Cinco persoas  foron postas a disposición xudicial como sospeitosas de cometer varios roubos no municipio de Barro en marzo e setembro deste ano.

Nun comunicado oficial, a Garda Civil sinalou onte que axentes do destacamento de Vilagarcía de Arousa procederon o pasado venres, ás 11 horas, á imputación de cinco acodes, unha delas menor de idade, como presuntos autores dos feitos delituosos mencionados. As dilixencias instrúeas o Xulgado de Instrución número dous de Caldas de Reis, que é quen seguirá o caso.

Segundo explicaron fontes da Garda Civil, os imputados son todos homes e bastante novos. Un dos sospeitosos é veciño de Poio e ten 25 anos, respondendo ás siglas S.????G.???B. Así mesmo, tamén se procedeu a acusar dos mesmos cargos de roubo a un veciño de Pontevedra, J.???M.???J.???M., de 32 anos de idade.

Os restantes integrantes do que se cre que é un grupo de ladróns son J.???G.???A., de 22 anos, R.???G.???R, da mesma idade que o anterior, e un adolescente. Todos eles veciños do municipio de Barro.

O primeiro dos feitos delituosos obxecto das pesquisas das forzas da orde tivo lugar o 22 de marzo deste ano. Tratouse da tentativa de roubo dun quad no garaje dunha vivenda en Barro.

O segundo foi o roubo de dous rebarbadoras marcha Bosch e máis de douscentos litros de gasoil nun aserradero de pedra tamén de Barro. Ocorreu o pasado 1 de setembro.

Para rematar, nove días máis tarde, tívose coñecemento do roubo dunha máquina de lavar a presión e o hurto de máis duns 150 litros de gasoil noutro aserradero de pedra no mesmo municipio.