A Policía Local de Poio identificou a un mozo que fixo trompos e derrapes nas proximidades do Convento da localidade. Nunha manobra temeraria golpeou unha zona protexida do conxunto histórico do Convento, e produciu danos considerables, ata o punto de romper un dos adornos de pedra como consecuencia do impacto co vehículo.

Este sinistro tivo lugar na noite do xoves 1 de decembro. Tras golpear a pedra, o condutor deuse á fuga sen poñer en coñecemento das autoridades os danos provocados. Unha vez a Policía Local de Poio tivo constancia dos danos, iniciou unha investigación para localizar o presunto responsable.

Logo da inspección ocular da zona, analizáronse os restos de pintura que se atopaban no lugar e calculouse o punto do impacto. Estes datos foron claves para determinar que se trataba dun modelo Seat León de cor vermella. Na mañá de onte, os axentes atoparon na zona da Barca un vehículo que coincidía coas características e presentaba un golpe no lado esquerdo que coincide coa pintura e altura do golpe do Convento.

Unha vez identificado, o condutor do vehículo admitiu que era o piloto o día do sinistro polo que se procedeu a denuncialo por unha condución temeraria e por non facilitar os datos do accidente a Policía Local. Estas infracciones son moi graves e supoñen unha multa de 700 euros e a retirada de 6 puntos. Así mesmo, o mozo terá que pagar o arranxo do conxunto histórico, e así poder devolvelo ao seu estado orixinal. O responsable é veciño de Curro, na localidade de Barro. É un condutor novel.

http://www.farodevigo.es/portada-pontevedra/2017/12/06/identificado-joven-barro-autor-danos/1799185.html

O Concello de Barro pon en marcha ata o 4 de xaneiro unha nova edición
da Campaña de Comercio no Nadal “Eu quero mercar en Barro”, cun gran
éxito no número de establecementos adheridos este ano. Preto de 50 negocios sumáronse desta volta á iniciativa de promoción do comercio e a hostelería local, conseguindo así o record de participación desta actividade que o goberno municipal leva desenvolvendo dende hai tres anos. A campaña consiste, como en anos anteriores, en agasallar a fidelidade dos consumidores con premios económicos polas súas compras, que despois se reinvestiran nos propios establecementos do concello. Nesta ocasión, increméntase en 100 euros o importe do premio, que chega aos 300 euros repartidos en vales de 50 euros. O sorteo celebrarase o 5 de
xaneiro durante a Festa de Benvida aos Reis Magos. A Concellería de Promoción Económica non desbota aumentar para o vindeiro ano a cantidade monetaria desta campaña, unha vez comprobada a
boa disposición dos/as empresarios/as locais. Por outra banda, a Concellería de Promoción Económica tamén destaca a
boa acollida do stand no que participou o Concello de Barro no recente Forum sobre o Camiño de Santiago, Fairway. A raiz del acadáronse contactos con tour-operadores que mostraron o seu interese por visitar o noso concello. Asimesmo, desta iniciativa, xurdiu unha mesa de traballo formada xa por cinco Concellos da comarca (Portas, Caldas de Reis, Cuntis, Campo Lameiro e Barro), e preténdense sumar algúns máis, para crear unha fronte conxunta co fin de promover paquetes turísticos comarcais.

Por último, estase a animar aos empresarios/as locais para que se retome a Asociación de Comerciantes de Barro.

Este sábado concerto ás 20.30 e logo cea do 25 aniversario.

https://docs.google.com/forms/d/e/1FAIpQLSc9QDbzD35TFJF_-s3oNuKT2tVmrCgaQnat46zQ_kQPHNg_7A/viewform