O PSOE de Barro iniciou unha campaña de recollida de sinaturas reclamando á Xunta de Galicia a creación dun novo Centro de Saúde no municipio e a mellora do Servizo de Pediatría.

O Tenente de Alcalde de Barro e secretario xeral da agrupación socialista, José Sanmartín, deu inicio á iniciativa coa recollida das primeiras rúbricas no Centro Médico.

No acto estivo acompañado da Concelleira Lía Rodríguez e do

Deputado Autónómico e portavoz de Sanidade do PSdG no Parlamento, Julio Torrado,  comprobando as numerosas deficiencias das instalacións.

“Barro merece un novo Centro de Saúde ante o estado obsoleto do actual, que carece de medidas de accesibilidade, presenta filtracións de auga e non dispón de baños adaptados, cun deterioro avanzado da estructura e do mobiliario, tanto nas consultas como na sala de enfermería ou na sala de espera totalmente  interior”, explica o Tenente de Alcalde, José Sanmartín.

Na mesma campaña, os Socialistas de Barro reclaman á Xunta de Galicia a mellora do Servizo de Pediatría “dado o crecemento poboacional experimentado no municipio de usuarios nesta franxa de idade”.

Departamento de Comunicación .