Os veciños alagan a PO-531 de cruces e pancartas en contra da súa remodelación

Barro Deixar un comentario

Longas fileiras de cruces nas dúas marxes da estrada, pancartas ao longo da vía e carteis de rexeitamento nas vivendas e edificios deixan patente o desacordo dos veciños da PO-531 (a estrada de Vilagarcía) co proxecto da Consellería de Política Territorial de reformar este viario.
Se fai uns días instalábanse pancartas e carteis, agora chegou a quenda das cruces, que queren pór de manifesto o temor dos veciños de que o proxecto da Xunta “ille” ás vivendas coa instalación de medianas de formigón en boa parte dos nove quilómetros entre Pontevedra e Curro (Barro).
Este proxecto, que Política Territorial xustifica en razóns de seguridade viaria e de ampliación da capacidade dunha estrada con moito tránsito pesado. O seu orzamento rolda os 26 millóns de euros e obrigaría a expropiar unha trintena de edificacións (11 delas vivendas) e 700 leiras.
permaneceu exposto ao público desde o mes pasado e o martes finaliza o prazo, día no que os afectados entregarán na Xunta as súas alegacións, que recollen desde fai varios días. Ademais, preparan unha manifestación nun próximo sábado. Este rexeitamento veciñal atopou eco nos grupos do BNG e do PP de Pontevedra e de Barro, os dous municipios afectados. cccccc.jpg

Deixar un comentario