Unha persoa resultou ferida este venres nun accidente de circulación ocorrido no quilómetro 9 da estrada PO-531, en Barro.

O suceso tivo lugar ao redor das 22:00 horas ao chocar o coche que conducía contra un camión, quedando atrapado no interior do vehículo.

Ao recibir a chamada de alerta, o 112 deu aviso aos bombeiros de Pontevedra e Ribadumia, que tiveron que cortar a porta do turismo para poder evacuar ao ferido, segundo explicaron ao 112 os membros do parque comarcal de Ribadumia.

O condutor foi atendido no mesmo punto polo persoal sanitario de Urxencias Médicas.

Ademais de bombeiros e 061, o servizo de emerxencias avisou aos efectivos de Garda Civil de Tráfico, Protección Civil e ao servizo de mantemento de estradas.

http://pontevedraviva.com/xeral/32457/bombeiros-liberan-condutor-ferido-chocar-coche-camion-curro/

http://pontevedraviva.com/xeral/32457/bombeiros-liberan-condutor-ferido-chocar-coche-camion-curro/