Iso, polo menos, é o que se desprende da información dada polo alcalde, José Antonio Landín, no Pleno ordinario do pasado martes, que se celebrou de modo adiantado por motivos de axenda de membros da Corporación.Ao termo da sesión o alcalde informou verbalmente de dous asuntos que está preparando o Goberno local: a revisión dos custos de aseguradores e a petición para a construción dun novo colexio.Con respecto a isto último, o alcalde indicou que a posibilidade de pedir formalmente á Xunta a construción dun novo centro xa se consultou co delegado territorial de Educación. Ao parecer, as instalacións do Amor Ruibal están obsoletas e necesitarían reformas. Ademais, o municipio ten unha curva positiva de poboación que fará que, en próximas xeracións, aumente o número de alumnos sen que, na parcela, haxa demasiadas posibilidades de ampliación.
O centro, ademais, adoece de certos problemas de accesibilidade, dado que a entrada principal está composta por unha longa escalinata de acceso.

Segundo os datos que hai actualmente na web do centro, 180 alumnos de Infantil e Primaria reciben clases nesta instalación, que conta cun corpo docente de 20 mestres.

O alcalde solicitou saber a opinión da oposición e os dous grupos manifestáronlle que estarán dispostos a apoiar a idea, aínda que, de momento, o alcalde non desvelou onde ten previsto implantar o novo colexio. O centro necesitará unha parcela de 20.000 metros, polo menos, segundo manifestouse na sesión.

Tamén se aprobou parcialmente a moción do BNG sobre o uso dos locais sociais, para que exista certo rigor na concesión dos mesmos e todas as asociacións poidan solicitalo. O PSOE, pola súa banda, pediu ao PP que se situase contra a supresión da axuda estatal á Teleasistencia e os edís ?populares? respondéronlle que a Deputación xa asumira ese custo.