Un camión con tráiler causaba un aparatoso accidente este martes 16 sobre as 14.00 horas cando circulaba polo nó de Curro (Barro) na estrada N-531. Por causas aínda por determinar, o vehículo impactaba contra a mediana de pezas de plástico que se encontra nesta estrada.

O accidente produciuse sen que se rexistrara ningún ferido pero foi necesaria a intervención dos axentes da Garda Civil de Tráfico para controlar a circulación na zona xa que o camión dificultaba o paso dos vehículos cara a Pontevedra e Vilagarcía.

Unha hora máis tarde de producirse o accidente se restableceu o tráfico con normalidade tras retirar a cabina e o remolque do vehículo.

http://pontevedraviva.com/xeral/14532/camion-impacto-mediana-plastico-curro/