Hoxe recibimos unha carta que nos fixo moita ilusión. Trátase dunha invitación dos alumnos de 5º de primaria do CEIP amor Ruibal para que presentemos un candidato@ para o 5º premio “MIMI “ao personaxe do ano”.

A súa finalidade é recoñecer e premiar a aqueles personaxes da comunidade que na súa vida utilicen e fomenten o idioma galego e a súa cultura.

O premio MIMI consiste nunha figura en madeira realizada polo artista local Francisco José Rodríguez Remiseiro do logotipo do CEIP “Amor Ruibal”, e seralle entregado ao/á gañador/a en maio do 2013 no marco da celebración das Letras Galegas.

Desde Novas de Barro queremos facer participes a todos os seguidores do noso blog na elección do nos@ candidat@.

Así que pensalo ben e mandarnos antes do venres unha proposta a novasdebarro@gmail.com ou unha mensaxe,comentario ao facebook.

Cos nomes dos persoeiros recibidos faremos unha enquisa, e antes do 31 de xaneiro enviaremos o gañador ou gañadora.para que entre @s candidat@s que envíen as demais institucións públicas e as asociacións culturais e deportivas, @s alumn@s do CEIP “Amor Ruibal” avaliarán os méritos d@s candidat@s e decidirán, mediante voto secreto, o gañador ou gañadora.

@s candidat@s tamén poderán ser propost@s, no prazo sinalado, por calquera membro da comunidade educativa do CEIP “Amor Ruibal”, a condición de que dita proposición conte cun respaldo mínimo de dez sinaturas.

Premiados en anos anteriores:

IV PREMIO MIMI: Pili, a educadora social do Concello de Barro.

III PREMIO MIMI: Cantereiras de Ardebullo,

II PREMIO MIMI: Xabarin club

I PREMIO MIMI: Ezequiel Mosquera .