A nova escola infantil de Barro é xa unha realidade. Un total de 61 nenospoderán poderán ocupar as prazas do centro que se alza preto da casa Consistorial, na parroquia de San Antoniño. Catro anos fixeron falta para que os esforzos de Concello, Deputación e Xunta frutifiquen nunha gardería para nenos de 0 a 3 anos.

Con todo, a infraestrutura aínda non funciona a plena capacidade, xa que das 61 prazas das que dispón só 29 están cubertas ata agora. As restantes serán ocupados a partir de xaneiro, logo da valoración das demais solicitudes.

O presidente da Xunta de Galicia, Alberto Núñez Feijoo, escoltado polo presidente da Deputación, Rafael Louzán e a conselleira de Traballo, Beatriz Mato, inaugurou onte a escola infantil de Barro . Mantense deste xeito, a previsión de crear durante este ano 2000 prazas de gardería. Este tema converteuse nun dos cabalos de batalla da Xunta de Galicia. Esta, cifrou o total de prazas que se crearán durante esta lexislatura en 4500 para alumnos de infantil.

«Cumpriremos», rubricou Feijoo onte logo da volta de honra que deron os políticos á gardería. O presidente da Xunta comentou que «ou centro de Barro é un exemplo do que queremos facer en Galicia, todos vos rapaces de 0 a 3 anos terán unha escola infantil con fondos públicos».