa das actividades durante este período na páxina web do Concello de Barro: www.barro.es
TRASPÁSASE LICENZA DE TAXI EN BARRO
MAIS INFORMACION NO TELEFONO 606558699
“Actuamos debidamente e non se nos fixo caso, a decepción cos representantes locais é moi grande”, recoñeceu onte o portavoz da plataforma de afectados polas preferentes e subordinadas do Umia, Alberto Pereiro. Aínda que o colectivo conseguiu o pasado 6 de xuño que os alcaldes de Portas, Caldas, Moraña, Cuntis e Barro asinasen un documento no que recollían diversas reivindicacións, case tres semanas despois, non se aprecia ningún avance.
“Non todos os alcaldes teñen a mesma resposta. Por exemplo, o alcalde de Cuntis, Antonio Pena, comprometeuse a solicitar unha reunión co presidente da Diputación, Rafael Louzán. Disto fai tres semanas. Segundo el, seguiu os trámites, pero temémosnos/temémonos que non o vai a facer”, lamentou Pereiro, quen asegurou que existe unha “falta de interese” por ambas partes. “Nin o alcalde de Cuntis nin o presidente da Diputación teñen ningún interese. Confirman que os políticos non moven un dedo polos cidadáns. Temiámonolo/Temiámosnolo desde un principio”, engadiu.
Igualmente, outro dos compromisos alcanzados, o de solicitar unha reunión cos dirixentes das sucursais de Novagalicia Banco, tampouco deu ningún froito.
Ante isto, o colectivo apuntou que non ten outra vía que acentuar as súas reivindicacións e levar a cabo acciones “similares” ás que desenvolveron outros afectados na comunidade. Así pois, suspender os diferentes plenos municipais da comarca ou colapsar as sucursais de Novagalicia Banco da zona, serán algunhas das accións que desenvolverá a plataforma nos próximos días.
Outra das iniciativas que secundaron os regidores da comarca foi a de celebrar un foro aberto en Caldas no que calquera veciño afectado puidese expoñer as súas dúbidas e que contaría coa presenza de expertos legais. “Estamos en contacto co Concello de Caldas e co Colexio de Avogados de Pontevedra para desenvolver este acto”, informou Pereiro, aínda que aínda non hai fixada ningunha data.
Aínda que a plataforma conta con medio centenar de membros, o portavoz do colectivo apuntou que na comarca existen “moitos máis afectados”. Con todo, Pereiro recoñeceu botar en falta unha maior colaboración por parte dos afectados no Umia. “Miras con envexa outras zonas onde a xente implícase mais”, concluíu.
A noite máxica de San Xoan déixanos esta bonita estampa, esta fermosa vaca ás portas do noso concello.
Non sabemos se alguén a levo ou foi ela por conta propia, a saber, igual esta asesorando o noso alcalde nalgunha cuestión transcendental.
A NOITE DE SAN XOAN TINGUE DE AZUL A ESCULTURA DO PENSADOR DESCOÑECIDO QUE SE ENCONTRA NA ESTACIÓN DA PORTElA.
ESTAS CADELIÑAS BUSCAN UN DONO RESPONSABLE. FERNANDO
As fervenzas e muíños de Barosa convertéronse onte no marco incomparable dunha xornada multicultural na que se conxugaron as artes plásticas, a gastronomía e a música. Os asistentes puideron gozar das intervencións artísticas vinculadas coa contorna e realizadas por estudantes e profesores de Belas Artes. A música de Perkuka, grupo de percusión, fusionouse con textos de varios escritores en caixas de música únicas.
Bolboretas entretivo aos nenos con obradoiros de manualidades con materiais naturais da contorna. E no apartado gastronómico, a tapa estrela foi costela de porco ao forno. Estes domingos culturais repetiranse o 30 de xuño e 7 de xullo.
NOTICIAS DE BARRO 