Unha muller resultou ilesa na noite do luns despois de levar por diante a tres xabarís que se lle cruzaron na autoestrada AP-9 ao seu paso polo termo municipal de Barro.

Segundo informou o 112 Galicia, os feitos tiveron lugar sobre as 23.10 horas do luns na contorna do quilómetro 119 da AP-9, sentido Santiago.

Foi a propia afectada a que chamou ao 112 Galicia para explicar o ocorrido e, segundo dixo, aínda que non resultara ferida, permanecía detida na vía.

O persoal da central de urxencias do 112 informou da situación á Garda Civil de Tráfico e ao persoal de mantemento da Autoestrada do Atlántico.

http://diariodepontevedra.galiciae.com/gl/noticia/778779/una-mujer-resulta-ilesa-tras-atropellar-tres-jabalies-en-la-ap-9-en-barro