A concelleira de Promoción Económica de Barro, Lia Rodríguez, e o tenente de alcalde desta localidade, José Sanmartín, participaron nunha reunión cos hostaleiros deste municipio que serviu para estreitar a colaboración cos profesionais deste sector co fin de crear maior riqueza económica no concello.
Entre os puntos a tratar estaba a participación do Concello nunha feira turística este fin de semana en Santiago de Compostela que ten como obxectivo a promoción do Camiño Portugués. Barro estará presente con folletos sobre o patrimonio e paisaxe do municipio, degustación de produtivos feitos nesta localidade e coa presentación dun vídeo sobre o itinerario Xacobeo ao seu paso por este concello.
Tamén se creará un rexistro de hostaleiros colaboradores do Concello que formarán unha lista pública á que recorrerá o goberno local cando necesite realizar un servizo de catering, cafetería ou bar para o desenvolvemento de distintos actos municipais.
A concelleira de Promoción Económica destacou que a nova Corporación “ten como obxectivo prioritario a promoción económica do sector hostaleiro e esperamos alcanzar con este segundo encontro co sector o existo da primeira reunión na que tomamos os acordos necesarios para o desenvolvemento e a promoción do sector”.
NOTICIAS DE BARRO 